Lucas 2:21 - Biblia Pume

²¹ Ado boi̧chji̧ üdë 8 do goa̧mȩpea̧ domȩ ju̧i̧iä, jabechji̧ budorëreji̧ri̧diro̧jo̧ȩ, Icharaita judiro̧ japariärërea̧mi̧. Ado budo ëte, quȩparëreji̧ri̧diro̧jo̧ȩ Jechu quȩra̧ pio ju̧ri̧ra̧. Jabechji̧ a̧dërimȩ mu̧i̧tjoi̧ pio judi yo̧rërea̧ quȩra̧ pio ju̧ri̧ra̧ quȩpea̧diro̧jo̧ȩ, Tjo tjamo̧ judi Maria ji̧ jabë bomai tänȩdëa̧rä yo̧rërea̧mi̧.

Lucas 2:21 Iomraidhean Croise

Taruparea̧ Ma̧ȩ 17:12

Pio yaba̧ domȩri ja̧ oari bori̧ judiro̧ nö̧tarë budopea̧ maeadirȩ. Pea ara̧ judiro̧, ca̧i̧ta̧ra̧ ichiri tjarari̧ do ara̧ oa cjiaji̧ri̧ pio judiro̧, jabechji̧ budopea̧ maeadirȩ. Ja̧di dari̧ japapea̧ maeade bucho ana̧. Ado dibëa̧ bëräpȩ cjo̧ro̧ji̧ri̧ mu̧i̧tjoi̧ judiro̧ jibëa̧ bori̧ ji̧ri̧ ararä, peaja̧di budopea̧ maeadirȩ ca̧i̧ta̧ra̧ ichiri tjarari̧ do ara̧ oa cjiaji̧ri̧ judiro̧. Ado dibëa̧ mu̧i̧tjoi̧ judiro̧, mȩnȩro̧ cja̧rȩmo̧ ju̧i̧iä, na̧ea̧ri ja̧dëmȩ pio ju̧i̧iä chërera̧ gatëa̧ oa cjiaji̧ri̧ mu̧i̧tjoi̧ pio judiro̧borë budopea̧ maeadirȩ. Aja̧, ja̧di dari̧ cjo̧ro̧tä earequededibe. Mȩa nö̧ta cjo̧ro̧ji̧ri̧ judiro̧borë, na̧ea̧ri ja̧dëji̧ri̧borë budopea̧ maeadirȩ. Dibëa̧ mu̧i̧tjoi̧ chjö̧na̧i̧rȩ budopea̧ maeadirȩ.

Mateo 1:21

Jabechji̧ üi̧ boi̧ oa arapanȩjȩ. Ado üi̧ boi̧ pio ju̧i̧, jabechji̧ Jechu yo̧mȩ quȩra̧ pio ju̧ri̧ra̧ quȩpatä earequedemȩ. Jabechji̧ ja̧di dari̧ quȩpajo̧ȩ pio judimo̧ tara. Tjamo̧ davä. Pio judimo̧i̧de Chjätä tänȩpamȩ judi. Pio judimo̧i̧de jibëa̧ pumȩ ji̧ri̧ chjätä tänȩpamȩ judi, pio judiro̧ chjai̧dëri̧ japea̧ ba oa bape chjaoa̧ oa cjiachea oa.” Aja̧ ja̧di ta̧rëri̧ ni̧bämȩ oa ta̧rërëremȩdejȩ Ano̧mȩ ja̧ mu̧i̧tjoi̧ pio ju̧i̧ Joche judi.

Mateo 1:25

Jabo ëba mo̧a̧dërëremȩdejȩ jabo. Jabechji̧ ëba mo̧a̧dërëremȩdejȩ joja oa ara̧rä yuro. Ado joja pio ju̧i̧ ara̧rä, Jechu quȩra̧ quȩparëremȩdejȩ.

Mateo 3:15

Jabo Jechu judi cjiadiädëmȩrȩ dëbë yo̧rëremȩdejȩ: ⁠—⁠Jabechji̧ go̧ȩ cjaeä chudacoe ⁠—⁠yo̧a̧dejȩ⁠—⁠. Ja̧di dari̧ japapea̧de. Jabechji̧ ja̧di dari̧ japatä eadimȩ Ütë tjamo̧ judi. Ado Ütë tjamo̧ pio judi yo̧a̧mi̧ japapea̧ üdë, chjadëde. Jabechji̧ pio coa go̧ȩ cjaeä chudacoe ⁠—⁠yo̧a̧dejȩ. Ado Jechu judi ja̧di ta̧rëri̧ dëbë yo̧a̧ oaiä, jabechji̧ go̧ȩ cjaeä chudarëremȩdejȩ Jechu ju̧i̧.

Lucas 1:31

Jabechji̧ bomaiyi̧rȩ cjiadiäpamȩ, ado japamitë chjätä ëte, üi̧ boi̧ oa arapamu̧ni̧. Ado Jechu quȩra̧ quȩpapamu̧ni̧.

Lucas 1:59

Ado japamitë chjätä ëte boi̧chji̧ üdë 8 do goamȩpea̧rä, jabechji̧ budorëreji̧ri̧diro̧jo̧ȩ, icharaita pio judiro̧ Ütë ja̧ ma̧ȩrä japariärërea̧mi̧. Ado ja̧dëa ji̧ jäjäa ja̧ quȩra̧ pio ju̧ri̧ra̧ quȩpatämi̧ cjiarëreji̧ri̧diro̧jo̧ȩ, pio ju̧ri̧pȩ cjo̧ro̧ji̧ri̧ pio judiro̧ japariärërea̧mi̧.

Pjiripo Ma̧ȩ 2:8

Ado pumȩpea̧mȩrȩ, 'Aja̧, ba chia tjamo̧quëda' quëna̧dëa̧de, jabo jabechji̧ jibëa̧ Ama̧i̧ ja̧ ma̧ȩrämo̧ cjo̧ro̧rëremȩde. Aja̧, pio jȩa ja̧bo tänȩa̧rä yuro jibëa̧ Ama̧i̧ ja̧ ma̧ȩrämo̧ cjo̧ro̧rëremȩde. Tjamo̧ davä. Toro ja̧bo tänȩa̧räbo chjadëri̧ ta̧rëdiärëremȩdejȩ jibëa̧ Ama̧i̧ ju̧i̧, idi̧ da tjamo̧ri̧ ja̧boa̧räbo.