Lucas 20:8 - Biblia Pume

⁸ Ado pio ju̧i̧ ta̧rëa̧ oaiä Jechu judi dëbë yo̧a̧dejȩrȩ: —Mȩnȩro̧ pio coa chjadëri̧ dëbë yo̧dë tara, jabechji̧ pio cüdëborë chjadëri̧ dëbë yo̧dëparequededibe. "Aja̧, pio ju̧i̧ ja̧ ma̧ȩrä japarequede" yo̧tärea̧ ji̧, jabechji̧ yo̧dëparequededibe —yo̧a̧dejȩrȩ.

Lucas 20:8 Iomraidhean Croise

Mateo 15:14

Ado pio ju̧i̧iä yo̧requededibe ⁠—⁠yo̧a̧dejȩrȩ⁠—⁠. Ana̧ri̧ jo̧rȩtadëchji̧vä pjaricheo pio ji̧ri̧ chjiari. Jabechji̧ da cotoji̧ri̧mi̧ dari̧ cjiadirȩ. Ado da cotomȩ pio judi ado cja̧rȩmo̧ da cotomȩ pio ju̧i̧ yabo dariä baärä judi, cjäri̧ madirȩ, yo̧a̧ri̧borë puërä choë cjatäpai̧ datäreji̧ri̧dirȩ. Peaja̧dimi̧ dari̧ japapai̧ dadirȩ pjaricheo pio ji̧ri̧ cho̧rë jäji̧ri̧ judiro̧ ⁠—⁠dëbë yo̧a̧dejȩrȩ.

Mateo 16:4

Jabechji̧ pio yaba̧ domȩ oa cjo̧ro̧ji̧ri̧ pio mȩnȩro̧, chjai̧dë tjamo̧nȩrȩ. Jabechji̧ Ütë tjamo̧ pio ju̧i̧ putu jura̧ a̧dë chami̧ dari̧ a̧dë jo̧rȩtarenȩro̧jo̧ȩ. Jabechji̧ na̧rȩrea̧ pio ju̧i̧mo̧i̧ jo̧rȩtanȩrȩ. Tjamo̧ davä, jauëchja cjiari̧ na̧rȩrea̧ pio ju̧i̧mo̧i̧ datämi̧ cjianȩrȩ. Jabo cjäri̧ marequededibe, eami̧ na̧rȩrea̧ oa yürüdëparequededibe, jabo Jona̧ quȩmȩrea̧ pio ju̧i̧ chjiarimo̧i̧ na̧rȩrea̧ oa yürüparequededibe ⁠—⁠yo̧a̧dejȩrȩ. Ado Jechu judi ja̧di ta̧rëri̧ ni̧bä ëte, a̧dë baärëremȩdejȩrȩ.

Mateo 21:27

Ado judio ütëti̧ judiro̧ ja̧di ta̧rëri̧ ni̧bä chjaoa̧ oaiä, ja̧di ta̧rëri̧ yo̧ji̧ri̧rȩ dëbë yo̧a̧diro̧jo̧ȩ Jechu ju̧i̧: ⁠—⁠Cjäri̧ marea̧rȩ, 'pio ju̧i̧ ja̧ ma̧ȩrä goe cjaeä chudarëremȩdida' quëna̧ dabadërea̧rȩ ⁠—⁠yo̧a̧diro̧jo̧ȩ. Ado pio ju̧i̧ ta̧rëa̧ oaiä, Jechu judi dëbë yo̧a̧dejȩrȩ: ⁠—⁠Ado mȩnȩro̧ coa chjadëri̧ dëbë yo̧dë tara, jabechji̧ pio cüdëborë chjadëri̧ dëbë yo̧dëparequededibe. “Aja̧, pio ju̧i̧ ja̧ ma̧ȩrä japarequede” yo̧tärea̧ ji̧, jabechji̧ yo̧dëparequededibe ⁠—⁠yo̧a̧dejȩrȩ.

Marcos 11:33

Ado pio ju̧i̧iä ja̧di ta̧rëri̧ dëbë yo̧a̧diro̧jo̧ȩ Jechu ju̧i̧: —Cjäri̧ marea̧rȩ, 'pio ju̧i̧ ja̧ ma̧ȩrä goe cjaeä chudarëremȩdida' quëna̧ dabadërea̧rȩ —yo̧a̧diro̧jo̧ȩ—. Ado pio ju̧i̧ ta̧rëa̧ oaiä, Jechu judi dëbë yo̧a̧dejȩrȩ: —Danȩrȩ, mȩnȩro̧ coa chjadëri̧ dëbë yo̧dë tara, peaja̧di chjadëri̧ yo̧dëparequededibe. "Aja̧, pio ju̧i̧ ja̧ ma̧ȩrä japarequede" yo̧tärea̧ ji̧, jabechji̧ yo̧dëparequededibe —yo̧a̧dejȩrȩ.

Lucas 20:7

Ado ja̧dëa̧ ji̧ tjamo̧ yo̧ji̧ri̧ pio judiro̧ ja̧di ta̧rëri̧ yo̧ji̧ri̧rȩ yo̧a̧diro̧jo̧ȩ Jechu ju̧i̧: —Cjäri̧ marea̧rȩ, 'pio ju̧i̧ ja̧ ma̧ȩrä go̧ȩ cjaeä chudarëremȩdida' quëna̧ dabadërea̧rȩ —yo̧a̧diro̧jo̧ȩ.

Lucas 20:9

Jabo Jechu judi cjiadiädëmȩrȩ pio yoa na̧rȩrea̧ ma̧ȩmi̧ dara̧ a̧de ni̧bä chjaorëremȩdejȩrȩ judio tjamo̧ yo̧ji̧ri̧ ütëti̧ pio ji̧ri̧iäpȩmo̧: —Danȩrȩ, cjo̧ro̧rëremȩde pumȩ judi, jibëa̧ chiri oa goamȩrȩ. Ado jiro pumȩ judi, ‘jabechji̧ uva tjado oa japatäquëda’ quëna̧ jo̧rȩtamȩrȩ ja̧beparëremȩde. Ado tjado oa chjadëri̧ japa ëte, uva to oa chjadëri̧ gua ëte, jabechji̧ jibëa̧ tjado oa jida tänȩrëremȩdejȩrȩ ja̧bepatämi̧ cjiaji̧ri̧ pio ji̧ri̧, jibëa̧ mu̧i̧tjoi̧ pio ji̧ri̧. Jabechji̧ pio judiro̧ chëre boapea̧ oa, uva pio oaiä chëre boapea̧ oa, ado pio jȩaiäpȩmo̧bo uva oa yürüpea̧ oa, jida tänȩrëremȩdejȩrȩ. Ado ja̧di dari̧ japa ëte tjado ana̧mȩ pio judi baärëremȩde jachi tjamo̧ oa, ado cja̧rȩmo̧ chiriräpȩ cjo̧ro̧pea̧ oa, ui ji̧ra̧ri̧ cjo̧ro̧pea̧ oa.

Lucas 22:68

Ado cüdë dibë eami̧ oa iëno̧ë ta̧rërä judi, chjadëri̧ dëbë yo̧dëparenȩro̧coe.