Lucas 12:6 - Biblia Pume

⁶ Ado Jechu judi ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧rëremȩdejȩrȩ: —Danȩrȩ, pumȩ pio judiro̧, dëdë, ja̧bo tänȩpai̧ dadiro̧dibe jabo Ütë tjamo̧ judi yürüa̧rämo̧ japarea̧ datäreji̧ri̧diro̧dibe. Jabechji̧ chjö̧na̧i̧ oa ütarë daba damȩde. Ado pua pio ji̧ri̧ chjiaribo dabade. Ba chiadëräbo dabade. Danȩrȩ, yo̧a̧ri̧ chëre bori̧ra̧ cja̧rȩichimo̧ pua bori̧ gatërea̧mi̧ dade. Jabo pio jiro pua üdë ba chiadëräbo, jabechji̧ Ütë tjamo̧ ja̧ dachoro cjo̧ro̧de. Ado a̧dë jo̧rȩtadë madejȩ ji̧dëri̧.

Lucas 12:6 Iomraidhean Croise

Mateo 10:29

Danȩrȩ, pumȩ pio judiro̧, dëdë, ja̧bo tänȩpai̧ dadiro̧dibe, jabo Ütë tjamo̧ pio judi japarea̧ yürüa̧rämo̧ ja̧bo tänȩrea̧ datäreji̧ri̧diro̧dibe. Jabechji̧ chjö̧na̧i̧ oa ütarë daba damȩde. Ado pua pio ji̧ri̧ chjiaribo dabade. Ba chiadëräbo dabamȩde. Danȩrȩ, cja̧rȩmȩ chëre boi̧chji̧rä yo̧a̧ri̧ pua bori̧ gatërea̧mi̧ dade. Jabo pio jiro pua üdë ba chiadëräbo, jabechji̧ Ütë tjamo̧ ja̧ dachoro cjo̧ro̧de. Ado teracabari̧ cjatä ëte ja̧bodëpade. Jabechji̧ ibëa̧ Ama̧i̧ pio judi ütarami̧ ja̧bopade.

Marcos 12:42

Ja̧dëa ji̧ üi̧ chiarëreyi̧ iei̧ jini̧, chjö̧na̧i̧ti̧ oa cjäri̧ ja̧boyi̧ iei̧ pio jini̧ peaja̧di jäa̧nȩ chëre yürürea̧ joëräpȩ. Ado yo̧a̧ri̧ chëre bori̧ maea oa yürüa̧nȩ ba chia tjamo̧dë oa, jabëtari̧mi̧ oa.

Lucas 12:24

Danȩrȩ, ütarë jo̧rȩtachji̧vä uëräpȩ cjo̧ro̧ji̧ri̧ pua pio ji̧ri̧ —yo̧a̧dejȩrȩ—. Jabechji̧ bücjüri̧ cjiadë madirȩ jibëa̧ jurarea̧ pio ju̧i̧ chjiari. Ado jibëa̧ tjado oa ja̧beparea̧ goadë madirȩ. Ado jibëa̧ jurarea̧ pio ju̧i̧ boaerea̧ jo̧ ana̧rä boea̧ oa juradë madirȩ. Jabo ja̧di dari̧ japadëräbo, jabechji̧ jurariä cjo̧ro̧dirȩ. Jabechji̧ Ütë tjamo̧ pio judi chjadëri̧ jidadejȩrȩ. Ado pio ju̧i̧iä iëno̧ë ta̧rërequededibe —yo̧a̧dejȩrȩ—. Danȩrȩ, ¿pua pio ji̧ri̧iä ji̧dë u̧i̧ ba chiadënȩrȩ? Dëdënȩrȩ, ji̧dë u̧i̧ ba chianȩrȩ. Ado pua pio ji̧ri̧iä ji̧dë ui̧ ba chia oaiä, jabechji̧ jidë u̧i̧ chjadëri̧ jidapadidibe.

Lucas 12:27

Ado ji̧dë u̧i̧ yo̧mȩrȩ a̧de yo̧a̧dejȩrȩ: —Ado pio ju̧i̧iä iëno̧ë ta̧rërequededibe. ¿Tjana̧ ju̧i̧iä bücjüri̧ cjianȩrȩ mȩnȩro̧ chjadëri̧ ina̧pea̧ pio ju̧i̧ chjiari? Danȩrȩ, ütarë dachji̧jo̧ȩ chiri tjoräpȩ cjiamȩ to chjuchju pio ju̧i̧ —yo̧a̧dejȩrȩ—. Jabechji̧ cjitëde. Ado jibëa̧ ina̧rea̧ oa jëdano̧dëräbo, jabechji̧ chjacjiamȩrȩ cjitëde. Ina̧ oa cjiadëmȩborë chjacjiamȩde. Jabechji̧ Charomo̧ quȩmȩ ütë pio ju̧i̧iä ji̧dë u̧i̧ chjacjiamȩde chjuchju üdë. Tjamo̧i̧ cjiari̧ yo̧requededibe —yo̧a̧dejȩrȩ—. Charomo̧ judi jibëa̧ chjibo ba chia tjamo̧ oa, chjacjiamȩ tjamo̧ oa ina̧ oa cjiamȩborë, jabechji̧ nötadërëremȩde to chjuchju pio ju̧i̧. Jabechji̧ Charomo̧ pio ju̧i̧iä ji̧dë u̧i̧ chjacjiamȩ tjamo̧ri̧ cjiade chjuchju üdë. Jabechji̧ a̧dë chjäte chjacjiamȩri̧ na̧rȩde.