Lucas 15:12 - Biblia Pume

¹² Ado durimȩ pio judi yo̧a̧dejȩ jäja pio ju̧i̧iäpȩmo̧: "Dane ama̧i̧, na̧ea̧remȩ pio ju̧i̧, mȩnȩ pio coaiäpȩmo̧ yürüpea̧ oa goë boea̧ pio ju̧i̧ yürütä earequedemȩ pio yaba̧" yo̧a̧dejȩ. "Jabechji̧ mȩnȩ ja̧boa̧ duri oa mitëtärea̧ ji̧, jabechji̧ pio yaba̧ eareconȩ jo̧ȩra̧pe. Yürücoe" yo̧a̧dejȩ. Ado jäja judi pio ju̧i̧ ta̧rëa̧ oaiä, chjarapë yürürëremȩdejȩrȩ jibëa̧ u̧ri̧ yo̧a̧ri̧ pio ji̧ri̧iäpȩmo̧, jibëa̧remȩ pio ju̧i̧. Ütara̧mi̧ yürüchärëremȩdejȩrȩ. Baca oa, oveja oa, cameyo oa, buro oa, chëre oa, dami̧ti̧ oa, yürüchäa̧dejȩrȩ o oa.

Lucas 15:12 Iomraidhean Croise

Marcos 12:44

O judiro̧, jabechji̧ chëre ji̧ra̧ tjamo̧ oa goaji̧ri̧rȩ yürüa̧dirȩ jabëtari̧mi̧mi̧ da oa, jabë ji̧ra̧ri̧ goaji̧ri̧rȩ. Yuropadäräri̧ yürüdëa̧dirȩ. Jabo pio jiro iei̧ jini̧ ja̧di dari̧ yürüdëa̧nȩ. Jabechji̧ cjiadiädëri̧ yürüa̧nȩ jibëa̧ chëre chjö̧na̧i̧ oa. Jënȩ jurarea̧ oa gatëpea̧ chëre chjö̧na̧i̧ oa, jënȩ china̧chjari̧ tutia̧ chëre chö̧na̧i̧ oa yürüa̧nȩ cjiadiädëri̧. Ja̧di dari̧ yürüdëa̧dirȩ o judiro̧. Ado pio ju̧i̧iä yo̧requededibe. O ji̧ri̧ u̧i̧ ji̧ra̧ri̧ yürümi̧ dari̧ yürüa̧nȩ pio iei̧ jini̧ —yo̧mȩrȩ ni̧bä chjaorëremȩde Jechu judi.

Lucas 15:11

Ado Jechu judi cjiadiädëmȩrȩ ji̧dë u̧i̧ ni̧bä chjaorëremȩdejȩrȩ. Ja̧di ta̧rëri̧ a̧de yo̧a̧dejȩrȩ: —Cja̧rȩmȩrȩ cjo̧ro̧rëremȩde pumȩ judi —yo̧a̧dejȩrȩ—. Yo̧a̧ri̧ ja ëbamȩrȩ cjo̧ro̧rëremȩde.

Lucas 15:13

Ado do ji̧ra̧ tjamo̧dë chjätä ëte, durimȩ pio judi jibëa̧remȩ pio ju̧i̧ gatë tänȩchärëremȩdejȩ chjö̧na̧i̧ oa. Jibëa̧ ama̧i̧ judi pio jȩaiäpȩmo̧ yürüa̧ pio ju̧i̧ gatë tänȩchäa̧dejȩ chëre boapea̧ oa. Ado ja̧di dari̧ japa ëte, baärëremȩde. Chëre ji̧ra̧ri̧ goamȩrȩ baäa̧de. Jachi tjamo̧räpȩ baäa̧de ado cja̧rȩmo̧ chiriräpȩ. Ado ju̧ri̧pȩ go̧düdärä ëte, jabechji̧ jënȩ jo̧rȩtami̧ japamȩpea̧de chji̧ cotomȩmi̧ dari̧. Eami̧ oa ja̧bepadëa̧de jabomo̧ ji̧dë ma chjaocjiami̧ dari̧ cjo̧ro̧rëremȩde japëtaramȩmi̧ darë. Chjadëri̧ japatärea̧ ji̧, ütara̧mi̧ japatärea̧ ji̧, jabechji̧ dami̧ti̧ chjai̧dë oa goaramȩpea̧de, jibëa̧ chëre oa badëri̧ aeno̧ chjaomȩrȩ.

Lucas 15:30

Jabo ma̧i̧ dari̧ japarëremȩ pio judi ma̧na̧rä, na̧ ja pio üdëje ma̧na̧rä, cjäri marenȩ, baca boi̧ pio ju̧i̧ chjaodëri̧ gu̧nȩno̧a̧renȩ yo̧ cjia oa. Ado na̧ ja judi, cjäri̧ madejȩ, mȩnȩ yürüa̧ chëre pio ju̧i̧ chjadëri̧ jidatärea̧ ji̧, mȩnȩ boa̧ chëreremȩ pio ju̧i̧ chjadëri̧ jidatärea̧ ji̧, cjäri̧ made, oari goaraji̧ri̧ pio ji̧ri̧iäpȩmo̧ ma badëri̧ aeno̧rëremȩ jirodejȩ idi̧ dari̧ japapea̧ oa, oari goaraji̧ri̧ pio ji̧ri̧ ëba mo̧a̧ chjaopea̧ oa. Ado ja̧dëa ji̧ pio judi, ma̧i̧ dari̧ japamȩ pio judi ma̧na̧rä, ä, chjaodëri̧ gu̧nȩno̧a̧renȩ baca boi̧ oa. Cjäri̧ marenȩ. Japarea̧mi̧dë pio ju̧i̧ japeno̧a̧renȩ ama̧i̧" yo̧mȩrȩ dëbë yo̧rëremȩdejȩ jäja pio ju̧i̧iäpȩmo̧ joja yabomȩ pio judi.