Lucas 12:4 - Biblia Pume

⁴ Ado Jechu judi ji̧dë u̧i̧ ni̧bä chjaorëremȩdejȩrȩ jibëa̧ jadü ji̧ri̧: —Danȩrȩ ca̧ jadü, uapadëchji̧vä —yo̧a̧dejȩrȩ—. Dibëa̧ icjara oa ja̧bo tänȩpai̧ daji̧ri̧ pio ji̧ri̧ uapadëchji̧vä. Jabechji̧ dibëa̧ icjara pio ju̧i̧mo̧i̧ ja̧bo tänȩpai̧ dadiro̧jo̧ȩ. Jabo dibëa̧ tjo pio ju̧i̧, cjäri̧ madiro̧jo̧ȩ, ja̧bo tänȩrea̧mi̧dëdiro̧jo̧ȩ. Dibëa̧ tjo oa cjo̧dë tja ana̧räpȩmo̧ aeno̧rea̧mi̧dëdiro̧jo̧ȩ. Ja̧di dari̧ japarea̧ dadë madiro̧dibe. Pio ju̧i̧iä uapadëchji̧jȩrȩ —yo̧a̧dejȩrȩ—.

Lucas 12:4 Iomraidhean Croise

Mateo 10:28

Ado Jechu judi ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ jibëa̧ jadü ji̧ri̧: ⁠—⁠Danȩrȩ ca̧ jadü, uapadëchji̧vä ⁠—⁠yo̧a̧dejȩrȩ⁠—⁠. Dibëa̧ icjara oa ja̧bo tänȩpai̧ daji̧ri̧ pio ji̧ri̧ uapadëchji̧vä. Dibëa̧ tjo pio ju̧i̧, cjäri̧ madiro̧jo̧ȩ, ja̧bo tänȩrea̧mi̧dëdiro̧jo̧ȩ. Dibëa̧ tjo oa cjo̧dë tja ana̧räpȩmo̧ aeno̧rea̧mi̧dëdiro̧jo̧ȩ. Pio ju̧i̧iä uapadëchji̧jȩrȩ ⁠—⁠yo̧a̧dejȩrȩ⁠—⁠. Danȩrȩ ca̧ pumȩ, pio dibë goëdëri̧ cjiaji̧ri̧ pio ji̧ri̧ uapadëchji̧jȩrȩ, jabo Ütë tjamo̧ pio ju̧i̧iäpȩmo̧ ma uapariä cjo̧ro̧täreji̧ri̧nȩrȩ ji̧dëri̧. Aja̧, aeno̧rea̧ chiamȩ pio ju̧i̧mo̧i̧ uapariä cjo̧ro̧täreji̧ri̧renȩro̧jo̧ȩ. Tjamo̧ davä. Dibëa̧ icjara oa, dibëa̧ tjobo cjo̧dë tja ana̧räpȩmo̧ aeno̧rea̧ chiamȩ pio ju̧i̧mo̧i̧ uapaji̧ri̧rȩ jo̧rȩtariä cjo̧ro̧täreji̧ri̧renȩro̧jo̧ȩ ⁠—⁠yo̧a̧dejȩrȩ⁠—⁠.

Juan 15:13

Ado eami̧ pumȩ üdë jibëa̧ jadü pio ju̧i̧ chjiari ano̧ mire ja̧borä judi, jibëa̧ icjara oa ano̧ mire ja̧bopea̧ oa yürürä judi, jabechji̧ a̧dë chjäte ana̧ri̧ earea̧ra̧ cjo̧ro̧de. Jabechji̧ ado cja̧rȩmo̧rȩ nö̧tarea̧mi̧dëri̧ eamȩrȩ yürüde —yo̧a̧dejȩrȩ—.

Japarea̧ 20:24

Jabo pio coa conȩdarä judi jabechji̧de coaiä. Jabechji̧ pio yoa chiri oa cjo̧ro̧pea̧ ji̧ tjamo̧ri̧ ba chia jo̧rȩtadërequede jabo Ano̧mȩ Jechu judi coa yürüa̧ ja̧beparea̧ pio ju̧i̧ ja̧bepadäräpea̧ pio ju̧i̧, dëdë, ba chia tjamo̧ri̧ jo̧rȩtarequede. Jabechji̧ Jechu pio ju̧i̧ nö̧tadäräri̧ ta̧rëdiätämi̧ cjiareconȩ nȩmo̧diämȩmi̧ dari̧ japarea̧ decjiari̧. Jabechji̧ Ütë tjamo̧ judi tuti yürürërea̧ pio ju̧i̧ chjiari, pio judirimȩ marë cjäri̧ri̧ cjiamȩrȩ tuti yürüa̧ pio ju̧i̧ chjiari chjadëri̧ a̧ra̧ano̧tämi̧ cjiarequede ma̧ȩ chjadëi̧ pio ju̧i̧ —yo̧a̧dejȩrȩ.

Japarea̧ 4:13

Ado judiorë tjamo̧ yo̧ji̧ri̧ pio judiro̧ ana̧ tjamo̧ri̧ jo̧rȩtaji̧ri̧rȩ darëreji̧ri̧diro̧jȩrȩ Pedro ju̧i̧, Juan ju̧i̧. 'Chia chia, uapadëji̧ri̧rȩ dëbë yo̧diro̧ibëda, Ütë tjamo̧ ja̧ ma̧ȩ oa dabaparea̧ jo̧räpȩ jädiädëa̧räbo goae tarari̧ ni̧bärea̧ chiadiro̧da, jabomo̧ pumȩ ba chiadëji̧ri̧borë dëbë yo̧rea̧ chiadiro̧da, ¿tjana̧ ju̧i̧iä uapadëji̧ri̧rȩ dëbë yo̧diro̧ibëda' quëna̧ jo̧rȩtaji̧ri̧rȩ gürü toboe cjia dae chjaorëreji̧ri̧diro̧jȩrȩ, ana̧ri̧ jo̧rȩtaji̧ri̧rȩ. Ado 'Jechu ja̧ jadüdiro̧da, Jechu pio ju̧i̧ nö̧ta tai̧ chjaorëreji̧ri̧ pio judiro̧diro̧da' quëna̧ jo̧rȩtaji̧ri̧pea̧dirȩ.

Pjiripo Ma̧ȩ 1:28

Ado danȩrȩ, pio dibë dëbëpe chjaomi̧ dari̧ japaji̧ri̧ pio ji̧ri̧iä uapadë machji̧vä. Jabechji̧ uapadëchji̧vä, jabo oëadëri̧ cjiaji̧ri̧rȩ cjo̧ro̧chji̧vä. Ado judiro̧ dibë ja̧di dari̧ na̧rȩriä cjo̧ro̧ji̧ri̧ oa daea̧ oaiä, jabechji̧ ana̧ri̧ jo̧rȩtapadirȩ. 'Aja̧, Ütë tjamo̧ judi bape chjaopadiibëda, jabo pio ji̧ri̧ chjätä tänȩpadiji̧ri̧da, chjadëri̧ a̧dodiji̧ri̧da' quëna̧ jo̧rȩtaji̧ri̧rȩ dapadiro̧dibe.

Santiago Ma̧ȩ 2:23

Ado pio ju̧i̧iä jabechji̧, Ütë tjamo̧ judi jabechji̧parȩrëremȩdejȩ. Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Judi quëna̧rërea̧ oaiä jabechji̧parȩrëremȩdejȩ. Ado pio ju̧i̧ uëri ja̧di ta̧rëri̧ yo̧rëremȩde Ütë tjamo̧ judi Abaraa̧rea̧ pio ju̧i̧ chjiari: “Aja̧, Abaraa̧ judi ca̧ jadüde” yo̧rëremȩde.

Pedro Ma̧ȩ 1 3:14

Jabo mȩnȩro̧ coëma cjiari̧ cjo̧ro̧a̧räbo gitoi̧ dari̧ tara tänȩa̧ oa cjiarä judi, jabechji̧ chjadëri̧ ba ano̧padidibe Ütë tjamo̧ judi. Ado pio ju̧i̧iä jabechji̧, ji̧dë ma chjadëri̧ japachji̧jȩrȩ pio dibëiäpȩmo̧ gitoi̧ dari̧ tara tänȩji̧ri̧ pio ji̧ri̧. Jabechji̧ uapadëchji̧jȩrȩ. Ado bücjüri̧ cjiadëchji̧vä pio ji̧ri̧ chjiari, jabo chjadëri̧ japachji̧jȩrȩ judiro̧ pio dibëiäpȩmo̧ chjai̧dëri̧ japea̧ ba oa.

Jechurë Na̧rȩrërea̧ Ma̧ȩ 2:10

Jabo uapadëchji̧vä jabo. Mȩnȩro̧ chjai̧dëri̧ chjätäpea̧ pio ju̧i̧ chjiari uapadëchji̧vä. Danȩrȩ, chaäa̧ oa cjiapanȩrȩ orë. Aja̧, Ichiae pio judi tänȩa̧ oa chaärea̧ bëräpȩ tutia̧ oa cjiapanȩrȩ o judiro̧. Ado tutia̧ oa cjia oaiä, jabechji̧ ütara̧ oa cjiapanȩrȩ. Ado ichi chjö̧na̧i̧ do nö̧ta oa chjai̧dëri̧ chjätäpanȩrȩ. Jabo uapadëchji̧vä. Pio dibë ja̧bo tänȩräbo, jabechji̧ chjuari̧ quëna̧chji̧vä pio coaiäpȩmo̧, quëna̧rea̧mi̧dëräbo. Ado mȩnȩro̧ chjadëri̧ boadäräa̧ oaiä, jabechji̧, yürüparequededibe bucho ana̧ cjo̧ro̧rea̧ pio ju̧i̧.