Lucas 14:1 - Biblia Pume

¹ Ado cja̧rȩmo̧ doremȩrä, cjiadiärea̧ doro, Jechu pio judi jurerëremȩde tjamo̧ yo̧mȩ pjaricheo ja̧ bëräpȩ. Ado pjaricheo judiro̧ orë järi tjamo̧ji̧ri̧rȩ a̧dë darea̧ decjiari̧ ütarë garë dae chjaorëreji̧ri̧diro̧jo̧ȩ Jechu ju̧i̧ tjamo̧ yo̧mȩ ja̧ bëräpȩmȩ oa.

Lucas 14:1 Iomraidhean Croise

Mateo 12:12

Ado danȩrȩ, ¿oveja pio ju̧i̧iä ji̧dë u̧i̧ ba chiadëde pumȩ judi? Dëdë, ji̧dë u̧i̧ ba chiade. Ado pio ju̧i̧iä yo̧requededibe. Danȩrȩ, järätä chjaparea̧ dorobo, jabechji̧ chjadë tjamo̧de pumȩ pio ju̧i̧iäpȩmo̧ chjadëri̧ japapea̧ üdë ⁠—⁠yo̧a̧dejȩrȩ.

Marcos 3:2

Ado peaja̧di a̧doparëreji̧ri̧dirȩ Jechu pio ju̧i̧iäpȩmo̧ aechide yo̧tämi̧ cjiaji̧ri̧ judiro̧. Ado judiro̧ a̧dë darea̧ decjiari̧ ütarë dae chjaorëreji̧ri̧diro̧jo̧ȩ Jechu ju̧i̧. 'Aja̧, ¿yö̧ta dari̧ japapadida, jabechji̧ järätä chjaparea̧ dorobo chjaparȩpai̧ dadiji̧da, ado ja̧di dari̧ japarä judi pio ju̧i̧iäpȩmo̧ aechide yo̧paa̧ro̧ju̧i̧da' quëna̧ jo̧rȩtaji̧ri̧rȩ ütarë dae chjaorëreji̧ri̧diro̧jo̧ȩ.

Lucas 11:37

Ado Jechu judi ni̧bä chjaoe cjiadiäa̧rä, pjaricheo pio judi cja̧rȩmȩrȩ yabërëremȩdejȩ jibëa̧ bëräpȩ jätä, pio jȩa nö̧ta ëba juratä. Ado pio ju̧i̧iä jäa̧de Jechu judi. Ado bërä yu̧a̧därä ëte, chadäräa̧de mechjaräpȩ.

Lucas 14:2

Ado pio ju̧ri̧pȩrëremȩde gito ja̧bomȩ judi peaja̧di. Jabechji̧ jibëa̧ ichi ju üdë, jibëa̧ yai juborë a̧dë chjäte ma̧ri̧ tjamo̧pe bagarëremȩde, chjadëri̧ cjo̧ro̧rea̧mi̧dëri̧.

Lucas 17:20

Ado cja̧rȩmo̧ doremȩrä pjaricheo pio judiro̧ iëno̧ë ta̧rërëreji̧ri̧diro̧jo̧ȩ Jechu pio ju̧i̧, ja̧di ta̧rëri̧ yo̧ji̧ri̧rȩ: —Danȩ, ¿naparä ma̧na̧padiibe Ütërë yo̧a̧ chja̧oerä cjo̧ro̧pea̧ japamitë üdë? —iëno̧ë ta̧rëa̧diro̧jo̧ȩ—. ¿Naparä tarupapade Ütë tjamo̧ judi tjamo̧ yo̧mȩrȩ cjo̧ro̧pea̧ ji̧, pumȩ judiro̧ pio ju̧i̧ ja̧ chja̧oerämo̧ cjo̧ro̧pea̧ ji̧? —iëno̧ë ta̧rëa̧diro̧jo̧ȩ. Ado Jechu judi dëbë yo̧a̧dejȩrȩ: —Danȩrȩ, Ütërë yo̧a̧ chja̧oerä cjo̧ro̧pea̧ japamitë üdë ma̧na̧na̧ra̧rä, jabechji̧ dibëa̧ dachora̧ dai oa darea̧mi̧dëri̧ ma̧na̧padiibe —yo̧a̧dejȩrȩ—. Tjamo̧ davä. Chiriräpȩti̧ oa cjo̧ro̧ji̧ri̧ pio judiro̧ ütëborë jibëa̧ dachora̧ darea̧mi̧dëri̧ ma̧na̧padiibe.

Lucas 20:20

Ado pjaricheo pio judiro̧ ji̧dë ma järirëreji̧ri̧dirȩ Jechu pio ju̧i̧ ütarë dae chjaopea̧ oa, pio ju̧i̧iäpȩmo̧ aechide yo̧pea̧ oa. Ado pio ju̧i̧iä chjadürëreji̧ri̧diro̧jȩrȩ jibëa̧ mu̧i̧tjoi̧ pio ji̧ri̧ Jechu pio ju̧i̧ ji̧dë ma ütarë ta̧rëpea̧ oa. Aja̧, pio jiro mu̧i̧tjoi̧ pio judiro̧ Jechu pio ju̧i̧iä tjamo̧ri̧ dabapatämi̧ cjiaji̧ri̧mi̧ dari̧ japapea̧ oa chjadüa̧diro̧jȩrȩ, judi ni̧bäa̧ pio ju̧i̧ ütarë ta̧rë chjaopea̧ oa. 'Aja, oëra̧ dëbë yo̧pai̧ da jirodida, ta anȩno̧ tänȩmi̧ dari̧ japarea̧ daeji̧ri̧a̧ro̧ju̧i̧da' quëna̧ ütarë dae chjaopea̧ oa chjadüa̧diro̧jȩrȩ. Jabechji̧ Jechu pio ju̧i̧iäpȩmo̧ aechide ni̧bärea̧ dapea̧ oa, ado pio ju̧i̧ daea̧ oaiä domano̧ ja̧ ütë pio ju̧i̧iäpȩmo̧ ma̧ȩ yürüpea̧ oa, pio jënȩ Jechu ju̧i̧ mitë ëte chaäpea̧ oa, ütarë dae chjaopea̧ oa chjadürëreji̧ri̧diro̧jȩrȩ jibëa̧ mu̧i̧tjoi̧ pio ji̧ri̧.

Lucas 6:7

Ado pjaricheo judiro̧, ado Moicherë go̧ȩparërea̧ ma̧ȩ oa a̧ra̧ano̧ji̧ri̧ pio judiro̧borë a̧dë darea̧ decjiari̧ ütarë dae chjaorëreji̧ri̧diro̧jo̧ȩ Jechu pio ju̧i̧, järi tjamo̧ji̧ri̧rȩ. 'Yö̧ta dari̧ japapadida, jabechji̧ järätä chjaparea̧ dorobo chjaparȩpai̧ da jirodiji̧da, pio ju̧i̧iäpȩmo̧ aechide yo̧rea̧mi̧ dari̧ japapai̧ dadiji̧da' quëna̧ jo̧rȩtaji̧ri̧rȩ ütarë dae cjiarëreji̧ri̧diro̧jo̧ȩ.

Juan 3:1

Cja̧rȩmȩrȩ cjo̧ro̧rëremȩde Nicodemo quȩmȩ judi. Judio tjamo̧ yo̧mȩrȩ cjo̧ro̧rëremȩde, paricheorë.

Japarea̧ 5:34

Jabo cja̧rȩmȩrȩ, paricheorë tuti chi̧dëearëremȩdejȩrȩ, Gamariera quȩmȩ pio judi. Aja̧, pumȩ ütëborë ba chia darërea̧ pio judi, tjamo̧ yo̧mȩrȩ cjo̧ro̧mȩ pio judi, ichi chjö̧na̧i̧ ma̧ȩ oa a̧ra̧ano̧mȩrȩ cjo̧ro̧mȩ pio judi chjadëri̧ tuti chi̧dëea̧dejȩrȩ jibëa̧ jadü pio ji̧ri̧, tjamo̧ ütarë yo̧ji̧ri̧ judio pio ji̧ri̧. Ado Jechurë chjadüa̧ judiro̧ ta̧rëchea oa, jabechji̧ a̧doparea̧ jo̧ tjo dairäpȩmo̧ chjadüa̧dejȩrȩ judiro̧ goadi ni̧bä chjaopea̧ oa pio ji̧ri̧ chjiari. Ado judiro̧ go̧düa̧ duri oa, ja̧di ta̧rëri̧ yo̧mȩrȩ tuti chi̧dëearëremȩdejȩrȩ: —Danȩrȩ ca̧ oti̧, Icharai pio judiri ja̧ maea oa ni̧bä chjaorequededibe —yo̧a̧dejȩrȩ—. Jabo danȩrȩ, quëna̧chji̧vä. Pio jiro oari pio ji̧ri̧iäpȩmo̧ oëra̧ japadëchji̧jȩrȩ.