Lucas 23:9 - Biblia Pume

⁹ Ado pio ju̧i̧iä Jechu pio ju̧i̧ dana̧ra̧ ji̧, jabechji̧ iëno̧ iëno̧ ta̧rërëremȩdejȩ. Jabo cjäri̧ madejȩ, Jechu judi cjapi maearë cjiadiärëremȩde, dëbë yo̧dëmȩrȩ.

Lucas 23:9 Iomraidhean Croise

Ichaia 53:7

Danȩrȩ, ma̧i̧ dari̧ conȩda̧diro̧jo̧ȩ. Goae tjamo̧dëri̧ ya̧e chjaoa̧diro̧jo̧ȩ. Jabo judiro̧ ja̧di dari̧ japea̧räbo, jabechji̧ ba dëbë ya̧dëa̧dejȩrȩ. Ba dëbë ërecjiadëa̧dejȩrȩ. Jabechji̧ cjapiri̧ cjiarëremȩde ovejami̧ dari̧. Danȩrȩ, oveja üdë ja̧bobea yaboi̧, cjapiri̧ cjiade. Ado jibëa̧ cö̧ oa täa̧ ji̧, peaja̧di cjapiri̧ cjiade. Ado peaja̧di dari̧ cjiarëremȩde Jeova ja̧ mu̧i̧tjoi̧ üdë. Cjapiri̧ cjiarëremȩde ma̧i̧ dari̧ conȩdaräbo.

Mateo 27:12

Aja̧, ja̧di ta̧rëri̧ dëbë yo̧rëremȩdejȩ Pirato pio ju̧i̧iäpȩmo̧ Jechu judi. Jabo tjamo̧ goë tuti ja̧bepaji̧ri̧ pio judiro̧ Jechu ju̧i̧iäpȩmo̧ ana̧ri̧ aechide yo̧a̧rä, jabechji̧ cjapi maearë cjiadiärëremȩde, pio ji̧ri̧iäpȩmo̧ dëbë yo̧dëmȩrȩ.

Mateo 27:14

Jabo Jechu judi cjapi maearë cjiadiärëremȩde, domano tjamo̧ cjo̧ro̧mȩ pio ju̧i̧iäpȩmo̧ eami̧ oa yo̧dëmȩrȩ. Jabechji̧ pio jȩaiäpȩmo̧ aechide yo̧ji̧ri̧ pio judiro̧ ma̧ȩ ji̧ra̧ oa ni̧bäa̧räbo, jabechji̧ eami̧ oa yo̧dëa̧dejȩ Pirato ju̧i̧iäpȩmo̧. Ado pio ju̧i̧iä chiri tjamo̧ cjo̧ro̧mȩ pio judi ana̧ tjamo̧ri̧ jo̧rȩtamȩpea̧de, dacho bëremi̧ cjiami̧ dari̧.

Mateo 7:6

Ado Jechu judi ado cja̧rȩmo̧ na̧rȩrea̧ ma̧ȩmi̧ dara̧ ni̧bämȩrȩ ano̧ mire ni̧bä chjaorëremȩdejȩrȩ. Ütë tjamo̧ ja̧ ma̧ȩ oa ji̧dë ma jiadaji̧ri̧ pio ji̧ri̧ chjiari jo̧rȩtamȩrȩ na̧rȩrea̧ ma̧ȩmi̧ da oa yürürëremȩdejȩrȩ aure pio ju̧i̧ chjiari. Ja̧di ta̧rëri̧ yo̧mȩrȩ ni̧bä chjaorëremȩdejȩrȩ: ⁠—⁠Danȩrȩ, Ütë tjamo̧ ja̧ ma̧ȩ oa ji̧dë ma chjuari̧ jiadaji̧ri̧ pio ji̧ri̧iäpȩmo̧ ji̧dë ma a̧ra̧ano̧dëchji̧jȩrȩ ⁠—⁠yo̧a̧dejȩrȩ Jechu judi⁠—⁠. Jabechji̧ aure chjuamȩmi̧ dadirȩ. Aboeami̧ dadirȩ. Danȩrȩ, mȩnȩro̧ jurarea̧ ba chia oa aure oa yürüräbo, jabechji̧ chjaodëri̧ jui gu̧na̧pai̧ dadidibe. Ado mȩnȩro̧ aboea oa ta̧dë ba chia tjamo̧ oa yürürä judi, ¿yö̧ta jo̧rȩtapade? Yö̧ta jo̧rȩtadë, ‘jabechji̧ ba chia tjamo̧dida’ quëna̧ jo̧rȩtamȩrȩ dadëpadejȩ, jabo ji̧dë ma boë cjaeä chjätäpadejȩ ji̧dëri̧. Peaja̧dimi̧ dadirȩ ji̧dë ma jiadaji̧ri̧ judiro̧. Jabechji̧ Ütë tjamo̧ ja̧ ma̧ȩ pio ju̧i̧ ji̧dë ma boë cjaeä chjätämi̧ dari̧ japadiro̧jo̧ȩ. Ado pio ju̧i̧iä yo̧requededibe. Ji̧dë ma jiadaji̧ri̧ pio ji̧ri̧, jabechji̧ ji̧dë ma a̧ra̧ano̧rea̧mi̧dëdirȩ. Jabechji̧ ba chia pio ju̧i̧ badë jo̧rȩtadiro̧jo̧ȩ, aboeami̧ darë. Ado a̧ro̧rȩ chjadëri̧ yürüräbo, jabechji̧ jui gu̧na̧mi̧ dari̧ japapai̧ dadiro̧ibe, auremi̧ darë ⁠—⁠yo̧mȩrȩ ni̧bä chjaorëremȩdejȩrȩ Jechu judi.

Marcos 15:5

Jabo Jechu judi, jabechji̧ cjapiri̧ cjiadiäa̧de. Dëbë yo̧dëa̧dejȩ Pirato ju̧i̧. Ado pio ju̧i̧iä Pirato judi ana̧ri̧ jo̧rȩtamȩpea̧de, ya yabë cjiamȩrȩ.

Lucas 13:32

Jabo Jechu judi dëbë yo̧a̧dejȩrȩ: —Danȩrȩ, ja̧di ta̧rëri̧ yo̧eji̧ri̧renȩro̧jo̧ȩ Erode A̧tipa pio ju̧i̧ —yo̧a̧dejȩrȩ—. "Jabechji̧ baädërequede jabo ji̧dë ma ja̧bepatämi̧ cjiarequede" yo̧eji̧ri̧renȩro̧jo̧ȩ. "Aja̧, ira̧diä cjaeäji̧ri̧ pio ji̧ri̧ ji̧dë ma baä tänȩparequedejȩrȩ. Ado gito ja̧boji̧ri̧ pio ji̧ri̧ ji̧dë ma chjaparȩparequedejȩrȩ peaja̧di" yo̧eji̧ri̧renȩro̧jo̧ȩ. "Aja̧, pio yaba̧ domȩ oa, ado jaco domȩ oa, jabechji̧ ji̧dë ma ja̧bepamȩrȩ ja̧bepaparequede ca̧ea̧ ja̧beparea̧ pio ju̧i̧, cüdë ütarë jo̧rȩtarërea̧ pio ju̧i̧. Ado ja̧dëa ji̧ jaco dopea̧rä, jabechji̧ cüdë ütarë jo̧rȩtarërea̧ pio ju̧i̧ ja̧bepadärärea̧ daparequede peaja̧di" yo̧eji̧ri̧renȩro̧jo̧ȩ Erode A̧tipa pio ju̧i̧iäpȩmo̧, oariromi̧ damȩ pio ju̧i̧iäpȩmo̧, o ji̧ri̧ ji̧dë ma ja̧bo tänȩmȩ ju̧i̧. Aja̧, cüdë yo̧a̧ pio ju̧i̧ yo̧eji̧ri̧nȩro̧jo̧ȩ —yo̧mȩrȩ yo̧rëremȩdejȩrȩ.

Lucas 23:10

Ado Erode A̧tipa judi Jechu pio ju̧i̧ iëno̧ iëno̧ ta̧rëa̧ nö̧ta, tjamo̧ goë tuti ja̧bepaji̧ri̧ pio judiro̧ ana̧ri̧ aechide yo̧rëreji̧ri̧diro̧jo̧ȩ. Ado Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧borë ana̧ri̧ aechide yo̧rëreji̧ri̧diro̧jo̧ȩ.

Juan 19:9

Ado chjereno̧ yu̧a̧de jibëa̧ bëräpȩ Jechu pio ju̧i̧ nö̧ta. Ado ja̧dëa ji̧ ado iëno̧ë ta̧rëa̧dejȩ: —Jabo chjadëri̧ yo̧coe —yo̧a̧dejȩ. ¿Yudirimȩ tjamo̧renȩ? Yo̧coe. Jabo Jechu judi cjapi maeari̧ cjiadiäa̧de, dëbë yo̧dëmȩrȩ.

Japarea̧ 8:32

Ado tjamo̧ yo̧mȩ judi jiro ma̧ȩ oa go̧ȩ ni̧bärëremȩde ja̧di ta̧rëri̧ go̧ȩ ni̧bämȩrȩ: “Oveja oa ja̧bo tänȩrea̧räpȩ mu̧i̧ jämi̧ dari̧ japea̧diro̧jo̧ȩ. Ado oveja boi̧ üdë jibëa̧ cö̧ oa täarä cjapiri̧ cjiami̧ dari̧ cjiadiäremȩde peaja̧di.

Pedro Ma̧ȩ 1 2:23

O judiro̧ pio ju̧i̧ goae tarari̧ ya̧ea̧räbo ba dëbë ya̧dërëremȩdejȩrȩ. Judiro̧ gitoi̧ dari̧ conȩda̧räbo ba dëbë uapai̧ ta̧rëri̧ yo̧ë cji̧dädërëremȩdejȩrȩ, jabo jabechji̧ ji̧dë ma chjuari̧ jo̧rȩtamȩrȩ quëna̧rëremȩdejȩ Ütë tjamo̧ ju̧i̧, coëma cjiari̧ ütarë yo̧mȩ pio ju̧i̧. ‘Aja̧, jidadicoada, ado pio ju̧i̧iä cjiadiämi̧ tarari̧ jo̧rȩtapaquëda, jabechji̧ coëma cjiari̧ ütarë yo̧mȩ pio judidida, ado pio judi daba̧mi̧ ütarë bape chjaopadiji̧ri̧da’ quëna̧ jo̧rȩtarëremȩde Jechu judi, Ütë tjamo̧ pio ju̧i̧iämo̧i̧ ja̧ȩ cjiami̧ dari̧ jo̧rȩtamȩrȩ.