Lucas 2:2 - Biblia Pume

² Aja̧, Quirinio quȩmȩ pio judi Chiria quȩmȩ chiriräpȩ ütërä judirä ütara̧ oa cjiarëreji̧ri̧dirȩ pumȩ judiro̧, judiro̧ cja̧rȩmȩ co ütara̧ oa cjiadërërea ji̧.

Lucas 2:2 Iomraidhean Croise

Mateo 4:24

Ado judi ja̧di dari̧ japea̧ oaiä, jabechji̧ pio ju̧i̧ chjiari ma̧ȩ üdë oëra̧ti̧ oa chjuchjupechärëremȩde Chiria quȩmȩ chiri nö̧ta oa. Ado pio ju̧i̧iä ëba go̧düdärä chjaorëreji̧ri̧diro̧jo̧ȩ pumȩ judiro̧ gito ja̧boji̧ri̧ pio ji̧ri̧. Ado jabechji̧ chjö̧na̧i̧därä oa chjaparȩrëremȩdejȩrȩ Jechu judi. Dami̧ti̧ gito oa ja̧boji̧ri̧ pio ji̧ri̧ chjaparȩrëremȩdejȩrȩ. Jabechji̧ gaipa ja̧boji̧ri̧ pio ji̧ri̧, ju chjererea̧ dadëji̧ri̧ pio ji̧ri̧ chjaparȩ marëremȩdejȩrȩ, tai̧rea̧ chiadëji̧ri̧ pio ji̧ri̧bo. Ado cjarari̧ cjiape jäji̧ri̧ pio ji̧ri̧, i ma̧na̧gurami̧ dari̧ cjiaji̧ri̧ pio ji̧ri̧ chjaparȩrëremȩdejȩrȩ peaja̧di. Ado yaröca chiaji̧ri̧ pio ji̧ri̧bo chjaparȩrëremȩdejȩrȩ, yaröca chiadëji̧ri̧pe bagarea̧mi̧ dari̧.

Lucas 2:1

Ado pio jiro japamitërä Doma quȩmȩ bë ma̧ri̧rä cjo̧ro̧mȩ ütë pio judi, oëra̧ti̧ oa a̧rȩmȩ chiri oa ütëmȩrȩ cjo̧ro̧mȩ ütë pio judi, Checha Augusto quȩmȩrëremȩde. Ado pio judi ma̧ȩ yürü chjadürëremȩdejȩrȩ pumȩ ütëbodärä oa, oëra̧ti̧ oa a̧rȩmȩ chirirä cjo̧ro̧ji̧ri̧ pio ji̧ri̧. Aja̧, pio ju̧i̧ ja̧ chja̧oerä cjo̧ro̧ji̧ri̧ ütëbo oa ma̧ȩ chjadürëremȩdejȩrȩ judiro̧ chjadëri̧ ütara̧ oa cjiapea̧ oa, judiro̧ ütëbodärärë ütara̧ oa cjiapea̧ oa, cja̧rȩmȩrȩ a̧dë cjiadiärea̧ decjiari̧.

Lucas 2:3

Aja, Checha Augusto quȩmȩ ütë judi ja̧di dari̧ japatä yo̧ chjadüa̧ oaiä, jabechji̧ oëra̧ti̧ oa a̧rȩmȩ chirirä cjo̧ro̧ji̧ri̧ pumȩ pio judiro̧ jä marëreji̧ri̧dirȩ jibëa̧ ütëti̧rȩ cjo̧ro̧mȩ bë ma̧ri̧räpȩ ju̧ri̧ jibëa̧ quȩ oa go̧ȩpapea̧ oa, judiro̧ chjadëri̧ ütara̧ oa cjiapea̧ oa.

Lucas 3:1

Juan pio judi pea a̧ra̧ano̧mȩpea̧rä, Checha Tiberio quȩmȩ pio judi ütëmȩrȩ cjo̧ro̧rëremȩde Domaräpȩ ju̧ri̧. Chiri ji̧ra̧ tjamo̧ oa, domano̧ judiro̧ boarërea̧ chiri ji̧ra̧ tjamo̧ oa jidamȩrȩ cjo̧ro̧rëremȩde, 14 uiri ja̧ chiri ütë cjo̧ro̧mȩrȩ. Ado Juan pio judi pea a̧ra̧ano̧mȩpea̧rä, Ponchio Pirato pio judi chiri ütëmȩrȩ cjo̧ro̧rëremȩde Judea quȩmȩ chiriräpȩ. Ado Erode quȩmȩ pio judi ütëmȩrȩ cjo̧ro̧rëremȩde Garirea quȩmȩ chiriräpȩ. Ado ju̧i̧di ja̧mȩ pio judi, Felipe quȩmȩ pio judi, peaja̧di ütëmȩrȩ cjo̧ro̧rëremȩde. Jabechji̧ Iturea quȩmȩ chirirä cjo̧ro̧ji̧ri̧ pio judiro̧, ado Taraconitide quȩmȩ chiriräpȩ cjo̧ro̧ji̧ri̧ pio judiro̧borë Felipe pio ju̧i̧ ja̧ chja̧oerä cjo̧ro̧ marëreji̧ri̧dirȩ. Ado judirä Dichania judi ütëmȩrȩ cjo̧ro̧rëremȩde Abirene quȩmȩ chiriräpȩ. Aja̧, ja̧di dari̧ cjo̧ro̧rëreji̧ri̧dirȩ pio jiro ütëti̧ judiro̧ Juan pio judi pea a̧ra̧ano̧mȩpea̧rä.

Japarea̧ 13:7

Ado pio jiro üi̧ judi tjaoërä ëba tai̧rëremȩdejȩ Chejo Pablo quȩmȩ ju̧i̧, Chipire chiri tjamo̧ cjo̧ro̧mȩ pio ju̧i̧. Ado Chejo Pablo pio judi ji̧ra̧ri̧ dabamȩrȩ cjo̧ro̧rëremȩde. Ado Ütë tjamo̧ ja̧ ma̧ȩ oa tjamo̧ri̧ ta̧rëtämi̧ cjiamȩrȩ yo̧ chjadürëremȩdejȩrȩ Bernabe ju̧i̧, Chauro ju̧i̧. Aja̧, pio jȩaiäpȩ a̧ra̧ano̧era̧tä yo̧ chjadüa̧dejȩrȩ.

Japarea̧ 18:12

Jabo Gario̧ quȩmȩ pio judi Acaya quȩmȩ chiriräpȩ chiri ütëmȩrȩ cjo̧ro̧mȩpea̧rä, judio judiro̧ cja̧rȩmȩ jo̧rȩtarea̧ chiaji̧ri̧rȩ a̧dopa ëte acji järëreji̧ri̧diro̧jo̧ȩ Pablo pio ju̧i̧ mitëpea̧ oa. Ado pio ju̧i̧ mitë ëte ëba järëreji̧ri̧diro̧jo̧ȩ chiri ütë cjo̧ro̧mȩ pio ju̧i̧iäpȩ aechide yo̧pea̧ oa, judi ütarë bape chjaoa̧ oa cjiapea̧ oa.

Japarea̧ 23:26

“Danȩ, Carudio Irichia quȩmȩrequede cüdë. Pio mȩaiäpȩmo̧ go̧ȩpe chjadürequedemȩ a̧dë chjäte ütë oa, Pjeri quȩmȩ oa. Jearequedemȩ.

Japarea̧ 26:30

Ado pio ju̧i̧iä ütëborë cjitëa̧dirȩ. Agiripa quȩmȩ ütë judi, Pjeto judi, chiri tjamo̧ cjo̧ro̧mȩ ütë pio judi, ado Bereniche quȩyi̧ jini̧ cjitëa̧dirȩ o pio ji̧ri̧ nö̧ta.

Japarea̧ 5:37

Ado ji̧dë duri oa japamitë chjätä ëte pumȩ ütëbo oa ütararërea̧ ji̧, Garirea quȩmȩ chiriri pio judirimȩ pio judi ma̧na̧de, Juda quȩmȩ pio judi. Ado no̧i̧dërë pio ju̧i̧ ano̧ mire cho̧rë järëreji̧ri̧diro̧jo̧ȩ. Jabo peaja̧di ja̧bo tänȩa̧diro̧jo̧ȩ orë. Ado ju̧i̧ cho̧rë järeji̧ri̧ pio judiro̧ peaja̧di oëra̧ti̧ oa chjuchjupechäa̧ oa cjia maeadirȩ yaba̧.