Lucas 2:36 - Biblia Pume

³⁶ Ado cja̧rȩmo̧rȩ cjo̧ro̧rëreyi̧nȩ Ütë tjamo̧ ja̧ bëräpȩ, Ana̧ quȩyi̧ pio jini̧, ütai̧ tjamo̧padäräa̧yi̧ pio jini̧. Ütërë ea jana̧ chjadüa̧ oa ni̧bäyi̧rȩ cjo̧ro̧rëreyi̧nȩ. Penue quȩmȩ pio ju̧i̧rea̧ ja̧ jojabirë cjo̧ro̧rëreyi̧nȩ. Ado Ache quȩmȩ pio judiri ja̧yi̧rȩ cjo̧ro̧a̧ oaiä, jabechji̧ pio ju̧i̧ ja̧ bubarä cjo̧ro̧rëreyi̧nȩ. Jibëa̧ üi̧rea̧ pio judi a̧dë ja̧borëremȩdejȩ judiro̧ pea ëba̧rä, judiro̧ 7 ui maea oa ëba ëte.

Lucas 2:36 Iomraidhean Croise

Taruparea̧ Ma̧ȩ 30:13

Ja̧dëa̧ ji̧ Dea jini̧ yo̧a̧nȩ: "Yaba̧ ivi jini̧ro̧ pio coa chjiari darä, jabechji̧ ma̧ chiadëri̧ cjia tjamo̧mȩ yo̧pani̧ro̧coe." Ja̧di ta̧rëri̧ yo̧yi̧rȩ yo̧a̧nȩ Dea jini̧. Ja̧di tara Ache quȩra̧ pio ju̧ri̧ra̧ quȩpea̧nȩjȩ. Aja̧, "Ma̧ chiadëri̧ cjiarea̧" yo̧mȩ quȩra̧ pio ju̧ri̧ra̧ quȩpea̧nȩjȩ Dea jini̧.

Go̧dürea̧ Ma̧ȩ 15:20

Ado pio ju̧i̧iä Aro̧ pio ju̧i̧ ja̧ jo̧ȩra̧mi̧ jini̧, Maria quȩyi̧ jini̧ tarupea̧nȩ go̧a̧pea̧ ji̧. Ütërë ea jana̧ chjadüa̧ oa ni̧bäyi̧ pio jini̧, jibëa̧ chji̧ yocodëmi̧ da oa mitëyi̧rȩ tarupea̧nȩ go̧a̧pea̧ ji̧. Goa goa cürë go̧a̧nȩjȩ Jeova pio ju̧i̧iäpȩmo̧. Paeroyi̧rȩ go̧a̧rëreyi̧nȩjȩ. Ado ivi jini̧ro̧ ütëborë peaja̧di mitëa̧ni̧ro̧jȩrȩ jibëa̧ chji̧ yocodëmi̧ da oa. Ado cho̧rë paeroa̧ni̧ro̧jȩ Maria pio ji̧. Bochegua bochegua cjiaji̧ri̧rȩ cho̧rë paeroa̧ni̧ro̧jȩ jibëa̧ chji̧ yocodëmi̧ da oa goa goa cürëji̧ri̧rȩ.

Lucas 2:35

Ado pio ju̧i̧iä pumȩ judiro̧ chjai̧dëri̧ jo̧rȩta̧ üdë chjadë maearä cjiami̧ dari̧ cjiapadi. Ado damȩ Maria, pumȩ judiro̧ ji̧dë duri oa na̧ ja pio ju̧i̧ ma̧i̧ dari̧ conȩdapea̧ üdë, jabechji̧ dëbëribo jo̧dë chiamȩ tjapënȩ jujuai̧mi̧ dapadi pio mȩaiä. Jabechji̧ na̧ chji̧ oa cjacjarë guami̧ dari̧ jo̧rȩta tänȩpadima̧ —yo̧mȩrȩ yo̧rëremȩdejȩ Maria pio ji̧iäpȩmo̧ Chimeo̧ judi.

Lucas 2:38

Ado Chimeo̧ judi Jechu pio ju̧i̧ chjiari Ütë tjamo̧ ja̧ bëräpȩ ju̧ri̧ jabë ni̧bä chjaoa̧rä, Ana̧ quȩyi̧ pio jini̧ go̧düdärärëreyi̧nȩ pio ji̧ri̧iäpȩ. Ado boi̧chji̧ pio ju̧i̧ irä daea̧ ji̧, 'jabechji̧ Ütë tjamo̧ judi chjadëri̧ tuti chjadüa̧diibëda' quëna̧ jo̧rȩtayi̧rȩ chjacjiamȩri̧ ni̧bäyi̧pea̧nȩjȩ Ütë tjamo̧ pio ju̧i̧iäpȩmo̧. Ado pumȩ ji̧ra̧ tjamo̧ oa ni̧bäyi̧pea̧nȩjȩrȩ peaja̧di. Aja̧, Chjätä Tänȩmȩ pio ju̧i̧ jidataji̧ri̧ pio ji̧ri̧iäpȩmo̧ ni̧bäyi̧pea̧nȩjȩrȩ peaja̧di. Jabechji̧ pumȩ judiro̧ Ütë tjamo̧ pio ju̧i̧ jidataji̧ri̧rȩ cjo̧ro̧a̧ oaiä, Jerucharȩräpȩ cjo̧ro̧ji̧ri̧ pio ji̧ri̧ eadëji̧ri̧ pio ji̧ri̧ ja̧ chja̧oeri pio judiri go̧dü tänȩpea̧ pio ju̧i̧ jidataji̧ri̧rȩ cjo̧ro̧a̧ oaiä, jabechji̧ ni̧bä chjaorëreyi̧nȩjȩrȩ Jechu pio ju̧i̧ chjiari, Jerucharȩräpȩ cjo̧ro̧ji̧ri̧ pio ji̧ri̧ jare chjadüa̧mi̧ dari̧ tuti japapamȩ pio ju̧i̧ chjiari.

Japarea̧ 2:18

Tjamo̧ davä. Pio jiro japamitërä ca̧ mu̧i̧tjoi̧ pio ji̧ri̧ yürüparequedejȩrȩ ca̧ Tjo pio ju̧i̧. Oari pio ji̧ri̧, ivi pio ji̧ri̧ yürüparequedejȩrȩ. Ca̧ ma̧ȩ pio ju̧i̧ chjadëri̧ ni̧bäpea̧ oa yürüparequedejȩrȩ ca̧ Tjo pio ju̧i̧.

Japarea̧ 21:9

Ado pio judi jadüchiami̧ jabi ëbarëremȩde oari ëbadë maea oa. Ado jini̧ro̧ ütëborë Ütërë ea jana̧ chjadüa̧ oa ni̧bärea̧ chiarëreji̧ri̧ni̧rȩ.

Cori̧tio Ma̧ȩ 1 11:5

Jabo eami̧ iei̧ pio jini̧ Ütë tjamo̧ pio ju̧i̧iäpȩmo̧ ni̧bärä judi, jabechji̧ chjibo pënȩra̧ ina̧ oa cjiayi̧rȩ ni̧bätäreyi̧nȩjȩ. Tjamo̧ davä. Jini̧ ni̧bärä judi, quëna̧ji̧ri̧ pio judiro̧ a̧dopea̧rä Ütë tjamo̧ pio ju̧i̧iäpȩmo̧ ni̧bärä judi, Ütërë ea jana̧ chjadüa̧ oa ni̧bärä judi, jabechji̧ chjibo pënȩra̧ ina̧ oa cjiayi̧rȩ ni̧bätäreyi̧nȩ jibëa̧ üi̧ pio ju̧i̧ badëparȩmi̧ dari̧ japachea oa. Jabechji̧ iei̧ jini̧ a̧doparea̧räpȩ ina̧dëa̧ oa ni̧bäpea̧ üdë ji̧mo̧ baäde jibëa̧ cö̧ decjiape bagari̧ täapea̧ pio ju̧i̧ nö̧ta. Jabechji̧ chjibo pënȩra̧ ina̧dëa̧ oa ni̧bärä judi badëparȩmi̧ dari̧ japanȩjȩ jibëa̧ üi̧ pio ju̧i̧. Ado jibëa̧ cö̧ decjiape bagari̧ täarä judi, peaja̧dimi̧ dari̧ japanȩjȩ jibëa̧ üi̧ pio ju̧i̧iäpȩmo̧. Ba chiadëparȩmi̧ dari̧ japanȩjȩ. Ado pio ju̧i̧iä chjadëri̧ ina̧yi̧rȩ ni̧bätäreyi̧nȩ, chjibo pënȩra̧ pio ju̧ri̧ra̧.

Cori̧tio Ma̧ȩ 1 12:1

Ado yaba̧ ca̧ oti̧, ba dëbë go̧ȩpe chjadütämi̧ cjiarequededibe mȩnȩro̧ iëno̧ë ta̧rëa̧ pio ju̧i̧ chjiari, Tjo tjamo̧ judi yürüa̧ ja̧beparea̧ pio ju̧i̧ chjiari. Danȩrȩ ca̧ oti̧, Tjo tjamo̧ pio judi dibëiäpȩmo̧ jauëchja cjiari̧ yürüchäa̧ pio ju̧i̧ chjiari dabadëchea oa, judi ja̧beparea̧ ji̧ra̧ oa pio dibëiäpȩmo̧ yürüchäa̧ pio ju̧i̧ chjiari dabadëchea oa, jabechji̧ chjadëri̧ daba tänȩtämi̧ cjiarequededibe.

Timoteo Ma̧ȩ 1 3:2

Ado pio ju̧i̧iä yo̧requedemȩ. Pio jiro ja̧beparea̧ oa ja̧bepatämi̧ cjiamȩ judi, chjadëri̧ cjo̧ro̧täremȩde. Tjamo̧ davä. Ütë tjamo̧ ju̧i̧ quëna̧ji̧ri̧ pio ji̧ri̧ jidatämi̧ cjiamȩ judi chjadëri̧ cjo̧ro̧täremȩde. O judiro̧ pio jȩaiäpȩmo̧ aeno̧rea̧mi̧dëri̧ cjo̧ro̧täremȩde. Aja̧, jibëa̧ iei̧ pio ji̧mo̧ jo̧rȩtatäremȩdejȩ, a̧de ëba mo̧a̧rea̧ decjiari̧. Tüdüa̧rämo̧ cjo̧ro̧mi̧ dari̧ cjo̧ro̧täremȩde davä, ma̧i̧ dari̧ japarea̧ decjiari̧. Ado jibëa̧ icjararä chjai̧dë pio ju̧i̧ boadärämi̧ dari̧ goatäremȩdejȩ. Ado chjadëri̧ ütarë jo̧rȩtarea̧ chiamȩrȩ cjo̧ro̧täremȩde. Ado jënȩ cja̧rȩmȩ co daba dadëa̧ pumȩ pio ji̧ri̧ ba chia datäremȩdejȩrȩ. Ado jibëa̧ bëräpȩ go̧düdärärä judi, jabechji̧ chjadëri̧ jȩatäremȩdejȩrȩ. Chjadëri̧ ëba cjo̧ro̧täremȩdejȩrȩ. Ado Ütë tjamo̧ ja̧ ma̧ȩ oa a̧ra̧ano̧rea̧ chiatäremȩde.

Timoteo Ma̧ȩ 1 5:9

Aja̧ Timoteo, ja̧boa̧ji̧ri̧ ja̧ ivi pio ji̧ri̧ chjiari coëma cjiari̧ jo̧rȩtapea̧de. ‘Aja̧, pio jini̧ro̧ tjamo̧ni̧ro̧da, quëna̧ji̧ri̧ judiro̧ a̧dopea̧ ivi pio jini̧ro̧ tjamo̧ni̧ro̧da’ quëna̧ dabapea̧ oa, chjadëri̧ ütara̧ oa cjiatäreji̧ri̧ni̧rȩ. Aja̧, jibëa̧ quȩ üdë chjadëri̧ go̧ȩpea̧ oa cjiatäremȩde. Jabo danȩ, ja̧boa̧ji̧ri̧ ja̧ quȩ ütëbo oa go̧ȩpadëpea̧de, jabo o ji̧ri̧ ja̧ quȩ maea oa go̧ȩpapea̧de. Danȩ, 60 ui jabë goadëyi̧ ja̧ quȩ oa go̧ȩpadëpea̧dȩ. Ado jibëa̧ üi̧ oa chjadëri̧ ëbadërëreyi̧ pio jini̧, a̧dë oëadëri̧ cjiarëreyi̧ pio jini̧, peaja̧di pio ji̧ ja̧ quȩ üdë go̧ȩpadëpea̧de.

Jechurë Na̧rȩrërea̧ Ma̧ȩ 7:6

Ado Ache quȩmȩ pio judiri ja̧ji̧ri̧ judiro̧ peaja̧di 12 mil pumȩ go̧ȩ cäa̧ oa cjiadirȩ. Ado Netari quȩmȩ pio judiri ja̧ji̧ri̧ judiro̧, peaja̧di 12 mil go̧ȩ cäa̧ oa cjiadirȩ. Ado peaja̧di dari̧ cjiadiäa̧dirȩ Manache pio judiri ja̧ji̧ri̧ judiro̧. Aja̧, 12 mil go̧ȩ cäa̧ oa cjiadirȩ peaja̧di.