Lucas 13:7 - Biblia Pume

⁷ Ja̧dëa ji̧ tjarari̧ ui chjätä ëte, yo̧a̧dejȩ jibëa̧ mu̧i̧tjoi̧ oa, jibëa̧ tjado oa jidamȩ pio ju̧i̧: "Danȩ, tuti dejo̧ȩ to oa. Jurarea̧ yürüdë madique. Jabechji̧ igo jurarea̧ cja̧rȩmȩ oa yürüdë madique. Jabechji̧ dejo̧ȩ. Ado cja̧rȩmo̧ to oa ano̧ mire cji̧däpea̧de pio jiro torë cjiarërea̧räpȩ. Jabechji̧ cüdë ado cja̧rȩmo̧ to pio ju̧i̧iä chjadëri̧ juratärea̧ ji̧, jurarea̧ goae oa ado cja̧rȩmo̧ to pio ju̧i̧iä täatärea̧ ji̧, cjäri̧ madique, pio yodë to üdë badëri̧ cjiade" yo̧a̧dejȩ.

Lucas 13:7 Iomraidhean Croise

Go̧dürea̧ Ma̧ȩ 32:10

Pio ju̧i̧iä chja jabechji̧, ja̧bo tänȩparequedejȩrȩ ütëbodärä oa. Ca̧ ërecjia̧ üdë pio ji̧ri̧iäpȩmo̧ acji cjatäpadejȩrȩ chjaodëri̧ yuroparea̧mi̧ dari̧. Pio mȩamo̧ ja̧bo tänȩdëparequedemȩ. Pio mȩa ano̧ mire mitëparequedemȩ na̧ea̧ri ja̧ji̧ri̧ pio ji̧ri̧bo. Ado no̧i̧dë tjamo̧parȩparequedejȩrȩ. Ado yaba̧ cüdë icharaita ji̧ri̧ japachea oa tuti yo̧dëcoe. Jabo cjiavä —yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi, ana̧ri̧ jo̧rȩtamȩrȩ.

Da̧de 4:14

Ado jibëa̧ jadü ji̧ri̧, a̧dëriji̧ri̧ mu̧i̧tjoi̧ pio ji̧ri̧ goae tarari̧ ëna̧diämȩ oa ta̧rërämi̧ cjiaremȩrecone, ja̧di ta̧rëri̧ yo̧mȩ oa: "To boi̧dë oa tuti dechji̧jo̧ȩ!" yo̧a̧dejȩrȩ. "Ado a̧ chjö̧na̧i̧ oa tuti depea̧de peaja̧di. Ado pjö̧da decjiape bagari̧ tuti gu̧na̧chji̧vä peaja̧di. Ado jurarea̧remȩ chjö̧na̧i̧ oa oëra̧ti̧ oa cjatäri̧ aeno̧chji̧jo̧ȩ. Ado to chja̧oerä a̧rȩreji̧ri̧ pio ji̧ri̧ jaepe ma̧ȩchji̧jȩrȩ chirirä cjo̧ro̧ji̧ri̧ pio ji̧ri̧. Ado pua ji̧ri̧, a̧räreji̧ri̧ pio ji̧ri̧ jaepe ma̧ȩchji̧jȩrȩ peaja̧di.

Mateo 7:19

Tjamo̧ davä. Ütërë ea jana̧ chjadüa̧ oa ni̧bäcji̧ quëna̧ ni̧bäji̧ri̧ pio judiro̧ teracabari̧ a̧ra̧ano̧dirȩ. Jabo danȩrȩ, ‘pio judiro̧ tjamo̧diro̧da’ quëna̧ dabarea̧ dapanȩrȩ davä, judiro̧ japea̧ pio ju̧i̧iä, judiro̧ jibëa̧ jurarea̧ chjadëdëmi̧ da oa na̧rȩriä cjo̧ro̧a̧ oaiä. Tjamo̧ davä. To chjadëdëmi̧ dadirȩ oëra̧ a̧ra̧ano̧ji̧ri̧ judiro̧. Jurarea̧ chjadë oa chiadëmȩ tomi̧ dadirȩ pio judiro̧. Ado eami̧ to üdë jurarea̧ chjadë oa chiadërä judi, jabechji̧ tuti depea̧de. Cjo̧dëräpȩ aeno̧pea̧de ⁠—⁠yo̧rëremȩdejȩrȩ Jechu judi.

Lucas 13:8

Jabo tjado jidamȩ judi pio ju̧i̧ ta̧rëa̧ oaiä, dëbë yo̧a̧dejȩ: "Danȩ ano̧mȩ, jabë jëreeadëjo̧ȩ. Jabë cja̧rȩmȩ ui codë oa chjätä tänȩjo̧ȩ pio jiro to oa. Ado pio cüdë chjadëri̧ jidapareconȩ. Jabechji̧ to yuroti̧ oa chjadëri̧ cabëpa ëte, tüdüpareconȩ. Ado ja̧dëa ji̧ dabu oa ara̧ mirepareconȩ. Jabechji̧ jurarea̧ oa chjadëri̧ yürürea̧mi̧ dari̧ jidapareconȩ chjadëri̧.

Lucas 3:9

Jabechji̧ pio dibëiäpȩmo̧ acji cjatäpamȩ bape chjaorea̧ üdë jibëmi̧ dade. Ado pio jiro jibëmi̧ da üdë chjaodëri̧ acji cjatäpai̧ dadidibe davä pio yaba̧. Jabechji̧ teracaba tomi̧ da pio ju̧i̧ chjaodëri̧ tuti de ano̧mi̧ dari̧ cjiapea̧ oa, jurarea̧ chiadëmȩ tomi̧ da pio ju̧i̧ tuti de ano̧mi̧ dari̧ cjiapea̧ oa, acji cjatäpai̧ dadidibe Ütë ja̧ ërecjiarea̧ üdë chjaodëri̧. Ado dea̧ duri oa, jabechji̧ cjo̧dëra̧ acjürüpea̧de —yo̧mȩrȩ ni̧bä chjaorëremȩdejȩrȩ Juan judi pumȩ ji̧ri̧iäpȩmo̧.

Juan 15:2

Ado eami̧ a̧ üdë jurarea̧ chiadërä judi, jabechji̧ tuti dedejȩ. Jabo jurarea̧ chiamȩ a̧ pio ju̧i̧ chjadëri̧ jidadejȩ. Chjadëri̧ jëdano̧dejȩ chjacjiamȩri̧ cjiapea̧ oa, ji̧dë u̧i̧ ji̧ra̧ oa chiapea̧ oa. Pio ju̧i̧iä oëra̧ baämȩ a̧ bori̧ pio ji̧ri̧ ütara̧mi̧ tuti dedejȩrȩ, to üdë coëmape bagapea̧ oa, a̧dë chjäte ji̧ra̧ri̧ chiape jäpea̧ oa.

Juan 15:6

Pio coaiä cjo̧ro̧dëmȩ judi, pio coaiä cjiadiädëmȩ judi, jabechji̧ yarëa̧ oa cjiamȩ a̧mi̧ dade. Ado chjaodëri̧ gaüpe jämi̧ dari̧ cjiade. Ado tjado ana̧mȩ judi ¿tjana̧ japadejȩ gaüpea̧mȩ a̧ oa? Tjana̧dë, a̧dopa ëte cäadejȩ. Jabechji̧ jurarea̧ oa chiarea̧mi̧dë tara caädejȩ.