Lucas 2:7 - Biblia Pume

⁷ Jabo pumȩ no̧i̧dërë Berȩräpȩ jibëa̧ yaboi̧ go̧düdäräa̧ oaiä, jabechji̧ pio jibë ëba cjo̧ro̧mȩ pio ju̧i̧ dadëa̧dirȩ. Pio ju̧i̧iä bacarë cjo̧ro̧rea̧ bëräpȩ yu̧a̧dirȩ. Ado pio ju̧ri̧ ararëreyi̧nȩjȩ boi̧chji̧ oa, jibëa̧ ja yabomȩ oa. Ado boi̧chji̧ pio ju̧i̧ ara ëte, chjibo cotora̧ pio ju̧ri̧ra̧ joë purirëreyi̧nȩjȩ. Ado joë puria̧ duri oa, bacarë jurarea̧ chararä idë a̧ra̧rëreyi̧nȩjȩ.

Lucas 2:7 Iomraidhean Croise

Taruparea̧ Ma̧ȩ 42:27

Ado gȩnȩpea̧rä cjiadiärëreji̧ri̧dirȩ no̧ropȩ mo̧a̧pea̧ oa. Ado ja̧dëa ji̧ cja̧rȩmȩrȩ jibëa̧ buro oa jura tänȩpea̧ oa jarea̧dejȩ jibëa̧ chaco oa. Ado ja̧dëa ji̧ chaco oa areia̧ ji̧, daea̧dejȩ jibëa̧ chëre oa chaco yaräpȩ ju̧ri̧, jurarea̧ uëmo̧i̧ cö̧a̧mȩ oa.

Taruparea̧ Ma̧ȩ 43:21

Jabo ja̧dëa ji̧ a̧ro̧rȩ baäa̧rä, no̧räpȩ ju̧ri̧ mo̧a̧pea̧ oa cjiadiäa̧rä, ibëa̧ chaco oa areia̧rä, jabechji̧ a̧ro̧rȩ ütëborë yürüa̧ chëre oa daea̧ marea̧ro̧jo̧ȩ chaco yarä ju̧ri̧. A̧ro̧rȩ yürüa̧ chëre chjö̧na̧i̧ oa daea̧rea̧rȩ. Jabo danȩ, ado chjereno̧ goa jana̧rea̧ro̧jo̧ȩ dibë chjadëri yürüpea̧ oa.

Go̧a̧rea̧ 22:6

Go̧dü Tänȩmȩ judi yo̧bëmi̧ go̧ȩparëremȩde Davi judi jabërä. Ja̧di ta̧rëri̧ go̧ȩparëremȩde: A̧dë chjäte gitoi̧ dari̧ tararequede cüdë. Pumȩmi̧ dadëpea̧requede. Ji̧dë ma ya̧e chjaodiro̧coe. Idëri̧ cjia tänȩdiro̧coe. Ma̧ cjüëtüri̧ jo̧rȩtaji̧ri̧rȩ badë dae chjaodiro̧coe pö̧rö̧mi̧ da oa, badëmi̧ da oa.

Ichaia 7:14

Jeova pio judi na̧rȩrea̧ yürüpadidibe. Jabechji̧ iei̧ jini̧, pea ütëpea̧yi̧ pio jini̧, üi̧rȩ cja̧rȩmo̧ co ëba mo̧a̧dëa̧ iei̧ pio jini̧ bo maipanȩ. Ado arapanȩjȩ jibëa̧ ja oa. Ado Emanue quȩra̧ pio ju̧ri̧ra̧ quȩpajanȩjȩ. Aja̧, “Ütë tjamo̧ judi pio ibëdimȩde” yo̧mȩ quȩra̧ pio ju̧ri̧ra̧ quȩpajanȩjȩ. Aja̧, ja̧di ta̧rëri̧ go̧ȩpea̧ oa cjiade Go̧dü Tänȩmȩ pio ju̧i̧ chjiari.

Mateo 1:25

Jabo ëba mo̧a̧dërëremȩdejȩ jabo. Jabechji̧ ëba mo̧a̧dërëremȩdejȩ joja oa ara̧rä yuro. Ado joja pio ju̧i̧ ara̧rä, Jechu quȩra̧ quȩparëremȩdejȩ.

Mateo 13:55

Danȩrȩ, pumȩ ba chiadëde, jabomo̧ pio yoa chiririmȩde. Jabechji̧ Joche pio ju̧i̧ ja̧ jojade. Jabomo̧ to maeara̧ ja̧bepamȩ pio ju̧i̧ ja̧ jojade. Ado pio ju̧i̧ arayi̧ pio jini̧, jabechji̧ Maria quȩyi̧ pio jini̧nȩ. Ado pio ju̧i̧di ja̧ji̧ri̧ pio ji̧ri̧ chjiaribo dabarea̧rȩ. Danȩrȩ, Santiago ju̧i̧, ado Joche pio ju̧i̧, ado Chimeo̧ ju̧i̧, ado Juda ju̧i̧, ‘jabechji̧ pio judiro̧diro̧da’ quëna̧ dabarea̧ro̧jȩrȩ.

Mateo 8:20

Jabo Jechu judi dëbë yo̧a̧dejȩ: ⁠—⁠Danȩ ca̧ pumȩ, bë goadërequede. Aja̧, oariro judiro̧ jibëa̧ mo̧a̧rea̧ oa goadirȩ. Ado pua judiro̧ peaja̧di jibëa̧ mo̧a̧rea̧ oa goadirȩ. Jabo cüdë ca̧ mo̧a̧rea̧ oa tjamo̧ri̧ goadërequede. Bë goadërequede cüdë. Jabechji̧ Pumȩrȩ Ara̧ Tjamo̧mȩborë mö̧na̧requede cüdë. Eami̧räpȩ mo̧a̧pea̧ oa goadërequede. Ado pio ju̧i̧iä iëno̧ë ta̧rërequedemȩ. ¿Tjamo̧ri̧ cho̧rë jana̧tämi̧ cjiarenȩque? ¿Mo̧a̧rea̧ oa goadëmȩ pio ju̧i̧ cho̧rë jana̧tämi̧ cjiarenȩque? ⁠—⁠yo̧mȩrȩ ni̧bä chjaorëremȩdejȩ Jechu judi Moicherë go̧ȩparërea̧ ma̧ȩ oa a̧ra̧ano̧mȩ pio ju̧i̧.

Lucas 10:34

Ado pio ju̧i̧iä a̧doa̧dejȩ. Jibëa̧ co ji̧ra̧ oa joarëremȩdejȩ yo̧ra̧, uva ui cho̧ro̧ cho̧ro̧ara̧ peaja̧di. Ado ja̧di dari̧ japa ëte, jibëa̧ co oa chjibo cotora̧ chjadëri̧ puri ëte, bua tänȩrëremȩdejȩ jibëa̧ buroro. Ado ja̧di dari̧ japa ëte, ëba baärëremȩdejȩ mo̧a̧rea̧ bëräpȩ, chëre yürüa̧ ba oa mo̧a̧rea̧ bëräpȩ. Ado pio ju̧ri̧ chjadëri̧ jidarëremȩdejȩ.

Lucas 2:6

Ado judiro̧ Berȩräpȩ cjo̧ro̧a̧ nö̧ta, cäripea̧de bo üdë ana̧ri̧ jäa̧ oaiä. Jabechji̧ acä oa gitori̧ mo̧ërëremȩdejȩ boi̧chji̧ üdë.

Lucas 2:8

Ado pio jiro gȩnȩrä, oveja jidaji̧ri̧ pio judiro̧ Berȩ dairäpȩ jidarëreji̧ri̧diro̧jȩrȩ jibëa̧ oveja ji̧ri̧, chiriräpȩ ju̧ri̧.

Juan 1:14

Ma̧ȩ quȩmȩ pio judi pumȩpe bagarëremȩde. Icjara chiamȩpe järëremȩde. Ado ibëa̧ chjarerä cjo̧ro̧rera̧pea̧de. Ado ibëa̧ chjarerä cjo̧ro̧mȩ oa irä darëreji̧ri̧rea̧ro̧jo̧ȩ jibëa̧ chjacjiamȩrea̧ pio ju̧i̧. Tjamo̧ davä. Jibëa̧ jauëcharea̧ oa daea̧rea̧ro̧jo̧ȩ, a̧dë chjäte tatari̧ cjiamȩ oa. Danȩrȩ, Ama̧i̧ Ütë judi Joja pio ju̧i̧mo̧i̧ ëbarëremȩdejȩ cja̧rȩmȩ oa. Ado pio ju̧i̧ ja̧ chjacjiamȩrea̧ pio ju̧i̧ darëreji̧ri̧rea̧ro̧jo̧ȩ ji̧dë ma cjäri̧ri̧ cjiamȩrȩ a̧domȩ ju̧i̧, ji̧dë ma tjamo̧i̧ cjiari̧ ni̧bämȩ ju̧i̧.

Cori̧tio Ma̧ȩ 2 8:9

Jabechji̧ ibëa̧ Ano̧mȩ Jechu Quiricho judi pumȩ pio ji̧ri̧iäpȩmo̧ cjäri̧ri̧ cjia da̧ pio ju̧i̧ chjiari tjamo̧ri̧ dabaji̧ri̧pea̧nȩrȩ ca̧ oti̧. Jabechji̧ a̧dëräpȩ ju̧ri̧ a̧dë chjäte ba chiamȩ oa goamȩborë, chjö̧na̧i̧ti̧ oa cjäri̧ ja̧bomȩrȩ cjo̧ro̧mȩpe bagarëremȩde. Tjamo̧ davä. Judi dami̧ti̧ ba chiamȩ oa goamȩborë, jabechji̧ jënȩ goa̧ chjö̧na̧i̧ oa a̧dë birarëremȩdejȩ pio yoa chirirä ano̧ mire cjo̧ro̧pea̧ oa, chjö̧na̧i̧ti̧ oa cjäri̧ ja̧bomȩrȩ ano̧ mire cjo̧ro̧pea̧ oa. Tjamo̧ davä. Judi tjamo̧ri̧ goamȩrȩ cjo̧ro̧rërea̧ ji̧, tjamo̧ri̧ goadëmȩpea̧de, pio a̧ro̧rȩ tjamo̧ri̧ goapea̧ oa, pio a̧ro̧rȩ dami̧ti̧ ba chiamȩ oa ano̧ mire goapea̧ oa a̧dëräpȩ ju̧ri̧. Ado pio ju̧i̧iä Jechu judi nȩmȩpadëmȩrȩ yürürërea̧ oaiä, jabechji̧ pio a̧ro̧rȩborë yürütäreji̧ri̧rea̧rȩ ibëa̧ oti̧ pio ji̧ri̧ chjadëri̧ a̧dopea̧ oa.

Garata Ma̧ȩ 4:4

Jabo ütara̧ doro Ütë tjamo̧ pio judi chjadürëremȩdejȩ jibëa̧ Ja oa. Ado iei̧ jini̧ ara̧ oa cjo̧ro̧mȩpea̧de pumȩ chjarerä. Ado Moicherë go̧ȩparërea̧ ma̧ȩrä cjo̧ro̧rëremȩde.