Lucas 16:3 - Biblia Pume

³ Ado bë jidamȩ judi pio ju̧i̧ ta̧rëa̧ oaiä, ana̧ tjamo̧ri̧ jo̧rȩtamȩpea̧de. 'Chia chia, bë ano̧mȩ pio judi aeno̧padicoada yaba̧, ¿tjana̧ oa ano̧ mire japatäremȩquëda, cjäri̧ maquëda, ado cja̧rȩmo̧ oa ano̧ mire ja̧beparea̧mi̧dëquëda, palara̧ jäerea̧mi̧dëquëda, ado chëre ji̧ra̧ri̧ goaji̧ri̧ pio ji̧ri̧iä cjo̧dëdëri̧ cjiaquëda, jabechji̧ pio ji̧ri̧iä eoparea̧mi̧dëquiji̧ri̧da, ¿tjana̧ oa ano̧ mire ja̧bepatäremȩcjivaquë, japarea̧ decjiaquëda' quëna̧ jo̧rȩtamȩpea̧de, idëri̧ cjiamȩrȩ, bücjüri̧ cjia tjamo̧mȩrȩ.

Lucas 16:3 Iomraidhean Croise

Mateo 20:8

Ado ja̧dëa ji̧ gȩnȩpea̧rä, tjado ana̧mȩ judi yo̧rëremȩdejȩ jibëa̧ mu̧i̧tjoi̧ tjamo̧ pio ju̧i̧: "Danȩ, ëna̧diäeno̧jȩrȩ ja̧bepaji̧ri̧ pio ji̧ri̧" yo̧a̧dejȩ. "Ado ütëbodärä oa ba ano̧jȩrȩ. Tarupë ba ano̧jȩrȩ pio yabo ja̧bepareji̧ri̧ pio ji̧ri̧. Ji̧tärä tarupareji̧ri̧ pio ji̧ri̧ yabochja tarupë ba ano̧jȩrȩ. Ado pio ji̧ri̧ ba ano̧a̧ duri oa, pio ji̧ri̧ ja̧ yaboi̧ jana̧reji̧ri̧ pio ji̧ri̧ ba ano̧jȩrȩ. Ado pio ji̧ri̧ ba ano̧a̧ duri oa, pio ji̧ri̧ ja̧ yaboi̧ jana̧reji̧ri̧ pio ji̧ri̧ ba ano̧jȩrȩ. Ja̧di ma ja̧di ma ba ano̧tä earequedemȩ. Jaevä" yo̧a̧dejȩ.

Marcos 10:46

Jechu judi jibëa̧ jadüborë go̧düdärärëreji̧ri̧irȩ Jerico quȩmȩ bë ma̧ri̧räpȩ. Ado pio jiro bë ma̧ri̧ri pio judiri go̧düji̧ri̧ oa pumȩ bubarë cho̧rë järëreji̧ri̧diro̧jȩrȩ. Ado cjo̧ro̧rëremȩde Batimeo quȩmȩ judi, da cotomȩ judi. Timeo quȩmȩ jojarë cjo̧ro̧rëremȩde. Ado järea̧ no̧ yuroro chamȩrȩ cjo̧dë chjaorëremȩdejȩrȩ pumȩ pio ji̧ri̧iä chëre oa.

Lucas 12:17

Jabo cjäri̧ made, jibëa̧ tjado üdë jurarea̧ ji̧ra̧ tjamo̧ oa yürüa̧ oaiä, chjadëri̧ boearea̧ dadëa̧dejȩ jurarea̧ oa. Jabechji̧ a̧dë chjäte ji̧ra̧ oaiä, nö̧tadëa̧de jurarea̧ boearea̧ bë üdë.

Lucas 16:2

Ado pio ju̧i̧iä pio jȩaiäpȩ jätä yo̧ chjadüa̧dejȩ jibëa̧ bë jidamȩ pio ju̧i̧. Ado pio jȩaiäpȩ go̧düdäräa̧rä, jabechji̧ cuchu chiadëri̧ iëno̧ë ta̧rëa̧dejȩ: "Danȩ, mȩnȩ ji̧dë u̧i̧ baë mitëa̧ pio ju̧i̧ chjiari ta̧rëa̧requedemȩ" yo̧a̧dejȩ. "Jabechji̧ ca̧ chëre oa chjadëri̧ jidatärea̧ ji̧, cüdë goa̧ pio ju̧i̧ chjadëri̧ jidatärea̧ ji̧, cjäri̧ marenȩ, chjadëri̧ jidadëmȩrenȩ jabo ji̧dë u̧i̧ baë mitëa̧renȩque ji̧dëri̧. Ado pio ju̧i̧iä jabechji̧ aeno̧parequedemȩ yaba̧, mȩnȩ ca̧ea̧ oa ja̧bepë yürürea̧mi̧dëpe bagari̧. Jabechji̧ mȩnȩ chjadëri̧ jidadë tara, baä tänȩparequedemȩ. Jabo mȩnȩ baäbea yaboi̧, jabechji̧ mȩnȩ ja̧bepea̧ pio ju̧i̧, mȩnȩ jida̧ pio ju̧i̧ chjadëri̧ ütarë go̧ȩpatä earequedemȩ chjö̧na̧i̧ oa. Aja̧, mȩnȩ pumȩ pio ji̧ri̧iä mitëa̧ chëre pio ju̧i̧, mȩnȩ pumȩ pio ji̧ri̧iäpȩmo̧ ba ano̧a̧ chëre pio ju̧i̧ ado mȩnȩ baë mitëa̧ chëre pio ju̧i̧ chjadëri̧ ütarë go̧ȩpatä earequedemȩ, a̧dë cjiadiärea̧ decjiari̧. Jabechji̧ ca̧ea̧remȩ pio ju̧i̧ jidadëparenȩque yaba̧" yo̧mȩrȩ yo̧rëremȩdejȩ bë ana̧mȩ judi tjamo̧ jidamȩ pio ju̧i̧iäpȩmo̧.

Lucas 16:20

Ado pio ju̧i̧ ja̧ bëräpȩ yu̧a̧rea̧ joë ya cotoräpȩ ju̧ri̧ a̧rȩrëremȩde Dacharo quȩmȩ judi, jibëa̧ icjara nö̧tai̧ oa ma̧i̧ da co chiamȩ pio judi. Jabechji̧ pumȩ judiro̧ pio ju̧i̧ ara jädiä chjaoa̧ oaiä, jabechji̧ pio ju̧ri̧pȩ a̧rȩrëremȩde doti̧mi̧.

Lucas 16:22

Jabo ja̧dëa ji̧ japamitë chjätä ëte, chjö̧na̧i̧ti̧ oa cjäri̧ ja̧bomȩ pio judi ja̧borëremȩde. Ado Ütë tjamo̧ ja̧ mu̧i̧tjoi̧ pio judiro̧ ëba baäa̧diro̧jo̧ȩ Abaraa̧rea̧rȩ cjiamȩräpȩ. Ado ji̧ra̧ri̧ go̧arëremȩ pio judiborë ja̧borëremȩde. Ado na̧ra̧diro̧jo̧ȩ.

Lucas 16:4

Ja̧dëa ji̧ judi ana̧ri̧ jo̧rȩtarërea̧ ji̧, jabechji̧ chjaodëri̧ idëpea̧dejȩ jibëa̧ chji̧rä jo̧rȩtarea̧ üdë, o judiro̧ pio jȩaiäpȩmo̧ cjäri̧ cjia dapea̧ jo̧rȩtarea̧ üdë. 'Aja̧, ja̧di dari̧ japatäremȩquëda, chja ja̧di ca̧ ano̧mȩ pio ju̧i̧iäpȩmo̧ bacjiaji̧ri̧ pio ji̧ri̧ pio coaiäpȩmo̧ ano̧ mire bacjiami̧ dari̧ cjiapea̧ oa japatäremȩquiji̧ri̧da, jabechji̧ judiro̧ pio coa cjäri̧ri̧ cjia dapea̧ oa, ca̧ ano̧mȩ pio judi coa aeno̧a̧ duri oa pio coa cjäri̧ri̧ cjia dapea̧ oa, ado pio coa nö̧ta chjadëri̧ ëba cjo̧ro̧pea̧ oa japatäremȩqui̧ji̧ri̧da' quëna̧ jo̧rȩtamȩpea̧de, järi tjamo̧mȩpea̧mȩrȩ.

Lucas 18:4

Jabo tjamo̧ ütarë yo̧mȩ pio judi, cjäri̧ madejȩ, cjäri̧ri̧ cjia dadëa̧dejȩ, jabomo̧ dae ano̧a̧dejȩ pio ji̧ a̧dorea̧ jo̧rȩtadëmȩrȩ. Jabo cjäri̧ manȩjȩ, pio jiro iei̧ pio jini̧ ji̧dë ma jädiä chjaoa̧ oaiä, jini̧ cjiadiädëa̧ oaiä, pio ju̧i̧ ja̧ dëbëräpȩ ji̧dë ma cjo̧dë chjaoa̧ oaiä, jabechji̧ ana̧ri̧ jo̧rȩtamȩpea̧de. 'Chia chia, pio jiro iei̧ pio jini̧ ji̧dë ma jana̧diä chjaoni̧coada, babui̧ra̧ cjo̧dë chjaoni̧coada, cjarari̧ cjiape bagarea̧mi̧ dari̧ japapai̧ dani̧coada' quëna̧ jo̧rȩtamȩpea̧de. Ado ja̧dëa ji̧ ja̧di ta̧rëri̧ yo̧a̧de: "Jabechji̧ cüdë Ütë tjamo̧ pio ju̧i̧iäpȩmo̧ uapamȩrȩ cjo̧ro̧dëmȩborë, ado pumȩ pio ji̧ri̧iäpȩmo̧ cjäri̧ri̧ cjia dadëmȩborë,

Juan 9:8

Ado ju̧i̧ ja̧ bë queri̧räpȩ cjo̧ro̧ji̧ri̧ judiro̧ pio ju̧i̧ daea̧ ji̧, pio jibëiä cjo̧dë chjaotaremȩ pio ju̧i̧ daea̧ ji̧, jibëa̧ dëbëti̧ra̧ chia iëno̧ë ta̧rëji̧ri̧rȩ ni̧bä chjaoji̧ri̧pea̧dirȩ. —Pio jiro üi̧ üdë pearä judi chamȩrȩ cjo̧dë chjaoremȩ ¿pio judidëde? —iëno̧ë ta̧rëa̧dirȩ.

Japarea̧ 3:2

Ado Ütë tjamo̧ ja̧ bëräpȩ dae jäji̧ri̧rȩ darëreji̧ri̧diro̧jo̧ȩ ta pirumȩ pio ju̧i̧. Jojini̧rȩ ara̧ri ja̧ tai̧dëmȩ pio ju̧i̧ daea̧diro̧jo̧ȩ. Aja̧, jibëa̧ pumȩ judiro̧ doti̧mi̧ ara jä chjaoriärëreji̧ri̧diro̧jo̧ȩ Ütë tjamo̧ ja̧ bëräpȩ ju̧ri̧ chëre cjo̧dëpea̧ oa. Ütë tjamo̧ ja̧ bëräpȩ yu̧a̧rea̧ ya cotoräpȩ ju̧ri̧ chapea̧ oa, 'chjacjiamȩ' quȩmȩ joë ya cotoropȩ ju̧ri̧ chapea̧ oa, ara jä chjaoriärëreji̧ri̧diro̧jo̧ȩ yu̧a̧ji̧ri̧ pio ji̧ri̧iä cjo̧dëpea̧ oa.

Japarea̧ 9:6

Jabo cjitëvä yaba̧. Damacoräpȩ jävä. Ado idëpȩ go̧düdäräpamȩ oa ma̧ȩ yürüpadimȩ pumȩ judi. Jabechji̧ mȩnȩ dabapea̧ oa, 'Aja̧, ja̧di dari̧ japatäremȩquëda' quëna̧ dabapea̧ oa, ma̧ȩ yürüpadimȩ. Jävä —yo̧mȩrȩ yo̧rëremȩdejȩ Jechu judi Chauro pio ju̧i̧iäpȩmo̧.

Techaronichȩche Ma̧ȩ 2 3:11

Jabo danȩrȩ ca̧ oti̧, pio dibë chjiari ta̧rërea̧rȩ. "Aja̧, pio mȩnȩro̧, orë chumi̧dëri̧ cjiaji̧ri̧rȩ cjo̧ro̧vedirȩ" yo̧a̧ oa ta̧rërea̧rȩ ca̧ oti̧. "Pio judiro̧ jibëa̧ oa chjadëri̧ ütarariä ja̧bepatärea̧ ji̧, cjapiri̧ ja̧bepe chjaotärea̧ ji̧, ja̧bepadë madirȩ, jabo o ji̧ri̧ ja̧ maea oa jo̧rȩte chjaodirȩ. Bë tai̧ chjaodirȩ o ji̧ri̧ ja̧ maea oa jo̧rȩtaji̧ri̧rȩ. Jabechji̧ jibëa̧ oa chjadëri̧ ja̧bepatärea̧ ji̧, tja̧reparȩmi̧ dari̧ japadiro̧jȩrȩ ja̧bepatämi̧ cjiaji̧ri̧ pio ji̧ri̧". Aja̧ ibëa̧ oti̧, pio ju̧i̧ yo̧a̧ oa ta̧rërea̧rȩ pio dibë chjiari.