Biblia Todo Logo
Bìoball air-loidhne

- Sanasan -




Lucas 22:12 - Biblia Pume

12 Ado pio ju̧i̧ ta̧rëa̧ oaiä, ëba buapadidibe jo̧ uëräpȩ yuro, ado cja̧rȩmo̧ cjo̧ro̧rea̧ iräpȩ yuro. Ado uëräpȩ bua̧rä, jabechji̧ ju̧ri̧pȩ jo̧ tjo ana̧ oa dae yo̧padidibe chjadëri̧ jëdano̧a̧ oa cjiamȩ oa, a̧ro̧rȩ chjadëri̧ jurapea̧ oa jëdano̧a̧ oa cjiamȩ oa. Jabechji̧ pio ju̧ri̧pȩ chjadëri̧ jëdanȩ yürüparenȩro̧ibe a̧ro̧rȩ jurapea̧ oa —yo̧mȩrȩ yo̧rëremȩdejȩrȩ Jechu judi jibëa̧ jadü yo̧a̧ri̧ oa.

Faic an caibideil Dèan lethbhreac




Lucas 22:12
7 Iomraidhean Croise  

Ado judi yu̧a̧pea̧ bë ano̧mȩ pio ju̧i̧ yo̧chji̧jo̧ȩ: "Danȩ, A̧ra̧ano̧mȩ pio judi ja̧di ta̧rëri̧ iëno̧ë ta̧rëtä eadiibe pio mȩaiäpȩmo̧" yo̧eji̧ri̧renȩro̧jo̧ȩ. "Aja̧, ¿tjana̧räpȩde jo̧ tjo üdë, pio mȩa goëdaera̧pea̧ji̧ri̧ pio ji̧ri̧ cjo̧ro̧ tänȩrea̧ jo̧ tjo üdë? Jabechji̧ ca̧ jadü pio ji̧ri̧ nö̧ta ëba juratämi̧ cjiarequedejȩrȩ uëmo̧ a̧dë chjätärea̧ do pio ju̧i̧ chjadëri̧ jo̧rȩtapea̧ oa" yo̧eji̧ri̧renȩro̧jo̧ȩ.


Pio ju̧i̧ ta̧rëa̧ oaiä, jabechji̧ jäa̧dirȩ. Ado Jechu judi pio jibë yo̧a̧mi̧ daea̧ madiro̧jo̧ȩ. Tjamo̧i̧ cjiari̧ yo̧a̧dejȩrȩ. Ado jo̧ tjo uëräpȩ chjadëri̧ go̧düdäräji̧ri̧rȩ jëdano̧rëreji̧ri̧diro̧jo̧ȩ jurarea̧ oa, uëmo̧ a̧dë chjätärea̧ do pio ju̧i̧ chjadëri̧ jo̧rȩtaji̧ri̧rȩ jurapea̧ oa.


Jabechji̧ pio ji̧ri̧ chjiari chjö̧na̧i̧däräti̧ oa daba darëremȩde, pumȩ pio ji̧ri̧iä ta̧rëdëmȩborë. 'Jabechji̧ pio jiro pumȩ üdë ja̧di dari̧ cjo̧ro̧dida, ja̧di dari̧ jo̧rȩtadida, ja̧di dari̧ quëna̧mȩcji̧ quëna̧ japamȩdida’ quëna̧ daba marëremȩdejȩrȩ, pumȩ ja̧ chji̧ pio ju̧i̧ chjiari tjamo̧ri̧ dabamȩrȩ.


Ja̧dëa ji̧ Jechu judi Pedro pio ju̧i̧ yo̧a̧ri̧ co iëno̧ë ta̧rëremȩrȩ ado yo̧ë ta̧rëa̧dejȩ: —Chimo̧, Juan pio ju̧i̧ ja̧ joja oa iëno̧ë ta̧rërequedemȩ. ¿Pio coa tjamo̧ri̧ earenȩque? Ado Pedro judi pio jȩa iëno̧ë ta̧rëmȩ oa ado ta̧rëa̧ oaiä, gitori̧ jo̧rȩtamȩpea̧de tjarari̧ co iëno̧ë ta̧rëa̧ oaiä. Ado dëbë yo̧a̧dejȩ Jechu ju̧i̧: —Danȩ Ano̧mȩ, chjö̧na̧i̧ oa dabamȩrenȩ. Cüdë mȩa ea tjamo̧ pio ju̧i̧ dabarenȩ —yo̧a̧dejȩ. Ja̧dëa ji̧ Jechu judi ado yo̧a̧dejȩ: —Ja̧dirä judi, chjadëri̧ jidajȩrȩ ca̧ oveja̧mi̧ da pio ji̧ri̧ —yo̧a̧dejȩ—.


Ado ju̧ri̧pȩ go̧düdärä ëte, baäa̧dirȩ jënȩro̧ cjiadiärërea̧ bëräpȩ. Ado ju̧ri̧pȩ go̧düdärä ëte, bua̧dirȩ jënȩro̧ cjo̧ro̧mȩ jo̧ tjoräpȩmo̧, uëräpȩ cjiamȩ jo̧ tjoräpȩmo̧. Pedro judi, Juan judi, Santiago judi, Andres judi, Felipe judi buarëreji̧ri̧dirȩ. Ado Tomas judi, Bartolome judi, Mateo judi peaja̧di buarëreji̧ri̧dirȩ. Ado Apjeo joja pio judi, Santiago quȩmȩ pio judi peaja̧di buarëremȩde. Ado cja̧rȩmo̧ Chimo̧ judi, domano̧ ji̧ri̧ ea tjamo̧dërëreji̧ri̧ pio ji̧ri̧ nö̧ta ëba tai̧rëremȩ pio judiborë buarëremȩde Juda quȩmȩ pio ju̧i̧ nö̧ta, Santiago quȩmȩ joja pio ju̧i̧ nö̧ta. Ja̧di quȩji̧ri̧ pio judiro̧ buarëreji̧ri̧dirȩ.


Tatari̧ cjiamȩ tataparea̧ ji̧ra̧räpȩ a̧dopea̧ oa cjiaji̧ri̧ oa a̧ra̧ano̧rëremȩdiibe, jo̧ tjo uë tjamo̧räpȩ ju̧ri̧.


Lean sinn:

Sanasan


Sanasan