Ado Jechu judi cjiadiädëmȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Danȩrȩ ca̧ jadü, eami̧ pumȩ üdë jibëa̧ pumȩ ja̧ dëbëräpȩ pio coa chjiari chjadëri̧ ni̧bärä judi, goadidëmȩrȩ chjadëri̧ ni̧bärä judi, “Aja̧, Jechu pio ju̧i̧ cho̧rë jämȩreconȩ” yo̧mȩrȩ yo̧rä judi, peaja̧di ta̧rëri̧ yo̧parequede cüdë ca̧ Ama̧i̧ ja̧ dëbëräpȩ. “Aja̧, pio yoa pumȩ yodë cho̧rë jana̧mȩdique” yo̧parequede pio jiro pumȩ pio ju̧i̧ chjiari a̧dëräpȩ cjiamȩ Ama̧i̧ ja̧ dëbëräpȩ.
Lucas 15:10 - Biblia Pume10 Ado peaja̧dimi̧ dari̧ ma̧ chiadëri̧ cjiapadirȩ Ütë tjamo̧ ja̧ mu̧i̧tjoi̧ pio judiro̧ a̧dëräpȩ ju̧ri̧. Tjamo̧ davä. Eami̧ pumȩ judi, cja̧rȩmȩrȩ, chjai̧dëri̧ cjo̧ro̧mȩ pio judi chjere jo̧rȩta̧ oaiä, jabechji̧ ma̧ chiadëri̧ cjiapadirȩ —yo̧mȩrȩ ni̧bä chjaorëremȩdejȩrȩ Jechu judi chëre boi̧chji̧ pio ju̧i̧ chjiari. Faic an caibideil |
Lucas 15:10
23 Iomraidhean Croise
Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Danȩrȩ, na̧e chia tjamo̧chji̧vä ado ja̧di, mȩnȩro̧ eami̧ boi̧chji̧mi̧ damȩ pio ju̧i̧ badë dachea oa —yo̧a̧dejȩrȩ—. Tjamo̧ davä. Ba chiadëmȩmi̧ damȩ pio ju̧i̧ badë dachea oa, pea quëna̧mȩpea̧ pio ju̧i̧ badë dachea oa, jabechji̧ na̧e chia tjamo̧chji̧vä. Jabechji̧ chjadëri̧ jida̧ oa cjiadirȩ. Jabechji̧ Ütë tjamo̧ pio judi tänȩa̧ oaiä, a̧dëriji̧ri̧ mu̧i̧tjoi̧ ba chia tjamo̧ pio judiro̧ chjadëri̧ jidadiro̧jo̧ȩ ba chiadëmȩmi̧ damȩ pio ju̧i̧. Ado danȩrȩ, ca̧ Ama̧i̧ pio judi pio jiro ja̧beparea̧ ba chia oa jibëa̧ mu̧i̧tjoi̧ pio ji̧ri̧iäpȩmo̧ yürüa̧ oaiä, ado pio jiro mu̧i̧tjoi̧ judiro̧ ca̧ Ama̧i̧ pio ju̧i̧ nö̧ta ji̧dë ma ëba cjiarea̧ da oaiä ¿yö̧ta dari̧ jo̧rȩtaji̧ri̧rȩ datäreji̧ri̧rea̧rȩ ba chiadëmȩmi̧ damȩ pio ju̧i̧? Yö̧ta dari̧dë, jabechji̧ badë dadë matäreji̧ri̧rea̧ro̧jȩrȩ, jabo ba chia tjamo̧ datäreji̧ri̧rea̧ro̧jo̧ȩ ji̧dëri̧ —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.
Ado peaja̧dimi̧ dari̧ jo̧rȩtade ca̧ Ama̧i̧ judi, a̧dëräpȩ cjiamȩ Ama̧i̧ pio judi —yo̧a̧dejȩrȩ—. Jabechji̧ eami̧ boi̧chji̧mi̧ damȩ pio judi, ba chiadëmȩmi̧ damȩ pio judi cja̧rȩmȩrȩ ji̧dë ma dabadëpea̧ oa cjiami̧ dari̧ cjiatä ea tjamo̧dëdejȩ, jabo chjadëri̧ dadäräa̧ oa cjiami̧ dari̧ cjiatä ea tjamo̧dejȩ —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jechu judi.
Ado Jechu judi cjiadiädëmȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Tjamo̧i̧ cjiari̧ yo̧requededibe —yo̧a̧dejȩrȩ—. Danȩrȩ ca̧ jadü, eami̧ pumȩ judi, jënȩ pio coa chjiari yo̧rä judi, jibëa̧ pumȩ ja̧ dëbëräpȩ chjadëri̧ yo̧rä judi, “Aja̧, Jechu pio ju̧i̧ cho̧rë jämȩreconȩ” yo̧rä judi, peaja̧di ta̧rëri̧ yo̧pade pio ju̧i̧ chjiari Pumȩrȩ Ara̧ Tjamo̧ pio judi Ütë ja̧ mu̧i̧tjoi̧ ja̧ dachoro, a̧dëri ja̧ mu̧i̧tjoi̧ pio ji̧ri̧ ja̧ dëbëräpȩ. Tjamo̧ davä. “Pio jiro pumȩ yodë cho̧rë jana̧mȩdique” yo̧parequede pio jiro pumȩ pio ju̧i̧ chjiari.
Jabo cjäri̧ madirȩ ca̧ pumȩ. O ji̧ri̧iä ji̧dë u̧i̧ chjai̧dëri̧ cjo̧ro̧dërëreji̧ri̧dirȩ. Jabechji̧ pumȩ judiro̧ ütëborë cja̧rȩmȩ chjai̧dë maea oa chia maeadirȩ Ütë tjamo̧ pio ju̧i̧iä. Ado pio mȩnȩro̧ peaja̧di ano̧ mire jo̧rȩtadërä judi, peaja̧di bucho ana̧ aeno̧a̧ oa cjiapanȩrȩ —yo̧mȩrȩ ni̧bä chjaorëremȩdejȩrȩ Jechu judi.
Ado danȩrȩ —yo̧a̧dejȩrȩ Jechu judi—. Peaja̧dimi̧ dari̧ ma̧ chiadëri̧ cjiadirȩ a̧dëräpȩji̧ri̧ judiro̧. Jabechji̧ eami̧ pumȩ üdë cja̧rȩmȩrȩ chjere jo̧rȩtarä judi, jënȩ chjai̧dëri̧ japea̧ pio ju̧i̧ chjiari chjere jo̧rȩtarä judi, jabechji̧ a̧dë chjäte ma̧ chiadëri̧ cjiadirȩ. Ado o ji̧ri̧iä, 99 pumȩ pio ji̧ri̧iä, jabechji̧ coëma cjiari̧ cjo̧ro̧ji̧ri̧ pio ji̧ri̧iä, peaja̧di ma̧ chiadëri̧ cjiadirȩ. Jabo eami̧ pumȩ üdë chjere jo̧rȩta̧ pio ju̧i̧iä, Ütë tjamo̧ ja̧ no̧mi̧ darä ado chjereno̧ cjo̧ro̧pea̧ oa chjere jo̧rȩta̧ pio ju̧i̧iä, jabechji̧ ji̧dë u̧i̧ ma̧ chiadëri̧ cjiapadirȩ —yo̧mȩrȩ ni̧bä chjaorëremȩdejȩrȩ Jechu judi.
Ado jini̧ dadäräa̧rä, jabechji̧ ëna̧dieno̧panȩjȩrȩ jibëa̧ pumȩ ji̧ri̧, jibëa̧ bë queri̧ cjo̧ro̧ji̧ri̧ pio ji̧ri̧bo. Ado yo̧panȩjȩrȩ, "Danȩrȩ, ëba ma̧ chiadëri̧ cjiachji̧coe. Dabadëpea̧ oa cjiaremȩ chëre boi̧chji̧ pio ju̧i̧ dadäräa̧recuni̧quȩ. Ado chjereno̧ goarecuni̧quȩ. Pio ju̧i̧iä ma̧ chiadëri̧ cjia tjamo̧requede" yo̧panȩ.
Ado pio ju̧i̧iä yo̧requedemȩ Chimo̧: Danȩ, pio yi̧në iei̧ inë, jabechji̧ jënȩ jana̧ pio judiri yurori ji̧dë ma na̧rȩnȩ davä jënȩ pio coaiäpȩmo̧ tjamo̧ri̧ eapea̧ pio ju̧i̧ chjiari. Jabechji̧ jënȩ co ji̧ra̧ tjamo̧ri̧ chjai̧dëri̧ japea̧ üdë duridëparȩa̧ oa cjia tara, jabechji̧ ana̧ri̧ na̧rȩni̧que davä jënȩ pio coaiäpȩmo̧ ana̧ri̧ eapea̧ pio ju̧i̧ chjiari. Jabo ado cja̧rȩmo̧ üdë, 'Aja̧, jabomo̧ yo̧a̧ri̧mo̧i̧ co chjai̧dëri̧ japea̧quëda, co ji̧ra̧ri̧ chjai̧dëri̧ japadëa̧quëda' quëna̧mȩ pio judi, 'jabechji̧ jabëtari̧mi̧ maea oa duridëparȩa̧dicoada' quëna̧ jo̧rȩta̧de. Ado pio ju̧i̧iä jabëtari̧mi̧ maeari̧ na̧rȩde jënȩ pio coa eapea̧ pio ju̧i̧ chjiari.
Ado judio judiro̧ Pedro pio ju̧i̧iä ta̧rëa̧ oaiä, jabechji̧ cjapi mari̧ cjiarëreji̧ri̧dirȩ. Ado ano̧ mire jo̧rȩtaji̧ri̧rȩ Ütë tjamo̧ pio ju̧i̧iäpȩmo̧ chjacjiamȩri̧ ni̧bäji̧ri̧pea̧diro̧jo̧ȩ. 'Aja̧, judiodë pio ji̧ri̧iäpȩmo̧bo chjere jo̧rȩtarea̧ yürüa̧diji̧ri̧da, pio ji̧ri̧iäpȩmo̧bo bucho ana̧ cjo̧ro̧rea̧ oa yürüa̧diji̧ri̧da' quëna̧ jo̧rȩtaji̧ri̧rȩ chjacjiamȩri̧ ni̧bäji̧ri̧pea̧diro̧jo̧ȩ.
Jabechji̧ Ütë tjamo̧ pio judiri ma̧na̧mȩ gitori̧ jo̧rȩtarea̧ üdë chjadëri̧ a̧dodejȩ pumȩ ju̧i̧, judi chjai̧dëri̧ japea̧ pio ju̧i̧ chjiari chjadëri̧ ano̧ mire jo̧rȩtapea̧ oa, judi chjai̧dë oa japea̧ pio ju̧i̧ ja̧ chja̧oeri pio judiri go̧dürea̧ dapea̧ oa. Ado danȩrȩ ca̧ oti̧, jënȩ chjai̧dëri̧ japea̧ pio ju̧i̧ chjiari tjamo̧ri̧ ano̧ mire jo̧rȩtamȩ pio judi, ‘Cjäri̧ maquëda, cüdë chjai̧dëri̧ japea̧ pio ju̧i̧ chjiari gitori̧ jo̧rȩtadëa̧täremȩquëda’ quëna̧ jo̧rȩtadëmȩde, jabo jabechji̧ ma̧ chiadëri̧ cjia tjamo̧mȩrȩ jo̧rȩtade judi ano̧ mire jo̧rȩtamȩpea̧ oaiä. Tjamo̧ davä, judi chjai̧dëri̧ japea̧ pio ju̧i̧ chjiari gitori̧ jo̧rȩta ëte ano̧ mire jo̧rȩtamȩpea̧ pio ju̧i̧iä, ma̧ chiadëri̧ cjiamȩrȩ jo̧rȩtade. Jabo danȩrȩ ca̧ oti̧, dai chirirä ja̧ gitori̧ jo̧rȩtarea̧ üdë tjaoëde. Ado pumȩ pio ju̧i̧ tjamo̧ri̧ a̧dodëdejȩ. Jabechji̧ judi chjai̧dëri̧ japarä, dëdë, gitori̧ jo̧rȩtapai̧ dade. Judi idëri̧ cjiape baga̧ oaiä, pumȩ judiro̧ pio jȩa chjiari goadi ya̧ea̧ oaiä, dëdë, gitori̧ jo̧rȩtapai̧ dade, ma̧ȩ ta̧rëa̧ oaiäbo. Jabo cjäri̧ made, jënȩ chjai̧dëri̧ japea̧ pio ju̧i̧ chjiari tjamo̧ri̧ ano̧ mire jo̧rȩtadëmȩde. Ado pio ju̧i̧iä a̧dodë madejȩ. Tjamo̧ davä ca̧ oti̧, judi chjai̧dëri̧ japea̧ pio ju̧i̧ chjiari gitori̧ jo̧rȩtamȩrȩ ano̧ mire jo̧rȩtatärea̧ ji̧, chjai̧dë pio ju̧i̧ japë ano̧tärea̧ ji̧, cjäri̧ made, ja̧di dari̧ japadëmȩde, jabo bucho ana̧ ja̧boa̧mi̧ dari̧ cjiadiäpade. Jabechji̧ judi chjätärea̧ datärea̧ ji̧, chjätärea̧ dadëpade, jabo bucho ana̧ ja̧boa̧mi̧ dari̧ cjiadiäpade.
Jabo danȩ omȩ, cüdë tjamo̧ri̧ daba ma ja̧didë jabo danȩ, Ütë tjamo̧ pio judi tänȩa̧ oaiä, Onechimo̧ pio judi a̧dë ma̧na̧ jirorëremȩdimȩ judi Quiricho pio ju̧i̧iäpȩmo̧ quëna̧rea̧ dapea̧ oa. Ja̧dëa ji judi Quiricho pio ju̧i̧iäpȩmo̧ quëna̧mȩpea̧ duri oa, jabechji̧ mȩnȩ na̧ mu̧i̧tjoi̧ pio ju̧i̧ ado chjereno̧ ëbapea̧ oa tänȩ jirorëremȩde. Tjamo̧ davä. Mȩnȩ na̧ mu̧i̧tjoi̧rëremȩ pio ju̧i̧ ado chjereno̧ bucho ana̧ ëbapea̧ oa tänȩ jirorëremȩde Ütë tjamo̧ judi. Cüdë tjamo̧ri̧ daba ma ja̧didë jabo ja̧di dari̧ jo̧rȩtarequede.
Ado ja̧dirä judi, ¿yö̧ta dari̧ jo̧rȩtatäreji̧ri̧rea̧rȩ a̧dëräpȩ cjiaji̧ri̧ mu̧i̧tjoi̧ pio ji̧ri̧ chjiari? Yö̧ta dari̧dë, jabechji̧ mu̧i̧tjoi̧ maeadirȩ. Tjo maeadirȩ. Ado Ütë tjamo̧ pio judi chjadüa̧ oa ja̧bepadirȩ chjätärea̧ dapaji̧ri̧ pio ji̧ri̧ chjadëri̧ jidapea̧ oa, pio ji̧ri̧ chjadëri̧ a̧dopea̧ oa.
Sanasan