Lucas 10:7 - Biblia Pume

⁷ Ado Jechu judi jënȩ chjadüpea̧ pio ji̧ri̧ ji̧dë u̧i̧ yo̧a̧ oaiä, jabechji̧ pio yoa ma̧ȩbo a̧de yo̧rëremȩdejȩrȩ: —Ado danȩrȩ, mȩnȩro̧ eami̧ bë ma̧ri̧räpȩ go̧düdäräa̧rä, jabechji̧ dibë a̧dotämi̧ cjiaji̧ri̧ pio ji̧ri̧ ja̧ bëräpȩ cjiadiächji̧vä ano̧ mire cjo̧ro̧rea̧ decjiari̧ —yo̧a̧dejȩrȩ—. Jabechji̧ pio ju̧ri̧pȩ cjiadiächji̧vä mȩnȩro̧ pio jiro bë ma̧ri̧ri pio judiri a̧dë baäa̧rä yuro. Ado judiro̧ dibë yürüa̧ jurarea̧ pio ju̧i̧, jabechji̧ jurachji̧jo̧ȩ. Jabechji̧ pio ji̧ri̧iäpȩmo̧ a̧ra̧ano̧a̧ ba oa, chjadëri̧ ëba jurapea̧ chiadiro̧dibe.

Lucas 10:7 Iomraidhean Croise

Marcos 6:10

Ado ji̧dë u̧i̧ yo̧mȩrȩ a̧de yo̧a̧dejȩrȩ: —Danȩrȩ, mȩnȩro̧ eami̧ bë ma̧ri̧räpȩ järä, jabechji̧ dibë cjäri̧ri̧ cjia damȩ pio ju̧i̧ ja̧ bëräpȩ cjo̧ro̧chji̧vä pio jiro bë ma̧ri̧ri pio judiri a̧dë baäa̧rä yuro.

Lucas 10:6

Ado pio jiro pumȩ judiro̧ dibë chjadëri̧ ëba cjo̧ro̧rea̧ yürürä judi, jabechji̧ ma̧ chjupi̧ cjiari̧ jo̧rȩtarea̧ yürüpadejȩrȩ Ütë tjamo̧ judi. Jabo judiro̧ dibë chjadëri̧ ëba cjo̧ro̧rea̧ yürüdërä judi, jabechji̧ Ütë tjamo̧ judi ja̧di dari̧ jo̧rȩtarea̧ yürüdëpadejȩrȩ. Ado mȩnȩro̧ pea yu̧a̧rä yo̧rërea̧ ma̧ȩ üdë, jabechji̧ badëpe bagami̧ dari̧ cjiapadejȩrȩ. Jabechji̧ Ütë tjamo̧ judi pio ji̧ri̧iäpȩmo̧ ja̧di dari̧ jo̧rȩtarea̧ yürütärea̧ ji̧, yürüdëpadejȩrȩ —yo̧a̧dejȩrȩ—.

Lucas 9:4

Ado mȩnȩro̧ eami̧ bë ma̧ri̧räpȩ go̧düdäräa̧rä, mȩnȩro̧ eami̧ bërä cjo̧ro̧pea̧ oa yu̧a̧rä, jabechji̧ pio ju̧ri̧pȩ cjiadiächji̧vä mȩnȩro̧ pio jiro bë ma̧ri̧ri pio judiri a̧dë baäa̧rä yuro.

Japarea̧ 16:15

Ado pio jȩa nö̧ta cjo̧ro̧ji̧ri̧ pio judiro̧borë quëna̧ji̧ri̧pea̧dirȩ. Ado judiro̧ quëna̧ji̧ri̧pea̧ oaiä, jabechji̧ go̧e cjaeä chuda̧ oa cjiadiärëreji̧ri̧dirȩ Iridia pio ji̧ nö̧ta. Ado chuda̧ oa cjia ëte, yo̧a̧ni̧ibe: —Danȩrȩ, jabechji̧ ma̧na̧chji̧vä ca̧ bëräpȩ cjo̧ro̧pea̧ oa —yo̧a̧ni̧ibe—. Mȩnȩro̧ pio coa chjiari tjamo̧ri̧ quëna̧rä judi, 'Aja̧, Ano̧mȩ Jechu pio ju̧i̧ tjamo̧ri̧ quëna̧yi̧pea̧ni̧da' quëna̧rä judi, jabechji̧ ca̧ bëräpȩ ma̧na̧chji̧vä —yo̧a̧nȩjȩrȩ. Ado pio jiro iei̧ pio jini̧ ibë ji̧dë ma yabëa̧ oaiä, jabechji̧ baäa̧rea̧rȩ pio ji̧ nö̧ta.

Japarea̧ 16:34

Ado ëba jäa̧dejȩrȩ jibëa̧ bëräpȩ. Ado chjadëri̧ ëba jura̧dejȩrȩ. Ado tjamo̧ jidamȩ judi jibëa̧ pumȩborë ma̧ chiadëri̧ cjia tjamo̧rëreji̧ri̧dirȩ. Jabechji̧ judiro̧ Ütë tjamo̧ pio ju̧i̧iäpȩmo̧ quëna̧ji̧ri̧pea̧ oaiä, ma chiadëri̧ cjia tjamo̧rëreji̧ri̧dirȩ.

Japarea̧ 16:40

Jabo jo̧ȩra̧pe a̧dë baädëji̧ri̧rȩ Iridia ja̧ bëräpȩ jäëno̧a̧dirȩ. Ado ju̧ri̧pȩ a̧dopaji̧ri̧pea̧dirȩ quëna̧ji̧ri̧ pio ji̧ri̧ nö̧ta. Ju to̧baparȩmi̧ dari̧ japapea̧ oa, ju chiaparȩmi̧ dari̧ japapea̧ oa a̧ra̧ano̧rëreji̧ri̧diro̧jȩrȩ. Ado ja̧di dari̧ japa ëte, baärëreji̧ri̧dirȩ.

Garata Ma̧ȩ 6:6

Ado eami̧ pumȩ üdë a̧ra̧ano̧mȩ pio ju̧i̧iä Ütë tjamo̧ ja̧ ma̧ȩ oa dabaparä judi, jabechji̧ chjadëri̧ yürütäremȩdejȩ ma̧ȩ a̧ra̧ano̧a̧ ba oa. Jabechji̧ eami̧ti̧ chjadë oa yürütäremȩdejȩ, chjadëri̧ a̧domȩrȩ.

Timoteo Ma̧ȩ 1 5:13

Tjamo̧ davä. Jabë ütai̧padärädëa̧ pio ji̧ri̧ go̧ȩparä judi, pio ji̧ri̧ a̧do chjaorä judi, cjäri̧ mani̧rȩ, chumi̧dëri̧ cjiape jäpai̧ dani̧rȩ peaja̧di. Ado jibëa̧ bëräpȩ chjadëri̧ ja̧bepatärea̧ ji̧, jibëa̧ maea oa jo̧rȩtaji̧ri̧rȩ japatärea̧ ji̧, bë nö̧tai̧ oa jädiä jädiä cjiapai̧ dani̧rȩ, tëracaba maea oa ni̧bä chjaopea̧ oa, goadi goadi yo̧ chjaopea̧ oa. Ja̧di tara pio ji̧ri̧ ja̧ quȩ üdë go̧ȩ irä go̧ȩpadëpea̧de. A̧dodëpea̧ni̧rȩ.

Timoteo Ma̧ȩ 2 2:6

Ado cja̧rȩmo̧ jo̧rȩtarea̧ ma̧ȩra̧ jo̧rȩta tänȩtämi̧ cjiarequedemȩ peaja̧di. Danȩ, tjado ana̧mȩ judi, to̧bari̧ ja̧bepamȩ pio judi, jabechji̧ o ji̧ri̧ ja̧ yaboi̧ mitërea̧ dapade joechjapea̧mȩ jurarea̧ pio ju̧i̧. Ado peaja̧dimi̧ dari̧ ja̧bepatäremȩrenȩ ibëa̧ Ano̧mȩ ja̧ oa. Aja̧, to̧bari̧ cjiami̧ dari̧ ja̧bepatäremȩrenȩ. Ado mȩnȩ ja̧di dari̧ ja̧bepea̧ oaiä, peaja̧di chjadëri̧ ba ano̧a̧ oa cjiaparenȩ.