Lucas 20:5 - Biblia Pume

⁵ Ado judiro̧ Jechu pio ju̧i̧iä ta̧rëa̧ oaiä, 'yö̧ta dari̧ dëbë yo̧täreji̧ri̧a̧ro̧ju̧i̧da' quëna̧ jo̧rȩtaji̧ri̧rȩ chjaodëri̧ ni̧bä chjaoji̧ri̧pea̧dirȩ jibëa̧ dëbëti̧ra̧ chia, ja̧di ta̧rëri̧ yo̧ji̧ri̧rȩ: —Danȩrȩ, a̧ro̧rȩ dëbë yo̧rä judi, "Aja̧, Juan pio judi Ütë tjamo̧ pio ju̧i̧ ja̧ ma̧ȩrä go̧ȩ cjaeä chudarëremȩde" dëbë yo̧rä judi, jabo cjäri̧ madiibe, pio ibëiäpȩmo̧ dëbë yo̧pai̧ dadiibe. "Jabo Ütë tjamo̧ ja̧ ma̧ȩrä chuda̧rä judi, ¿tjana̧ japatä Juan pio ju̧i̧ quëna̧dëa̧renȩro̧jo̧ȩ?" yo̧pai̧ da jirodiibe.

Lucas 20:5 Iomraidhean Croise

Mateo 16:7

Jabo Jechu ja̧ jadü judiro̧, ‘¿tjana̧ yo̧cjivadi?’ quëna̧ji̧ri̧rȩ tjamo̧ri̧ bapë ta̧rëdëa̧diro̧jo̧ȩ. ‘Aja̧, oëra̧ a̧ra̧ano̧rea̧ ma̧ȩ pio ju̧i̧ chjiari na̧ȩ chiatä ea jirodiibëda’ quëna̧tärea̧ ji̧, ja̧di dari̧ quëna̧dëa̧dirȩ. ‘Jabechji̧ a̧ro̧rȩ chja̧pe oa goa jana̧dëa̧ oaiä, ja̧di ta̧rëri̧ yo̧a̧ jirodiibëda’ quëna̧ jo̧rȩtarëreji̧ri̧dirȩ pjuru chiaparȩrea̧ pio ju̧i̧ chjiari ta̧rëa̧ oaiä.

Mateo 21:25

¿Chjia ja̧ ma̧ȩrä go̧ȩ cjaeä chudarëremȩdejȩrȩ pumȩ ji̧ri̧ Juan judi? Jabo Ütë tjamo̧ ja̧ ma̧ȩrä, jabo pumȩ ja̧ ma̧ȩrä? Chjadëri̧ yo̧chji̧coe ⁠—⁠yo̧mȩrȩ iëno̧ë ta̧rërëremȩdejȩrȩ Jechu judi. Ado Jechu judi pio jibëiä iëno̧ë ta̧rëa̧ oaiä, chjaodëri̧ taruparëreji̧ri̧dirȩ jibëa̧ dëbëti̧ra̧ chia ni̧bä chjaopea̧ ji̧. "Aja̧, a̧ro̧rȩ dëbë yo̧rä judi, 'Aja̧, Juan judi Ütë tjamo̧ pio ju̧i̧ ja̧ ma̧ȩrä go̧ȩ cjaeä chudarëremȩde' dëbë yo̧rä judi, jabo cjäri̧ madiibe, pio ibëiäpȩmo̧ dëbë yo̧pai̧ dadiibe. "Jabo Ütë tjamo̧ ja̧ ma̧ȩrä chuda̧rä judi, ¿tjana̧ japatä Juan pio ju̧i̧ quëna̧dëa̧renȩro̧jo̧ȩ?" yo̧pai̧ da jirodiibe.

Lucas 20:4

¿Chjia ja̧ ma̧ȩrä go̧ȩ cjaeä chudarëremȩdejȩrȩ pumȩ ji̧ri̧ Juan judi? Jabo Ütë tjamo̧ ja̧ ma̧ȩrä, jabo pumȩ ja̧ ma̧ȩrä? Chjadëri̧ yo̧chji̧coe —yo̧mȩrȩ ba dëbë iëno̧ë ta̧rërëremȩdejȩrȩ Jechu judi.

Lucas 20:6

Jabo cjäri̧ marea̧rȩ, a̧ro̧rȩ, "Aja̧, pumȩ ja̧ ma̧ȩrä go̧ȩ cjaeä chudarëremȩde" dëbë yo̧rä judi, peaja̧di uapai̧ dade. Jabechji̧ chjaodëri̧ ërecjiape bagapai̧ dadiro̧ibe pumȩ judiro̧. Ta̧dëra̧ ae cjie ja̧bo tänȩpai̧ dadiro̧ibe ji̧dëri̧. ‘Jabechji̧ Juan pio judi Ütërë ea jana̧ chjadüa̧ oa ni̧bämȩdida’ quëna̧ jo̧rȩta madiro̧jo̧ȩ. Ado pio ju̧i̧iä ja̧di ta̧rëri̧ dëbë yo̧rea̧mi̧dëde" yo̧a̧dirȩ jibëa̧ dëbëti̧ra̧ chia.

Juan 1:30

Jabechji̧ pio yoa pumȩ oa jo̧rȩtamȩrȩ yo̧a̧requededibe ado cja̧rȩmo̧ doremȩrä cüdë dibë ni̧bä chjaoa̧ ji̧ —yo̧a̧dejȩrȩ—. Jabechji̧ dibë yo̧a̧ ji̧, ‘Aja̧, ca̧ duri oa ma̧na̧pamȩ judi pio coa u̧i̧ ba chiade’ yo̧a̧ ji̧, ‘ca̧ ai̧ jini̧ coa jabë aradëa̧rä cjiarëremȩde’ yo̧a̧ ji̧, jabechji̧ pio yoa chjiari yo̧a̧requededibe —yo̧a̧dejȩrȩ—. Jabechji̧ pio yoa pumȩ pio ju̧i̧ chjiari jo̧rȩtamȩrȩ yo̧remȩquededibe.

Juan 1:34

Ado Jechuro cjiadiäpea̧ oa biradäräa̧mȩ oa irä daea̧ oaiä, jabechji̧ tjamo̧ri̧ dabamȩrȩ yo̧requededibe yaba̧. Jechu judi Ja tjamo̧ pio judi tjamo̧de. Ütë tjamo̧ ja̧ Joja pio judi tjamo̧de —yo̧mȩrȩ yo̧rëremȩdejȩrȩ pumȩ ji̧ri̧ uirä chudarëremȩ pio judi.

Juan 3:26

Ado pio ju̧i̧ nö̧ta ni̧bäa̧ duri oa goëdepea̧diro̧jo̧ȩ Juan ju̧i̧. Ado Jechu pio ju̧i̧ jo̧rȩtaji̧ri̧rȩ yo̧a̧diro̧jo̧ȩ: —Danȩ a̧ra̧ano̧mȩ, mȩnȩ ibë yo̧a̧ pio ju̧i̧ ¿jo̧rȩtadënȩ üi̧ oa? Bea Joroda̧ oëräpȩ pio mȩa nö̧ta ëba cjiaremȩ pio ju̧i̧ ¿jo̧rȩtadënȩ? Danȩ, judiborë pumȩ ji̧ri̧ go̧e cjaeä chudadejȩrȩ yaba̧. Ado pumȩ judiro̧ ütëborë pio mȩaiäpȩ jana̧rërea̧ ji̧, pio ju̧i̧iäpȩ ano̧ mire jä chjaodirȩ yaba̧ —yo̧a̧diro̧jo̧ȩ.

Juan 3:36

Ado eami̧ pumȩ üdë, Joja pio ju̧i̧ quëna̧mȩ pio judi, jabechji̧ bucho ana̧ cjo̧ro̧rea̧ chiade. Jabo eami̧ pumȩ üdë, Joja pio ju̧i̧ jiadamȩ pio judi, cjäri̧ made, bucho ana̧ cjo̧ro̧rea̧ chiadëpade, jabo Ütë ja̧ ërecjiarea̧ra̧ pio ju̧ri̧ra̧ bape chjaopea̧ maearë cjorode.

Japarea̧ 13:25

Ado Juan judi, Ütërë pio jȩaiäpȩmo̧ yürüa̧ ja̧beparea̧ pio ju̧i̧ ja̧bepadäräpea̧ ji̧ querediäa̧rä, yo̧ë ta̧rërëremȩdejȩrȩ pumȩ ji̧ri̧: "¿Jabo chjiarämi̧ cjiarenȩro̧coe?“ iëno̧ë ta̧rëa̧dejȩrȩ. Jabo dëbë yo̧rea̧ yürüdëmȩrȩ ja̧di ta̧rëri̧ a̧de yo̧a̧dejȩrȩ: “Danȩrȩ, oëra̧ jo̧rȩtadëchji̧vä pio coa chjiari" yo̧a̧dejȩrȩ. "Mȩnȩro̧ jidata̧ pio judidërequede. Ütë tjamo̧ judi chjadüpea̧ pio judidërequede. Ado cja̧rȩmo̧de. Jabo danȩrȩ, ma̧na̧pea̧ ji̧ querediä tjamo̧de“ yo̧a̧dejȩrȩ. “Ca̧ duri oa ma̧na̧pade. Ado a̧dë chjäte ba chiade. Pio ju̧i̧ ja̧ ta joë cä oa jareno̧pea̧ ji̧ nö̧tadërequede judi ba chia tjamo̧ tara. Jabechji̧ pio ju̧i̧ ja̧ mu̧i̧tjoi̧rȩ japarea̧ nö̧tadërequede” yo̧mȩrȩ yo̧rëremȩdejȩrȩ Juan judi —yo̧a̧dejȩrȩ pumȩ ji̧ri̧ Pablo judi.