Lucas 21:1 - Biblia Pume

¹ Ado Jechu judi Ütë tjamo̧ pio ju̧i̧ ja̧ bëräpȩ charëremȩde tjamo̧ chëre yürürea̧ joë dëbëräpȩ ju̧ri̧, Ütë tjamo̧ ja̧ oa yürürea̧ joë dëbëräpȩ ju̧ri̧. Jabechji̧ yürüji̧ri̧ oa dae charëremȩdejȩrȩ chëre ji̧ra̧ri̧ goaji̧ri̧ pio ji̧ri̧, jibëa̧ chëre oa joërä gatëchäji̧ri̧ oa.

Lucas 21:1 Iomraidhean Croise

Mateo 27:6

Jabo Juda judi quibë aea̧ chëre oa daea̧rä, tjamo̧ goë tuti ja̧bepaji̧ri̧ pio judiro̧ a̧doparëreji̧ri̧diro̧jo̧ȩ. Ado yo̧a̧dirȩ: ⁠—⁠Danȩrȩ, pio yoa chëre üdë yürüa̧ oa cjiarëremȩde cja̧rȩmȩ pumȩ pio ju̧i̧ ja̧bo tänȩpea̧ pio ju̧i̧ chjiari ⁠—⁠yo̧a̧dirȩ⁠—⁠. Ado pio ju̧i̧iä a̧de cö̧a̧dëpea̧de. Ütë tjamo̧ ja̧ bërä chëre boearea̧ jo̧ tjoräpȩ ju̧ri̧ a̧de cö̧a̧dëpea̧de. Jabechji̧ a̧ro̧rȩ daba tara, tüdüa̧mi̧ darä cjo̧ro̧pea̧ ma̧ȩ pio ju̧i̧ daba tara, ‘jabechji̧ pumȩ oa ja̧bo tänȩpea̧ oa yürürërea̧ chëre üdë chëre boearea̧ jo̧ tjoräpȩ ju̧ri̧ a̧de cö̧a̧dëpea̧dida’ quëna̧ daba tara, jabechji̧ a̧de cö̧a̧dëparea̧ro̧jo̧ȩ ⁠—⁠yo̧ji̧ri̧rȩ yo̧rëreji̧ri̧dirȩ jibëa̧ dibëti̧ra̧ chia Juda judi ado chjereno̧ yürüa̧ chëre pio ju̧i̧ chjiari.

Lucas 20:47

Ado danȩrȩ, idëri̧ cjiarea̧ taradëji̧ri̧rȩ garü chjaodiro̧jȩrȩ oari chiarëreji̧ri̧ ivi pio ji̧ri̧iä. Aja̧, jibëa̧ bëremȩ oa, jibëa̧ chiriremȩ oa baë mitëdiro̧jo̧ȩ, pio ji̧ri̧ u̧i̧pe ni̧bäji̧ri̧rȩ. Jabo ja̧di dari̧ japaji̧ri̧borë ma̧ȩ go̧a̧ti̧ oa ni̧bäji̧ri̧rȩ ni̧bämi̧ dari̧ japadiro̧jo̧ȩ Ütë tjamo̧ ju̧i̧iä, pumȩ chjadëcji̧ quëna̧ japaji̧ri̧rȩ. Jabo cjäri̧ madejȩrȩ, a̧dë chjäte uapai̧ dara̧ pio ju̧ri̧ra̧ bape chjaopadejȩrȩ Ütë tjamo̧ judi —yo̧mȩrȩ ni̧bä chjaorëremȩdejȩrȩ Jechu judi jibëa̧ jadü pio ji̧ri̧iäpȩmo̧ Moicherë go̧ȩparërea̧ ma̧ȩ oa a̧ra̧ano̧ji̧ri̧ pio ji̧ri̧ chjiari.

Juan 8:20

Ja̧di ta̧rëri̧ yo̧mȩrȩ ni̧bä chjaorëremȩde Jechu judi Ütë tjamo̧ ja̧ bëräpȩ ju̧ri̧, pumȩ judiro̧ jibëa̧ chëre yürürea̧ jo̧ tjoräpȩ ju̧ri̧. Jabo Jechu pio ju̧i̧ mitëtärea̧ ji̧, ta̧rë chaji̧ri̧ pio judiro̧ pio ju̧i̧ chaäpea̧ oa chjaodëri̧ mitëtärea̧ ji̧, jabechji̧ mitërea̧ dadëa̧diro̧jo̧ȩ pio jȩa mitëpea̧ do üdë jabë ma̧na̧dëa̧ tara.