Lucas 12:3 - Biblia Pume

³ Jabechji̧ mȩnȩro̧ bagönȩrä goadi yo̧rërea̧ ma̧ȩ pio judi, jabechji̧ ta̧rëa̧ oa cjiapade tatarä. Ado a̧ro̧rȩ chjuari̧ tuti cara̧ oa cjia̧ jo̧ tjoräpȩ ju̧ri̧ garügarü ni̧bärërea̧ pio judi, jabechji̧ goae tarari̧ ëna̧diäa̧ oa cjiapade bë dairäpȩ ju̧ri̧, ütëbodärärë chjadëri̧ dabarea̧mi̧ dari̧ —yo̧a̧dejȩrȩ.

Lucas 12:3 Iomraidhean Croise

Mateo 10:27

Ado pio ju̧i̧iä yo̧requededibe ⁠—⁠yo̧a̧dejȩrȩ⁠—⁠. Danȩrȩ, cüdë pio dibëmo̧ goadi yo̧rërea̧ pio ju̧i̧, jabechji̧ chjadë maearä cjiami̧ dari̧ a̧ra̧ano̧chji̧jo̧ȩ. Ado cüdë pio dibëiäpȩmo̧ garügarü ni̧bärërea̧ pio ju̧i̧, peaja̧di goae tarari̧ ëna̧diäji̧ri̧rȩ a̧ra̧ano̧chji̧jo̧ȩ bë dairäpȩ ju̧ri̧, ütëbodärärë chjadëri̧ ta̧rërea̧mi̧ dari̧ ⁠—⁠yo̧a̧dejȩrȩ.

Mateo 12:36

Danȩrȩ ca̧ pumȩ, chjadëri̧ jo̧rȩtachji̧vä cüdë dibë yo̧a̧ pio ju̧i̧ ⁠—⁠yo̧a̧dejȩrȩ⁠—⁠. Mȩnȩro̧ eami̧ ma̧ȩ teracaba oa ni̧bäa̧ ba oa, eami̧ ma̧ȩ chjai̧dë oa ni̧bäa̧ ba oa, jabechji̧ bape chjaorea̧ doro ütara̧ oa cjiapanȩrȩ. Pio ju̧i̧iä teracabari̧ ni̧bädëtäreji̧ri̧nȩrȩ.

Mateo 24:17

Ado eami̧ pumȩ üdë a̧dë chjäte chjai̧dë pumȩ pio ju̧i̧ chjiari goë ta̧rërä judi, jibëa̧ jo̧ dairäpȩ cjiamȩrȩ goë ta̧rërä judi, jabechji̧ jibëa̧ jo̧ tjoräpȩmo̧ yu̧a̧dëtäremȩde. Ado jibëa̧ goë oa mitëno̧pea̧ oa peaja̧di yu̧a̧dëtäremȩde, jabo jabechji̧ goae tarari̧ baguramȩrȩ bagureno̧täremȩde ya̧mi̧räpȩmo̧.