Lucas 10:9 - Biblia Pume

⁹ Ado danȩrȩ, gito ja̧boji̧ri̧ pio ji̧ri̧, jabechji̧ chjaparȩchji̧jȩrȩ. Ado ja̧di ta̧rëri̧ yo̧täreji̧ri̧renȩro̧jȩrȩ: "Aja̧, Ütërë yo̧a̧ chja̧oerä cjo̧ro̧pea̧ japamitë üdë ma̧na̧pea̧ ji̧ querediä tjamo̧diibe” yo̧ji̧ri̧rȩ a̧ra̧ano̧eji̧ri̧renȩro̧jȩrȩ.

Lucas 10:9 Iomraidhean Croise

Da̧de 2:44

Jabo danȩ ca̧ ütë, a̧dëräpȩ cjiamȩ Ütë pio judi ado cja̧rȩmo̧ oa ano̧ mire ütë tänȩpadejȩ, bucho ana̧ chiri ütëmȩrȩ cjo̧ro̧pamȩ pio ju̧i̧. Tjamo̧ davä. Pio jiro ütëti̧ pio judiro̧ jibëa̧ chirirä tjamo̧ yo̧ji̧ri̧rȩ cjo̧ro̧a̧ nö̧ta, pio judiro̧ chiri ütëji̧ri̧rȩ cjo̧ro̧a̧ nö̧ta, jabechji̧ a̧dëräpȩ cjiamȩ Ütë pio judi ano̧ mire ütë tänȩpadejȩ ado cja̧rȩmo̧ ütë oa, ado cja̧rȩmo̧ chiri ütë cjo̧ro̧pamȩ pio ju̧i̧. Ado chiriräpȩti̧ oa cjo̧ro̧ji̧ri̧ pio judiro̧ ütëborë pio ju̧i̧ ja̧ chja̧oerämo̧ ano̧ mire cjo̧ro̧padirȩ bucho ana̧. Jabechji̧ goarijärea̧ decjiari̧ ji̧dë ma chiri ütëmȩrȩ cjo̧ro̧pade, ado cja̧rȩmo̧ ütë üdë pio ju̧i̧ boadärärea̧mi̧dëri̧. Tjamo̧ davä. Pio ju̧i̧ boadärärea̧ dadëpadiro̧jo̧ȩ jabo pio judi chiriräpȩti̧ oa cjo̧ro̧ji̧ri̧ ütë pio ji̧ri̧ boadäräpadejȩrȩ, pio ji̧ri̧ ja̧ tjamo̧ yo̧rea̧ üdë yuroparea̧mi̧ dari̧.

Mateo 3:2

Ja̧di ta̧rëri̧ yo̧mȩrȩ a̧ra̧ano̧rëremȩdejȩrȩ: ⁠—⁠Ano̧ mire jo̧rȩtachji̧vä mȩnȩro̧ chjai̧dëri̧ japea̧ pio ju̧i̧ chjiari ⁠—⁠yo̧mȩrȩ a̧ra̧ano̧rëremȩdejȩrȩ⁠—⁠. Jabechji̧ Ütë judi yo̧a̧ chja̧oërä cjo̧ro̧pea̧ üdë ma̧na̧pea̧ ji̧ querediä tjamo̧diibe ⁠—⁠yo̧a̧dejȩrȩ.

Mateo 4:17

Ado pio judirä taruparëremȩde Jechu judi a̧ra̧ano̧pea̧ ji̧. “Ano̧ mire jo̧rȩtachji̧vä” yo̧mȩrȩ yo̧rëremȩdejȩrȩ. “Aja̧, Ütërë yo̧a̧ chja̧oerä cjo̧ro̧pea̧ üdë ma̧na̧pea̧ ji̧ querediä tjamo̧de” yo̧mȩrȩ yo̧rëremȩdejȩrȩ.

Marcos 4:30

Ado Jechu judi ado ni̧bä chjaorëremȩdejȩrȩ pumȩ buba pio ji̧ri̧iäpȩmo̧, ja̧di ta̧rëri̧ yo̧mȩrȩ: —Danȩrȩ, Ütërë yo̧a̧ chja̧oerä cjo̧ro̧pea̧ japamitë üdë ¿tjana̧mi̧ dade? ¿Tjana̧ na̧rȩrea̧ ma̧ȩmi̧ dara̧ ni̧bä chjaotäremȩrequededibe pio ju̧i̧ chjiari?

Marcos 6:13

Ado yaröca chiaji̧ri̧ pumȩ pio ji̧ri̧ chjaparȩrëreji̧ri̧diro̧jȩrȩ. Ado gito ja̧boji̧ri̧ no̧i̧dë oa chjaparȩrëreji̧ri̧diro̧jȩrȩ peaja̧di. Jabechji̧ jibëa̧ daito oa yo̧ tocoi̧mi̧ra̧ joaji̧ri̧rȩ chjaparȩrëreji̧ri̧diro̧jȩrȩ.

Lucas 10:10

Jabo danȩrȩ, eami̧ bë ma̧ri̧räpȩ cjo̧ro̧ji̧ri̧ judiro̧ pio dibë chjadëri̧ dadërä judi, pio dibë chjadëri̧ jeadërä judi, jabechji̧ a̧dë baächji̧jȩrȩ. Jabo a̧dë baäbea yaboi̧, jabechji̧ bë ma̧ri̧ tjamo̧i̧ baämȩ no̧ro cjiachji̧vä. Ado ja̧di ta̧rëri̧ yo̧chji̧jȩrȩ:

Lucas 10:11

"Danȩrȩ, mȩnȩro̧ pio ibëiä ma̧ȩ ta̧rëdëri̧ cjia tara, jabechji̧ baärea̧rȩ. Jabo baäbea yaboi̧, jabechji̧ na̧rȩrea̧ro̧dibe. Aja̧, gu̧ro tänȩrea̧ro̧jo̧ȩ dabu pjo̧no̧i̧remȩ oa ibëa̧ ta joëri pio judiri. Tjamo̧ davä. Ta joë oa gu̧në pjo̧deji̧ri̧rȩ gu̧ro tänȩrea̧ro̧jo̧ȩ dibëa̧ bë ma̧ri̧rä cjiaremȩ dabu pjo̧no̧i̧ pio ju̧i̧ pio dibë chjadëri̧ na̧rȩpea̧ oa. Jabechji̧ mȩnȩro̧ pio ju̧i̧ daea̧ oaiä, ‘Aja̧, na̧rȩdiro̧ibëda, a̧ro̧rȩ jiada̧ oaiä Ütë tjamo̧ pio judi tänȩa̧ oa bape chjaoa̧ oa cjiapaa̧ro̧da’ quëna̧ dabapea̧ oa na̧rȩrea̧ro̧dibe. Ado danȩrȩ, mȩnȩro̧ dabadëchea oa, pio yoa ma̧ȩ oa a̧de yo̧rea̧ro̧dibe. Danȩrȩ, Ütërë yo̧a̧ chja̧oerä cjo̧ro̧pea̧ japamitë üdë ma̧na̧na̧ra̧pea̧ ji̧ querediä tjamo̧diibe. Chjadëri̧ jo̧rȩtachji̧vä." Aja̧ ca̧ pumȩ, ja̧di ta̧rëri̧ yo̧ji̧ri̧rȩ yo̧parenȩro̧jȩrȩ pumȩ ji̧ri̧ judiro̧ dibë chjadëri̧ dadërä judi, judiro̧ dibë chjadëri̧ jeadërä judi.

Lucas 9:2

Aja̧, chjadüa̧dejȩrȩ Ütërë yo̧a̧ chja̧oerä cjo̧ro̧pea̧ ma̧ȩ pio ju̧i̧ chjiari a̧ra̧ano̧pea̧ oa, gito ja̧boji̧ri̧ pio ji̧ri̧ chjaparȩpea̧ oa.

Juan 3:3

Ado Jechu judi yo̧a̧dejȩ: —Tjamo̧dë yo̧dërequedemȩ, jabo tjamo̧i̧ cjiari̧ yo̧requedemȩ. Eami̧ pumȩ üdë peaja̧ mape bagari̧ ado nö̧ria̧ oa cjiadërä judi, Ütërë yo̧a̧ chja̧oerä cjo̧ro̧rea̧ dadëpade —yo̧a̧dejȩ.

Juan 3:5

Jabo Jechu judi yo̧a̧dejȩ: —Tjamo̧i̧ cjiari̧ yo̧requedemȩ. Ui oaiä ado nö̧ria̧ oa cjiadëmȩ judi, Tjo tjamo̧ pio ju̧i̧iä ado nö̧ria̧ oa cjiadëmȩ judi, jabechji̧ Ütërë yo̧a̧ chja̧oerä yu̧a̧rea̧mi̧dëde —yo̧a̧dejȩ—.

Japarea̧ 28:28

Aja̧, Ütë tjamo̧ ja̧ ma̧ȩ oa tjamo̧ri̧ quëna̧dëri̧ cjiarenȩro̧jo̧ȩ. Ado pio ju̧i̧iä pio jiro ma̧ȩ üdë, jabechji̧ judiodë pio ji̧ri̧iäpȩmo̧ ano̧ mire chjadüa̧ oa cjiade yaba̧. Tjamo̧ davä. Chjätä tänȩrea̧ ma̧ȩ üdë, Ütë tjamo̧ judi pumȩ pio ji̧ri̧iäpȩmo̧ chjätä tänȩpea̧ ma̧ȩ üdë ano̧ mire yürüa̧ oa cjiade yaba̧ judiodë pio ji̧ri̧iäpȩmo̧. Ado judiro̧ jiadadëpadiro̧jo̧ȩ jabo ta̧rë ja̧bopadiro̧jo̧ȩ quëna̧ji̧ri̧pe bagarea̧mi̧ dari̧ —yo̧mȩrȩ ni̧bä chjaodärärëremȩdejȩrȩ judio ji̧ri̧ Pablo judi.

Japarea̧ 28:31

Ado ji̧dë ma a̧ra̧ano̧rëremȩde Ütërë yo̧a̧ chja̧oerä cjo̧ro̧pea̧ pio ju̧i̧ chjiari. Ji̧dë ma a̧ra̧ano̧rëremȩde Ano̧mȩ Jechu Quiricho pio ju̧i̧ chjiari. Aja̧, uapadëmȩrȩ, oëadëmȩmi̧ dari̧ a̧ra̧ano̧rëremȩde, idëri̧ cjiadëmȩrȩ.