Lucas 18:1 - Biblia Pume

¹ Ado cja̧rȩmo̧ doremȩrä Jechu judi jibëa̧ jadü pio ji̧ri̧iäpȩmo̧ ni̧bä chjaoa̧ ji̧, judiro̧ Ütë tjamo̧ pio ju̧i̧iä ji̧dë ma cjo̧dëpea̧ pio ju̧i̧ chjiari ni̧bä chjaoa̧ ji̧, ja̧di ta̧rëri̧ yo̧mȩrȩ ni̧bä chjaorëremȩdejȩrȩ na̧rȩrea̧ ma̧ȩmi̧ dara̧:

Lucas 18:1 Iomraidhean Croise

Lucas 11:10

Jabechji̧ eami̧ pumȩ üdë pio ju̧i̧iä goë cjo̧dëmȩ pio judi mitërea̧ dapade. Ado ji̧dë ma na̧tamȩmi̧ dari̧ cjo̧dëmȩ pio judi, jabechji̧ dadärärea̧mi̧ dari̧ dapade. Ado joë ya oa tao tao eari̧ guna̧ gu̧na̧ cjiami̧ dari̧ cjo̧dëmȩ pio judi, jabechji̧ areia̧ oa cjiami̧ dari̧ cjiapade pio ju̧i̧ ja̧ oa —yo̧a̧dejȩrȩ.

Lucas 21:36

Ado pio ju̧i̧iä jabechji̧, ji̧dë ma dadiäji̧ri̧mi̧ dari̧ na̧e chiaji̧ri̧rȩ cjo̧ro̧chji̧vä tjaoërämo̧dë. Ado ji̧dë ma goë cjo̧dëriä cjo̧ro̧chji̧vä Ütë tjamo̧ pio ju̧i̧iä, judi dibë ju chiarea̧ yürütä, mȩnȩro̧ chjai̧dë oa chjätäa̧ oaiä oëra̧diädëtä. Tjamo̧ davä, mȩnȩro̧ dami̧ti̧ uapai̧ da oa chjadëri̧ chjätärea̧ datä, mȩnȩro̧ Pumȩrȩ Ara̧ Tjamo̧ pio ju̧i̧ ja̧ dëbëräpȩ idëri̧ cjiadëji̧ri̧rȩ cjiatä, jabechji̧ goë cjo̧dëchji̧jo̧ȩ pio ju̧i̧iä, ji̧dë ma goë cjo̧dëji̧ri̧rȩ —ni̧bä chjaomȩrȩ cjiadiärëremȩde Jechu judi, jibëa̧ jadü pio ji̧ri̧iäpȩmo̧ ana̧ri̧ ni̧bä chjaorërea̧ ji̧, ji̧dë duri oa ma̧na̧pamȩ pio ju̧i̧ chjiari ni̧bä chjaorërea̧ ji̧.

Domano Ma̧ȩ 12:12

Ado danȩrȩ, a̧ro̧rȩ jidatarea̧ chia tara, jabechji̧ ma̧ chiadëri cjiaji̧ri̧rȩ cjo̧ro̧chji̧vä. Ado a̧ro̧rȩ chjai̧dëri̧ chjätäräbo, jabechji̧ ma̧ chjua cjo̧ro̧chji̧vä. Ado ji̧dë ma ni̧bächji̧jo̧ȩ ibëa̧ Amai̧ ju̧i̧.

Cori̧tio Ma̧ȩ 2 4:1

Danȩrȩ ca̧ oti̧, Ütë tjamo̧ judi ibë cjäri̧ri̧ cjia daea̧ oaiä, yürürëremȩdiibe pio yoa ja̧beparea̧ ba chia tjamo̧ oa. Ado pio ju̧i̧iä järidëpe bagadë marea̧rȩ, jabo ji̧dë ma järiji̧ri̧rȩ ja̧beparea̧rȩ pio ju̧i̧ ja̧ oa.

Garata Ma̧ȩ 6:9

Pio ju̧i̧iä yo̧requededibe. Järidëpe bagadëchji̧vä o ji̧ri̧iäpȩmo̧ chjadëri̧ japapea̧ ji̧, jabo jabechji̧ ji̧dë ma chjadëri̧ japachji̧jȩrȩ. Ado japamitë chjätä ëte, dëdë, chjadëi̧ pio ju̧i̧ mitërea̧ daparea̧rȩ, Ütërë pio ibëiäpȩmo̧ ba ano̧pea̧ pio ju̧i̧. Aja̧, ja̧di dari̧ mitërea̧ daparea̧rȩ a̧ro̧rȩ ja̧bepa ano̧dërä judi.

Epjecho Ma̧ȩ 6:18

Ado ju̧i̧ uëri ji̧dë ma goë cjo̧dëtäreji̧ri̧nȩrȩ Ütë tjamo̧ pio ju̧i̧iä. Jabechji̧ Ütë tjamo̧ judi dibë chjadëri̧ a̧dopea̧ oa ji̧dë ma goë cjo̧dë chjaotäreji̧ri̧renȩrȩ, goë cjo̧dëdëpe bagarea̧ decjiari̧. Aja̧, Tjo tjamo̧ pio judi tara tänȩa̧mi̧ goë cjo̧dëtäreji̧ri̧nȩrȩ ütëbodärä ja̧ oa.

Pjiripo Ma̧ȩ 4:6

Ado bücjüri̧ cjiadë machji̧vä. Mȩnȩro̧ eami̧ oa chjätärä judi, jabechji̧, bücjüri̧ cjiaji̧ri̧rȩ jo̧rȩtadë machji̧vä jabo jabechji̧, Ütë tjamo̧ pio ju̧i̧iämo̧i̧ cjo̧dëriä cjo̧ro̧chji̧vä. Aja̧, mȩnȩro̧ jo̧rȩta̧mi̧ cjo̧dëriächji̧vä jabëdiächea oa. 'Jabechji̧ chjadëri̧ a̧domȩdicoada, chjadëri̧ japamȩdiibëda' quëna̧ jo̧rȩtaji̧ri̧rȩ ni̧bäriä cjo̧ro̧chji̧jo̧ȩ.

Corochȩche Ma̧ȩ 4:12

Ado Epapara quȩmȩ judi, peaja̧di dibëa̧ charerä cjo̧ro̧rëremȩ pio judi, peaja̧di jearea̧ chjadüdidibe. Jechu Quiricho pio ju̧i̧ ja̧ mu̧i̧tjoi̧de. Ado pio ju̧i̧iä ji̧dë ma goë cjo̧dëde pio dibë chjiari, goë cjo̧dë ano̧rea̧ decjiari̧. Jabechji̧ ibë eadëji̧ri̧ pio ji̧ri̧ nö̧ta goae tarari̧ japatamȩmi̧ dari̧ goë cjo̧dë chjaode pio dibë chjiari, ana̧ri̧ ja̧bepamȩrȩ. Jabechji̧ mȩnȩro̧ to̧bari̧ cjiami̧ dari̧ cjiatä eamȩrȩ goë cjo̧dëde mȩnȩro̧ üi̧padärämi̧ dari̧ cjiapea̧ oa, mȩnȩro̧ chjuari̧ quëna̧pea̧ oa. Aja̧, mȩnȩro̧ chjarapë jo̧rȩtachea oa, mȩnȩro̧ Ütërë ea̧ pio ju̧i̧mo̧ japariä cjo̧ro̧pea̧ oa goë cjo̧dë chjaode, ana̧ri̧ ja̧bepamȩrȩ.

Corochȩche Ma̧ȩ 4:2

Danȩrȩ ca̧ oti̧, ji̧dë ma ni̧bächji̧jo̧ȩ Ütë tjamo̧ ju̧i̧. Na̧e chiaji̧ri̧rȩ ni̧bächji̧jo̧ȩ yadë maeara̧. 'Jabechji̧ Ütë tjamo̧ judi chjadëri̧ japea̧diibëda’ quëna̧ jo̧rȩtariä ni̧bächji̧jo̧ȩ, a̧dë mo̧a̧mi̧ dari̧ jo̧rȩtarea̧ decjiari̧.

Techaronichȩche Ma̧ȩ 5:17

Ji̧dë ma ni̧bächji̧vä dibëa̧ Ama̧i̧ ju̧i̧.