Lucas 11:7 - Biblia Pume

⁷ danȩ, ja̧di ta̧rëri̧ dëbë yo̧pai̧ da jirodimȩ dibëa̧ jadü üdë: "Jabo cjäri̧ ma, tja̧rȩparȩdëcoe. Jabechji̧ cjo̧dëno̧dëcoe" yo̧pai̧ da jirodimȩ. "Jabechji̧ tuti cararea̧ joë ya üdë chjuari̧ tutia̧ oa cjiade. Ado ca̧ pumȩ pio ji̧ri̧ nö̧ta cjiarequede mo̧a̧rea̧ jo̧ tjoräpȩ, ado pio ju̧i̧iä a̧dorea̧mi̧dërequedemȩ" yo̧pai̧ da jirodimȩ.

Lucas 11:7 Iomraidhean Croise

Mateo 25:10

Ado pio ju̧i̧ ta̧rëa̧ oaiä, gatepea̧ni̧rȩ pio jiro ivi jini̧ro̧. Jabo cjäri̧ mani̧rȩ, jini̧ro̧ gatepea̧ jäa̧ cjararä, go̧düdärärëremȩde iei̧ ëbapamȩ judi. Ado pio ju̧i̧ jidatarejiri̧ pio judiro̧ ütëborë ëba yu̧a̧rëreji̧ri̧diro̧jo̧ȩ a̧doparea̧ jo̧ tjoräpȩmo̧, airi̧ cjia airi̧ cjia a̧doparea̧ jo̧ tjoräpȩmo̧. Ado ivi pëi̧ chja cja̧rȩichimo̧rȩ peaja̧di ëba yu̧a̧rëreji̧ri̧ni̧ro̧jo̧ȩ. Ado ütëborë yu̧a̧däräa̧rä, chjuari̧ tuti cararëreji̧ri̧diro̧jo̧ȩ joë ya pio ju̧i̧.

Lucas 11:6

"Aja̧, ca̧ omȩ üdë pea goëdaera̧pea̧dique jabo cjäri̧ marequede, eami̧ jurarea̧ oa goadërequede pio ju̧i̧ ëba jurapea̧ oa" yo̧rä judi,

Lucas 11:8

Jabo tjamo̧ri̧ yo̧requededibe —yo̧a̧dejȩrȩ Jechu judi—. Jabechji̧ judi a̧dëri̧ cjiaräbo, pio jȩaiä cjo̧dëmȩ pio ju̧i̧ a̧dodëri̧ cjiaräbo, jabechji̧ yürüpai̧ dadejȩ ji̧dë ma cjo̧dëa̧ oaiä. Aja̧, joë ya oa tao tao eari̧ ji̧dë ma gu̧na̧ gu̧na̧ cjia̧ oaiä, dëdë, cjitëpade davä pio jȩaiä cjo̧dëmȩ pio ju̧i̧ a̧dopea̧ oa. Tjamo̧ davä. Judi yürüdëa̧ oaiä idëri̧ cjiamȩrȩ cjiadiächea oa, jabechji̧ yürüpadejȩ.

Lucas 13:25

Danȩrȩ, bë ana̧mȩ judi joë ya oa chjuari̧ tuti cara̧ oaiä, jabechji̧ yu̧a̧rea̧mi̧dëpea̧de. Ado mȩnȩro̧ orë dairäpȩ tutia̧ oa cjiapanȩrȩ joë ya oa tao tao eari̧ gu̧na̧ gu̧na̧ cjiaji̧ri̧rȩ. Ado ja̧di ta̧rëri̧ ëna̧diäji̧ri̧rȩ yo̧panȩrȩ: "Aja̧ Ano̧mȩ, chjadëri̧ areië yürüibe" yo̧pa. Jabo joë ya Ano̧mȩ pio judi dëbë yo̧padidibe: "Cjäri̧ marequededibe, tjamo̧ri̧ dabadërequededibe. 'Jabechji̧ pio judiri ma̧na̧diro̧coada' quëna̧ dabadërequededibe" yo̧pa.

Lucas 7:6

Ado Jechu judi pio ji̧ri̧iä ta̧rëa̧ oaiä, jabechji̧ pio ji̧ri̧ nö̧ta järëremȩde. Jabo judiro̧ guadia ütërë cjo̧ro̧mȩräpȩ jabë go̧düdärädëa̧rä, guadia ütë pio judi jȩnȩ ma̧ȩ chjadütea̧ pio ju̧i̧ chjiari chjaodëri̧ ano̧ mire jo̧rȩtamȩpea̧de. 'Jabechji̧ Jechu judi ca̧ bëräpȩ jana̧pea̧ chiadida quëna̧dëcuni̧da yaba̧' quëna̧ jo̧rȩtamȩpea̧de. Pio ju̧i̧iä jibëa̧ jadü ji̧ri̧, o ji̧ri̧ pio jȩaiäpȩ jana̧tä yo̧ chjadüa̧dejȩrȩ. Ado yo̧a̧dejȩrȩ: —Danȩrȩ jächji̧vä Jechu pio ju̧i̧ dëbëdiäpea̧ oa. Ado mȩnȩro̧ pio ju̧i̧ dëbëdiäa̧rä, jabechji̧ ja̧di ta̧rëri̧ yo̧chji̧jo̧ȩ: "Danȩ Ano̧mȩ, bücjüri̧ cjiadëvä ca̧ bë oa jana̧pea̧ ji̧" yo̧eji̧ri̧renȩro̧jo̧ȩ. "Jabechji̧ mȩnȩ ca̧ bëräpȩ yu̧a̧pea̧ ji̧ nö̧tadërequede.

Garata Ma̧ȩ 6:17

Ado yaba̧ pio yoamo̧i̧ ma̧ȩ oa a̧de go̧ȩparequededibe. Danȩrȩ, Ütë tjamo̧ ju̧i̧ eadëji̧ri̧ pio judiro̧ ji̧dë ma conȩdachediro̧coe Quiricho pio ju̧i̧ ja̧ oa ja̧bepamȩ oa. Jabechji̧ pio coa ma̧i̧ dari̧ japea̧ oaiä, ca̧ icjara nö̧tarë ipara chiarequede. Jabechji̧ Jechu pio ju̧i̧ ja̧ mu̧i̧tjoi̧requede. Ado judiri japadëtädiro̧coe jabo.