Lucas 10:8 - Biblia Pume

⁸ Ja̧di tara mȩnȩro̧ eami̧ bë ma̧ri̧räpȩ go̧düdäräa̧rä, pumȩ judiro̧ pio dibë chjadëri̧ jearä judi, dibë chjadëri̧ darä judi, jabechji̧ chjadëri̧ jurachji̧vä judiro̧ dibë yürüa̧ jurarea̧ pio ju̧i̧.

Lucas 10:8 Iomraidhean Croise

Mateo 10:40

Ado Jechu judi ji̧dë u̧i̧ ni̧bä chjaorëremȩdejȩrȩ: ⁠—⁠Danȩrȩ, eami̧ pumȩ üdë pio cüdëmi̧ dari̧ japarä judi, pio dibë cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjia dami̧ dari̧ jeadique. Ado eami̧ pumȩ üdë pio coa cjäri̧ri̧ cjia damȩrȩ jearä judi, pio coa chjadüa̧mȩ pio ju̧i̧bo cjäri̧ri̧ cjia dami̧ dari̧ jeadejȩ.

Lucas 10:10

Jabo danȩrȩ, eami̧ bë ma̧ri̧räpȩ cjo̧ro̧ji̧ri̧ judiro̧ pio dibë chjadëri̧ dadërä judi, pio dibë chjadëri̧ jeadërä judi, jabechji̧ a̧dë baächji̧jȩrȩ. Jabo a̧dë baäbea yaboi̧, jabechji̧ bë ma̧ri̧ tjamo̧i̧ baämȩ no̧ro cjiachji̧vä. Ado ja̧di ta̧rëri̧ yo̧chji̧jȩrȩ:

Lucas 9:48

Ado ja̧dëa ji̧ yo̧a̧dejȩrȩ: —Danȩrȩ, eami̧ pumȩ üdë pio cüdëmi̧ dari̧ japarä judi, pio yoa pumȩ boi̧chji̧ oa cjäri̧ri̧ cjiamȩrȩ jearä judi, ba chiadëmȩmi̧ damȩ pio ju̧i̧ cjäri̧ri̧ cjiamȩrȩ jearä judi, jabechji̧ pio coabo cjäri̧ri̧ cjia dami̧ dari̧ jeadique. Ado eami̧ pumȩ üdë pio coa cjäri̧ri̧ cjia damȩrȩ jearä judi, pio coa chjadüa̧mȩ pio ju̧i̧bo cjäri̧ri̧ cjia dami̧ dari̧ jeadejȩ. Tjamo̧ davä —yo̧a̧dejȩrȩ—. Pio coabo cjäri̧ri̧ cjia dami̧ dari̧ jeamȩ pio judi, ca̧ Ama̧i̧ pio ju̧i̧bo cjäri̧ri̧ cjia dami̧ dari̧ jeadejȩ. Jabechji̧ eami̧ pumȩ üdë, ‘Aja̧, bo maquëda, o ji̧ri̧iä ji̧dë u̧i̧ ba chiadëquëda jabo o judiro̧ pio coa u̧i̧ ba chiadiro̧da, jabechji̧ ba chiadëmȩquëda’ quëna̧rä judi, jabechji̧ ba chia tjamo̧dida' quëna̧ jo̧rȩtamȩrȩ dapadejȩ Ütë tjamo̧ pio judi.

Juan 13:20

Ado cja̧rȩmȩ üdë cjiadiäa̧räbo, jabechji̧ mȩnȩro̧ orë chjadürequededibe ca̧ea̧ pio ju̧i̧ ja̧bepapea̧ oa. Ado tjamo̧i̧ cjiari̧ yo̧requededibe. Eami̧ pumȩ üdë, cüdë chjadüa̧ pio ju̧i̧ ba chia darä judi, pio coabo ba chia dami̧ dari̧ japadique. Ado eami̧ üdë pio coa ba chia dami̧ dari̧ japamȩ judi, coa chjadüa̧mȩ pio ju̧i̧bo ba chia dami̧ dari̧ japadejȩ Ütë tjamo̧ pio ju̧i̧ —yo̧mȩrȩ ni̧bä chjaorëremȩdejȩrȩ Jechu judi jibëa̧ jadü ji̧ri̧ Juda Icariote pio ju̧i̧ chjiari.

Cori̧tio Ma̧ȩ 1 10:27

Ado danȩrȩ, quëna̧dëmȩ pio judi jibëa̧ bëräpȩ jure jätä yo̧rä judi, jabechji̧ mȩnȩro̧ järea̧ darä judi, jächji̧vä. Ado judi eami̧ jurarea̧ oa dibë yürürä judi, jabechji̧ cjapiri̧ jurachji̧vä iëno̧ iëno̧ ta̧rërea̧ decjiari̧. Jabechji̧ cjapiri̧ jurachji̧vä dibëa̧ chji̧ üdë pio dibëiäpȩmo̧ aechide yo̧mi̧ tarari̧ japachea oa, mȩnȩro̧ chji̧ goaera̧ jo̧rȩtaji̧ri̧rȩ jurapea̧ oa.

Cori̧tio Ma̧ȩ 1 9:14

Ado peaja̧dimi̧ dari̧ cjo̧ro̧tä eamȩrȩ yo̧rëremȩde ibëa̧ Ano̧mȩ judi ma̧ȩ chjadëi̧ oa a̧ra̧ano̧ji̧ri̧ pio ji̧ri̧ chjiari. Tjamo̧ davä. Judiro̧ ma̧ȩ chjadëi̧ oa a̧ra̧ano̧a̧ oaiä, judiro̧ Ütë tjamo̧ ja̧ ma̧ȩ oa a̧ra̧ano̧a̧ oaiä, jabechji̧ chjadëri̧ cjo̧ro̧rea̧mi̧ dari̧ a̧doa̧ oa cjiatäreji̧ri̧dirȩ ta̧rë chaji̧ri̧ pio ji̧ri̧iä. Tjamo̧ davä. Judiro̧ ja̧bepea̧ ba oa a̧doa̧ oa cjiatäreji̧ri̧dirȩ ta̧rë chaji̧ri̧ pio ji̧ri̧iä.