Lucas 17:12 - Biblia Pume

¹² Ado pio judi bë ma̧ri̧ boi̧chji̧räpȩ yu̧a̧rä, ichi chjö̧na̧i̧ pumȩrȩ, ma̧i̧ da co chiaji̧ri̧ pio judiro̧ jachi chja dae cjiaji̧ri̧rȩ ëna̧diäa̧diro̧jo̧ȩ Jechu pio ju̧i̧iäpȩmo̧.

Lucas 17:12 Iomraidhean Croise

Lucas 5:12

Ado cja̧rȩmo̧ doremȩrä, Jechu judi bë ma̧ri̧ boi̧chji̧rä tai̧rërea̧ ji̧, dëbëdiärëremȩdejȩ pumȩ ju̧i̧, ma̧i̧ da co chiamȩ pio ju̧i̧, jibëa̧ icjara nö̧tai̧ oa co chiamȩpea̧mȩ pio ju̧i̧. Ado pumȩ judi Jechu pio ju̧i̧ daea̧rä, ju chatura̧ tjätjäpë china̧därärëremȩde jibëa̧ daito oa daburäpȩ yuro. Ado pio jȩa chjaparȩtä eamȩrȩ ja̧di ta̧rëri̧ yo̧tarëremȩdejȩ: —Ano̧mȩ, mȩnȩ ca̧ co oa chjaparȩtämi̧ cjiarä judi, jabechji̧ chjaodëri̧ chjaparȩpai̧ darenȩque, co chja maeari̧ —yo̧a̧dejȩ.

Lucas 18:13

Ado domano̧ ja̧ oa chëre boamȩ pio judi peaja̧di Ütë tjamo̧ ju̧i̧iäpȩmo̧ ni̧bärëremȩde. Jabo pumȩ chjarerä cjiatärea̧ ji̧, cjäri̧ made, jachi tjamo̧räpȩ cjiadiäa̧de, 'tjamo̧ri̧ nö̧tadëquëda' quëna̧ jo̧rȩtamȩrȩ. Ado judi a̧dëräpȩmo̧ gatë datärea̧ ji̧, jabechji̧ ëteräpȩmo̧ dae cjiamȩrȩ ni̧bärëremȩdejȩ Ütë tjamo̧ ju̧i̧, 'ba chiadëquëda, ma̧i̧ da chjai̧dëri̧ japamȩrȩ dopaquëda' quëna̧ jo̧rȩtamȩrȩ. Ado jibëa̧ maito oa cjae cjae guamȩrȩ, a̧dë chjäte gitori̧ jo̧rȩtamȩrȩ ni̧bäa̧dejȩ Ütë tjamo̧ pio ju̧i̧iäpȩmo̧, ja̧di ta̧rëri̧ yo̧mȩrȩ: "Ütë, cjäri̧ri̧ cjiamȩrȩ dacoe. Jabechji̧ a̧dë chjäte chjai̧dë oa japamȩrȩ cjo̧ro̧requede. Cjäri̧ri̧ cjia dacoe" yo̧a̧de —yo̧mȩrȩ ni̧bä chjaorëremȩdejȩrȩ Jechu judi.

Go̧dürea̧ Ma̧ȩ 4:7

Ja̧dëa ji̧ Ütë tjamo̧ judi ado yo̧a̧dejȩ: —Ado go̧iovä na̧ ichi oa na̧ chjibo ëtemo̧. Ado Ütë tjamo̧ judi yo̧a̧mi̧ ado japea̧de. Ado jibëa̧ ichi oa chjibori pio judiri ado go̧dü tänȩa̧ ji̧, jabechji̧ co chja maea oa go̧dü tänȩa̧dejȩ, pearäremi̧ dari̧.