Lucas 17:3 - Biblia Pume

³ Ja̧di tara na̧e chiachji̧vä mȩnȩro̧ eami̧ pumȩ oa chjai̧dëri̧ japa tänȩchea oa, mȩnȩro̧ eami̧ pumȩ oa oëra̧diä tänȩchea oa —yo̧mȩrȩ ni̧bä chjaoa̧dejȩrȩ jibëa̧ jadü ji̧ri̧ Jechu judi. Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Ado danȩrȩ, eami̧ quëna̧mȩ judi chjai̧dëri̧ japarä judi, jabechji̧ chi̧dëeachji̧jo̧ȩ. Ado judi chjere jo̧rȩtarä judi, judi chjai̧dëri̧ japea̧ pio ju̧i̧ chjiari ano̧ mire jo̧rȩtarä judi, jabechji̧ chjadëri̧ duridëparȩmi̧ dari̧ japachji̧jo̧ȩ.

Lucas 17:3 Iomraidhean Croise

Go̧dürea̧ Ma̧ȩ 34:12

Jabo na̧e chiachji̧vä. Mȩnȩro̧ baäpea̧ chiriräpȩ cjo̧ro̧ji̧ri̧ pio ji̧ri̧ nöta chjadëri̧ ëba cjo̧ro̧pea̧ pio ju̧i̧ jo̧rȩtaji̧ri̧rȩ yo̧ë cji̧dädë machji̧jȩrȩ. 'Aja̧, ja̧di dari̧ japatäreji̧ri̧a̧ro̧da, a̧ro̧rȩ chjadëri̧ ëba cjo̧ro̧pea̧ oa ja̧di dari̧ japatäreji̧ri̧a̧ro̧da' quëna̧ jo̧rȩtaji̧ri̧rȩ ma̧ȩ yürüdë matäreji̧ri̧renero̧jȩrȩ. Jabechji̧ mȩnȩro̧ ja̧di dari̧ japarä judi, cjäri̧ manȩrȩ, ina̧ oa cjiamȩ puërä choë cjatämi̧ dari̧ cjiadiäpanȩrȩ. U̧i̧pea̧ oa cjiapanȩrȩ.

Mateo 18:21

Ja̧dëa ji̧ Pedro judi Jechu ja̧ queri̧räpȩ jämȩrȩ, ja̧di ta̧rëri̧ yo̧mȩrȩ iëno̧ë ta̧rërëremȩdejȩ: ⁠—⁠Danȩ ca̧ Ano̧mȩ, ¿napai̧ co duridëparȩmi̧ dari̧ jo̧rȩtapea̧de ca̧ omȩ pio ju̧i̧iäpȩmo̧? ⁠—⁠iëno̧ë ta̧rëa̧dejȩ⁠—⁠. Judi pio coaiäpȩmo̧ co ji̧ra̧ri̧ chjai̧dëri̧ japarä judi, judi coaiäpȩmo̧ ji̧dë ma chjai̧dëri̧ japarä judi, ¿napai̧ co duridëparȩmi̧ dari̧ japapea̧de? Ado judi cja̧ȩta̧ra̧ ichiri yo̧a̧ri̧ co pio coaiäpȩmo̧ chjai̧dëri̧ japarä judi, jabechji̧ ¿yö̧ta dari̧ japapea̧de? Chjadëri̧ ütarë yo̧ibe ⁠—⁠iëno̧ë ta̧rëa̧dejȩ.

Lucas 21:34

Ado Jechu judi ji̧dë u̧i̧ ni̧bä chjaomȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Jabo Ano̧mȩ judi ma̧na̧pea̧ do üdë ma̧na̧pea̧ queri̧na̧ra̧ tara, jabechji̧ ji̧dë ma na̧e chiachji̧vä mȩnȩro̧ dadiädëji̧ri̧mi̧ dari̧ cjo̧ro̧chea oa, mo̧a̧ji̧ri̧mi̧ dari̧ cjo̧ro̧chea oa —yo̧a̧dejȩrȩ—. Ado pio ju̧i̧iä teracabara̧ pio ju̧ri̧ra̧ boadäräa̧ oa cjiadë matäreji̧ri̧nȩrȩ. Jabechji̧ ërü oaiä, airi̧ cjia airi̧ cjia a̧dope chjaoa̧ pio oaiä, ado pio yoa chirirä cjo̧ro̧pea̧ pio ju̧i̧ chjiari ji̧dë ma bücjüri̧ cjia̧ pio oaiä boadäräa̧ oa cjiadë matäreji̧ri̧nȩrȩ jabo ji̧dë ma dadiäji̧ri̧mi̧ dari̧ na̧e chia tjamo̧täreji̧ri̧nȩrȩ pio jiro do üdë pio dibëiäpȩmo̧ acji ma̧na̧mi̧ dari̧ ma̧na̧chea oa,

Epjecho Ma̧ȩ 5:15

Ja̧di tara quëna̧chji̧vä coëma cjiari̧ cjo̧ro̧pea̧ oa. Jabechji̧ Ütë tjamo̧ ja̧ ma̧ȩ oa dabadëji̧ri̧mi̧ dari̧ cjo̧ro̧dëchji̧vä, jabo urëdi oa jo̧rȩtarea̧ra̧ pio ju̧ri̧ra̧ jo̧rȩtariä dopachji̧vä.

Deuteronomio Ma̧ȩ 4:9

Jabo na̧ȩchiachji̧vä ca̧ pumȩ. Järiji̧ri̧rȩ chjadëri̧ jidachji̧vä dibëa̧ chji̧ oa. Danȩrȩ, Ütë tjamo̧ pio judirequede. Ado cüdë pio dibë chjiari ana̧ri̧ tuti japarërea̧ ju̧i̧ a̧dë jo̧rȩtadë machji̧vä jabo chjadëri̧ chadiätäde dibëa̧ chji̧rä mȩnȩro̧ ja̧boa̧rä yuro babui̧ra̧ carupë jo̧rȩtapea̧ oa. Ado cjapiri̧ cjo̧ro̧dëchji̧vä jabo mȩnȩro̧ darërea̧ pio ju̧i̧ ni̧bä chjaochji̧jȩrȩ dibëa̧ri ja̧ji̧ri̧ pio ji̧ri̧ peaja̧di jibëa̧ chji̧rä chjadëri̧ chadiäpea̧ oa.

Ebereo Ma̧ȩ 12:15

Ado danȩrȩ, dibëa̧ dëbëti̧ra̧ chia chjadëri̧ jidachji̧vä, mȩnȩro̧ Ütërë cjäri̧ri̧ cjia da̧ pio ju̧i̧ putu jura̧ a̧dë chami̧ dari̧ jo̧rȩtachea oa. Jabechji̧ eami̧ pumȩ üdë Ütërë cjäri̧ri̧ cjia da̧ pio ju̧i̧ jiadarä judi, to ëcarami̧ dari̧ cjiade. Jabechji̧ eami̧ chjai̧dëri̧ jo̧rȩtarea̧ üdë jibëa̧ chji̧rä ji̧dë ma cha̧ oaiä, buiude to ëcarami̧ darë. Ado pio jiro to tacö̧ri pio judiri a̧dë chjäte chjai̧dëri̧ cjiamȩ ëmi̧ da üdë cjitëde jibëa̧ yari pio judiri. Ado jibëa̧ yari pio judiri go̧dü chjaoa̧ oaiä, pumȩ noi̧dërë to ëcara ui oa jaraji̧ri̧mi̧ dari̧ ta̧rëpai̧ dadiro̧jo̧ȩ, pio judiro̧borë ëcarami̧ dari̧ jo̧rȩtaji̧ri̧pe bagari̧. Ado pio ju̧i̧iä chjadëri̧ jidachji̧vä dibëa̧ chji̧ oa, eami̧ jo̧rȩtarea̧ chjai̧dë üdë chachea oa.

Santiago Ma̧ȩ 5:19

Danȩrȩ, eami̧ pumȩ üdë, dibëa̧ chjarerä cjo̧ro̧mȩ judi oëra̧diäpai̧ dade. Tjamo̧i̧ cjiari̧ baämȩ ma̧ȩ pio ju̧i̧ putu jura̧ a̧dë chami̧ dari̧ jo̧rȩta̧ oaiä, jabechji̧ oëra̧diäpai̧ dade. Ado mȩnȩro̧ orë pio ju̧i̧ a̧dorä judi, no̧dë oa jämi̧ dari̧ japamȩ ju̧i̧ no̧räpȩmo̧diämi̧ dari̧ a̧dorä judi, jabechji̧ chjadë tjamo̧de.

Juan Ma̧ȩ 2 1:8

Ado pio ju̧i̧iä na̧e chia tjamo̧pea̧ chiamȩ oyi̧ pio jiro oëra̧ a̧ra̧ano̧ji̧ri̧ pio ji̧ri̧ chjiari, mȩnȩ pio ji̧ri̧iä u̧i̧pea̧ oa cjiachea oa. Jabechji̧ mȩnȩ ja̧bepea̧ üdë badëri̧ cjiadiächea oa, a̧ro̧rȩ pio mȩa nö̧ta Ütë tjamo̧ ja̧ oa ji̧mo̧ ja̧bepea̧ üdë badëri̧ cjiadiächea oa, jabechji̧ na̧e chia tjamo̧pea̧ chiamȩ mȩnȩ nö̧tadäräri̧ ba ano̧a̧ oa cjiapea̧ oa.