Lucas 15:1 - Biblia Pume

¹ Ado cja̧rȩmo̧ doremȩrä, pumȩ pio judiro̧ no̧i̧dërë järëreji̧ri̧dirȩ Jechu pio ju̧i̧iäpȩ, pio ju̧i̧ chjadëri̧ ta̧rëpea̧ oa. Domano ja̧ oa chëre boaji̧ri̧ pio judiro̧, ado chjai̧dë oa ji̧dë ma jape chjaoji̧ri̧ pio judiro̧borë goëdepea̧diro̧jo̧ȩ.

Lucas 15:1 Iomraidhean Croise

Mateo 5:46

Jabo danȩrȩ, mȩnȩro̧ dibë eaji̧ri̧ pio ji̧ri̧iäpȩmo̧ ma earä judi, ¿tjana̧ ju̧i̧iä 'chjadëri̧ japadiro̧da' quëna̧ jo̧rȩtamȩrȩ datäremȩdidibe Ütë tjamo̧ judi? ¿Tjana̧ ju̧i̧iä ba ano̧täremȩdidibe mȩnȩro̧ ja̧di dari̧ japea̧ ba oa? Danȩrȩ, peaja̧di dari̧ japa maeadirȩ chjai̧dëri̧ japaji̧ri̧ judiro̧. Peaja̧di jibë eaji̧ri̧ pio ji̧ri̧iäpȩmo̧ eadiro̧jȩrȩ. Danȩrȩ, Domano̧ ja̧ oa chëre boaji̧ri̧ pio judiro̧ chjai̧dëri̧ jape chjaodirȩ pumȩ pio ji̧ri̧iä ba uëri̧ cjo̧dë chjao oaiä. Jabo chjai̧dëri̧ japaji̧ri̧borë, jabechji̧ eadiro̧jȩrȩ pio jibëiäpȩmo̧ eaji̧ri̧ pio ji̧ri̧iäpȩmo̧.

Lucas 13:30

Ado danȩrȩ ca̧ pumȩ, chjadëri̧ jo̧rȩtatäreji̧ri̧nȩrȩ pio yoa ma̧ȩ pio ju̧i̧ chjiari. Danȩrȩ, 'ba chia tjamo̧dëquëda jabo o judiro̧ pio coaiä ji̧dë u̧i̧ ba chiadiro̧da' quëna̧ji̧ri̧ pio judiro̧, jabechji̧ ütara̧ doro o ji̧ri̧iä ji̧dë u̧i̧ ba chiapadirȩ. Ado o judiro̧, 'Aja̧, ba chia tjamo̧quëda, o pio ji̧ri̧iä ji̧dë u̧i̧ ba chiaquëda' quëna̧ji̧ri̧ pio judiro̧, jabechji̧ ütara̧ doro badë maearë cjiadiäpadirȩ —yo̧mȩrȩ a̧de ni̧bä chjaorëremȩdejȩrȩ Jechu judi, na̧rȩrea̧ ma̧ȩmi̧ dara̧ pio ju̧ri̧ra̧.

Lucas 7:29

Ado Jechu judi Juan pio ju̧i̧ chjiari ji̧dë u̧i̧ ni̧bämȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Ado pumȩ judiro̧ ütëborë Juan judi a̧ra̧ano̧a̧ maȩ pio ju̧i̧ tjamo̧ri̧ ta̧rë ja̧borëreji̧ri̧diro̧jo̧ȩ, domano̧ ja̧ oa chëre boaji̧ri̧ pio judiro̧borë. Jabechji̧ pio judiro̧ tjamo̧rëreji̧ri̧dirȩ Juan pio ju̧i̧iä go̧e cjaeä chuda̧ oa cjiarëreji̧ri̧ judiro̧. Jabechji̧ judiro̧ quëna̧ oaiä, 'Aja̧, Ütë tjamo̧ judi coëma cjiari̧ japamȩdida, ado jënȩ pio ibë chjiari ütarë jo̧rȩtarërea̧ üdë peaja̧di coëma cjiadida' quëna̧ jo̧rȩta̧ oaiä, jabechji̧ go̧ȩ cjaeä chuda̧ oa cjiarëreji̧ri̧dirȩ Juan pio ju̧i̧iä.

Domano Ma̧ȩ 5:20

Moicherë go̧ȩparërea̧ ma̧ȩ üdë yürüa̧ oa cjiarëremȩde pume judiro̧ chjai̧dëri̧ japea̧ üdë ji̧ra̧ tjamo̧pe bagapea̧ oa, chjadë maearä cjiami̧ dari̧ cjiapea̧ oa. Jabo pumȩ judiro̧ chjai̧dëri̧ japea̧ üdë ji̧ra̧ tjamo̧pe baga̧ oaiä ji̧dë u̧i̧ ji̧ra̧pe bagarëremȩde davä Ütërë cjäri̧ri̧ cjia da̧ üdë. Jabechji̧ Ütërë cjäri̧ri̧ cjia da̧ pio judi a̧dë chjäte boa̧dejȩ pumȩrȩ chjai̧dëri̧ japea̧ chjö̧na̧i̧ oa.

Timoteo Ma̧ȩ 1 1:15

Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ chjuari̧ quëna̧pea̧ ma̧ȩ pio ju̧i̧. Danȩ Timoteo, Jechu Quiricho judi a̧dëri pio judiri birarëremȩde chjai̧dëri̧ japaji̧ri̧ pio ji̧ri̧ chjadëri̧ chjätä tänȩpea̧ oa. Ado cüdë ma̧i̧ dari̧ japea̧ oaiä, a̧dë chjäte chjai̧dëri̧ jape chjaoa̧ oaiä, jabechji̧ a̧dë chjäte chjai̧dëri̧ japamȩmi̧ darë cjiadiäa̧requede cüdë.