Lucas 20:2 - Biblia Pume

² Ado yo̧a̧diro̧jo̧ȩ: —Danȩ, chjadëri̧ yo̧ibe —yo̧a̧diro̧jo̧ȩ—. Jabechji̧ mȩnȩ ji̧ra̧ tjamo̧ oa japea̧renȩ. ¿Jabo chjia ja̧ ma̧ȩrä japamȩrenȩ mȩnȩ? ¿Chjiarë chjadüa̧ oa ja̧di dari̧ japarëmȩrenȩ mȩnȩ? —iëno̧ë ta̧rëa̧diro̧jo̧ȩ Jechu ju̧i̧.

Lucas 20:2 Iomraidhean Croise

Go̧dürea̧ Ma̧ȩ 2:14

Ado dëbë yo̧mȩrȩ yo̧a̧dejȩ: —¿Chjiacjivarenȩ mȩnȩ? ¿Chjiarë tänȩa̧ oa tjamo̧ yo̧mȩpea̧renȩ? ¿Chjiarë tänȩa̧ oa ibë ütaramȩpea̧renȩ? Ado ¿yö̧ta japaparenȩ yaba̧? Mȩnȩ pe judi ejichio pio ju̧i̧ ja̧bo tänȩa̧rea̧mi̧ ¿ja̧bo tänȩdëparenȩque yaba̧? —yo̧mȩrȩ dëbë yo̧a̧dejȩ Moiche ju̧i̧iäpȩmo̧. Ado Moiche judi pio ju̧i̧ ta̧rëa̧ oaiä, uapa tjamo̧pea̧de. Ado judi, 'Chia chia, cüdë pe judi goaditea̧ pio ju̧i̧ daba ma jirodiro̧da' quëna̧ jo̧rȩtamȩpea̧de.

Lucas 20:1

Ado cja̧rȩmo̧ doremȩrä Jechu judi pumȩ ji̧ri̧ Ütë tjamo̧ ja̧ bëräpȩ a̧ra̧ano̧rërea̧ ji̧, ma̧ȩ chjadëi̧ pio ju̧i̧ chjiari ma̧ȩ oa a̧ra̧ano̧rërea̧ ji̧, pio ju̧i̧ dëbëpe chjaomi̧ dari̧ japaji̧ri̧ pio judiro̧ go̧düdärärëreji̧ri̧diro̧jo̧ȩ. Tjamo̧ davä. O ji̧ri̧ chjiari tjamo̧ goë tuti ja̧bepaji̧ri̧ judiro̧, Moicherë go̧ȩparërea̧ ma̧ȩ oa a̧ra̧ano̧ji̧ri̧ judiro̧, ado judio tjamo̧ yo̧ji̧ri̧ ütëti̧ pio judiro̧borë go̧düdärärëreji̧ri̧dirȩ pio ju̧i̧iäpȩ.

Lucas 20:3

Jabo Jechu judi dëbë yo̧tärea̧ ji̧ ja̧di ta̧rëri̧ yo̧a̧dejȩrȩ: —Danȩrȩ, pio cüdëborë iëno̧ë ta̧rëparequededibe —yo̧a̧dejȩrȩ—. Ado mȩnȩro̧ coa chjadëri̧ dëbë yo̧rä judi, peaja̧di chjadëri̧ dëbë yo̧parequededibe mȩnȩro̧ coa yo̧a̧ pio ju̧i̧. Danȩrȩ, chjadëri̧ yo̧chji̧coe yaba̧.

Juan 2:18

Ja̧dëa ji̧ Jechu judi ja̧di dari̧ japea̧ oaiä, judio tjamo̧ yo̧ji̧ri̧ pio judiro̧ ana̧ tjamo̧ri̧ jo̧rȩtaji̧ri̧rȩ iëno̧ë ta̧rëa̧diro̧jo̧ȩ: —¿Jabo tjana̧ ju̧i̧iä ja̧di dari̧ japea̧renȩ? ¿Chjia ja̧ ma̧ȩrä ja̧di dari̧ japarea̧ daea̧renȩ? Mȩnȩ Ütë tjamo̧ ja̧ ma̧ȩrä tjamo̧ri̧ japea̧rä judi, jabechji̧ chjadëri̧ na̧rȩibe jauëchja cjiari̧ japea̧ oaiä —yo̧a̧diro̧jo̧ȩ.

Japarea̧ 7:27

Jabo cjäri̧ madiro̧jo̧ȩ. Ta̧rë ja̧bodëa̧diro̧jo̧ȩ. Ado ja̧ omȩ pio ju̧i̧iäpȩmo̧ conȩdaremȩ pio judi goae tarari̧ gi̧de ae cji̧däa̧dejȩ Moiche ju̧i̧. Ado dëbë yo̧mȩrȩ iëno̧ë ta̧rëa̧dejȩ: "¿Chjiarë tänȩa̧ oa ibëa̧ ütëpea̧renȩ yaba̧?" dëbë yo̧a̧dejȩ. "¿Chjiarë tänȩa̧ oa ibë ütaramȩpea̧renȩ? Jabo cjäri̧ marenȩ, ibëa̧ ütë ma ja̧didërenȩ.

Japarea̧ 7:51

—Jaboti̧ri̧ji̧ri̧nȩrȩ mȩnȩro̧ —yo̧a̧dejȩrȩ Eteba judi—. Jabechji̧ dibëa̧ ütëti̧rea̧ judiro̧ jape chjaorërea̧mi̧ jape chjaonȩrȩ. Judiro̧ Tjo tjamo̧ pio ju̧i̧ jiadarërea̧mi̧ ji̧dë ma jiade chjaonȩrȩ peaja̧di. Ji̧dë ma dëbë järirenȩro̧jo̧ȩ. Jabechji̧ ta̧rë puë chiadëti̧rȩ cjianȩrȩ Ütë tjamo̧ ja̧ ma̧ȩ oa ta̧rë ja̧bodëji̧ri̧rȩ. Jabechji̧ mȩnȩro̧ ano̧ mire jo̧rȩtatärea̧ ji̧, ano̧ mire jo̧rȩtadëri̧ cjianȩrȩ.