Lucas 13:4 - Biblia Pume

⁴ Ado danȩrȩ, peaja̧di ja̧borëreji̧ri̧dirȩ pumȩ judiro̧ Jerucharȩräpȩ ju̧ri̧. Jabechji̧ Chiroe quȩmȩ tja yuroro cjiamȩ bë ana̧ üdë cjätäa̧ ji̧, uë tjamo̧ cjiamȩ bë üdë cjatäa̧ ji̧, pumȩ pio ji̧ri̧ acji cjatärëremȩdejȩrȩ. Aja̧, 18 pumȩrea̧ ja̧borëreji̧ri̧dirȩ. ¿Ado danȩrȩ, yö̧ta dari̧ jo̧rȩtatäreji̧ri̧rea̧rȩ pio ji̧ri̧ chjiari? ¿Jerucharȩräpȩ cjo̧ro̧ji̧ri̧ pio ji̧ri̧iä ji̧dë u̧i̧ chjai̧dëri̧ cjo̧ro̧rëreji̧ri̧dirȩ? Ado judiro̧ o ji̧ri̧iä ji̧dë u̧i̧ chjai̧dëri̧ cjo̧ro̧a̧ oaiä 'ja̧boa̧diro̧da' ¿quëna̧pea̧?

Lucas 13:4 Iomraidhean Croise

Jobo Ma̧ȩ 1:19

Jabo cjäri̧ madejȩrȩ, a̧dë chjäte ma̧i̧ dari̧ pupuripamȩ üdë chiri maeari pio judiri acji go̧düdäräa̧dejȩrȩ. Jo̧ pio ju̧i̧ badëri̧ are ia oaiä, chjaodëri̧ acji cjatäa̧dejȩrȩ na̧ u̧ri̧ ütëbo oa. Quȩ ma cjiari̧ cjiadiäa̧dirȩ. Jiro decjiapea̧dirȩ. Pio cüdëmo̧rȩ cjiadiäa̧mȩrȩ ma̧ȩ yürera̧pea̧requedemȩ —yo̧a̧dejȩ.

Mateo 18:24

Ado pio ju̧i̧iä a̧dopea̧dejȩrȩ. Jabechji̧ jënȩ chamȩ ja̧ dëbëräpȩ ano̧ mire cjiadärä tänȩrëremȩdejȩrȩ pio jȩaiä irä ta̧rëpea̧ oa. Ado cja̧rȩmo̧ judi tjamo̧ri̧ bacjiarëremȩde chëre ji̧ra̧ tjamo̧ oa, a̧dë chjäte ji̧ra̧ tjamo̧ oa. Ütararea̧mi̧dëri̧ bacjiarëremȩdejȩ millones ji̧ra̧ oa.

Mateo 6:12

Ado a̧ro̧rȩ chjai̧dëri̧ japea̧ pio ju̧i̧ duridëparȩibe Ama̧i̧. Ado pio ibëiäpȩmo̧ chjai̧dëri̧ japea̧ji̧ri̧ pio ji̧ri̧ chjadëri̧ duridëparȩmi̧ dari̧ japapea̧ oa peaja̧di a̧doibe.

Lucas 11:4

Ado a̧ro̧rȩ chjai̧dëri̧ japea̧ pio ju̧i̧ duridëparȩmi̧ dari̧ japaibe Ama̧i̧. Aja̧, a̧ro̧rȩ pio ibëiäpȩmo̧ chjai̧dëri̧ japea̧ji̧ri̧ pio ji̧ri̧ duridëparȩmi̧ dari̧ japaibe peaja̧di. Ado chjadëri̧ tuti japaibe Ama̧i̧, a̧ro̧rȩ ma̧i̧ da chjai̧dë oa chjätärä oëra̧diä jo̧rȩtachea oa. Aja̧ Ama̧i̧, ja̧di ta̧rëri̧ yo̧mȩrȩ ni̧bärequedemȩ. Ja̧ditäde." Aja̧ ca̧ pumȩ, ja̧di ta̧rëri̧ ni̧bätäreji̧ri̧renȩro̧jo̧ȩ Ütë tjamo̧ pio ju̧i̧iäpȩmo̧ —yo̧mȩrȩ ni̧bä chjaorëremȩdejȩrȩ Jechu judi.

Lucas 13:3

Jabo cjäri̧ madirȩ —yo̧a̧dejȩrȩ Jechu judi—. Jibëa̧ pumȩ pio ji̧ri̧iä ji̧dë u̧i̧ chjai̧dëri̧ cjo̧ro̧dërëreji̧ri̧dirȩ. Jabechji̧ Garirearäpȩ cjo̧ro̧ji̧ri̧ pio judiro̧ cja̧rȩmȩ chjai̧dë chia maeadirȩ Ütë tjamo̧ pio ju̧i̧iä. Ado peaja̧dinȩrȩ mȩnȩro̧. Peaja̧di pio jiro chjai̧dë maea oa chia maeanȩrȩ. Ado pio ju̧i̧iä pio mȩnȩro̧ ano̧ mire jo̧rȩtadërä judi, peaja̧di bucho ana̧ aeno̧a̧ oa cjiapanȩrȩ —yo̧a̧dejȩrȩ—.

Lucas 13:5

Jabo cjäri̧ madirȩ ca̧ pumȩ. O ji̧ri̧iä ji̧dë u̧i̧ chjai̧dëri̧ cjo̧ro̧dërëreji̧ri̧dirȩ. Jabechji̧ pumȩ judiro̧ ütëborë cja̧rȩmȩ chjai̧dë maea oa chia maeadirȩ Ütë tjamo̧ pio ju̧i̧iä. Ado pio mȩnȩro̧ peaja̧di ano̧ mire jo̧rȩtadërä judi, peaja̧di bucho ana̧ aeno̧a̧ oa cjiapanȩrȩ —yo̧mȩrȩ ni̧bä chjaorëremȩdejȩrȩ Jechu judi.

Juan 9:11

Ado dëbë yo̧mȩrȩ yo̧a̧dejȩrȩ: —Yö̧ta dari̧dë, jabechji̧ Jechu quȩmȩ pio judi chjaparȩa̧dique —yo̧a̧dejȩrȩ—. Cjarara̧ japa ëte, joa̧dique ca̧ dacho oa. Ado ja̧di dari̧ japa ëte, ca̧ dacho oa joe jätä yo̧a̧dique Chiroȩ quȩmȩ tjaräpȩ. Ado joa̧ ji̧, jabechji̧ chjaodëri̧ damȩpea̧requede dadërërea̧ ji̧. Chjaodëri̧ chjapea̧ oa cjiadiäa̧requede —yo̧a̧dejȩrȩ.

Juan 9:7

Ado ja̧dëa ji̧ yo̧a̧dejȩ: —Jävä. Chiroe quȩmȩ tjaräpȩ jätä earequedemȩ na̧ dacho pio ju̧i̧ joapea̧ oa. Ado ‘Chiroȩ’ quȩmȩ yo̧a̧ ji̧, ‘chjadüa̧’ yo̧rea̧de. Ado Jechu judi yo̧a̧ oaiä, järëremȩde dacho oa chjadëri̧ joapea̧ oa. Ado tjaräpȩ joa̧ oaiä jabechji̧ chjaodëri̧ damȩpea̧de dadërërea̧ ji̧. Ado chjadëri̧ damȩrȩ go̧düna̧ra̧de ado chjereno̧ Jechu pio ju̧i̧iäpȩ.

Japarea̧ 28:4

Ado ju̧ri̧pȩ cjo̧ro̧ji̧ri̧ judiro̧ ma̧i̧ da ë chiamȩ po pio ju̧i̧ daea̧ oaiä, Pablo ja̧ ichiri baramȩ oa daea̧ oaiä, jibëa̧ dëbëti̧ra̧ chia ni̧bä chjaoji̧ri̧pea̧dirȩ ja̧di ta̧rëri̧ yo̧ji̧ri̧rȩ: “Aja̧, pio yodëje ma̧i̧ da chjai̧dë oa japea̧ jirodida, ado cja̧rȩmo̧ pumȩ oa ja̧bo tänȩa̧ jirodiji̧da, ado ui ana̧räpȩ jemu̧i̧ ja̧botärea̧ ji̧ ja̧bodëa̧dida, jabo goadirea̧ dadëdida, cjo̧ro̧rea̧ dadëpadida, jabechji̧ jënȩ chjai̧dë oa japea̧ ba oa bape chjaoa̧ oa cjiapea̧ chiadida, ado pio ju̧i̧iä porë jui ja̧bo tänȩa̧ oaiä bape chjaoa̧ oa cjiapadida' quëna̧ jo̧rȩtaji̧ri̧rȩ ni̧bä chjaorëreji̧ri̧dirȩ jibëa̧ dëbëti̧ra̧ chia.