Lucas 10:41 - Biblia Pume

⁴¹ Jabo Jechu judi dëbë yo̧a̧dejȩ: —Damȩ Marta, ca̧ jadü. Chjadëri̧ ta̧rëcoa —yo̧a̧dejȩ—. Jabechji̧ dami̧ti̧ oa jo̧rȩte chjaoyi̧rȩ bücjüri̧ cjia tjamo̧mȩ.

Lucas 10:41 Iomraidhean Croise

Marcos 4:19

ba chia pio ju̧i̧mo̧i̧ jo̧rȩtatärea̧ ji̧, jabechji̧ badëra̧ pio ju̧ri̧ra̧ boë cjaeämi̧ dari̧ jo̧rȩtadiro̧jo̧ȩ. Jabechji̧ judiro̧ pio yoa chirirä cjo̧ro̧pea̧ pio ju̧i̧ chjiari ana̧ri̧ jo̧rȩta̧ oaiä, judiro̧ bücjüri̧ cjia tjamo̧ji̧ri̧rȩ cjo̧ro̧a̧ oaiä, judiro̧ chëre ji̧ra̧ tjamo̧ oa boapea̧ pio ju̧i̧ ana̧ri̧ jo̧rȩte chjaoa̧ oaiä, jabechji̧ tuti chami̧ dari̧ japadejȩrȩ jibëa̧ chji̧ oa. Pio ju̧i̧iä a̧dë jo̧rȩtadiro̧jo̧ȩ Ütë tjamo̧ ja̧ ma̧ȩ oa. Pio jiro ma̧ȩ üdë jibëa̧ chji̧rä chjadëri̧ chatärea̧ ji̧, cjäri̧ made, tuti chami̧ dari̧ chade cho ji̧ra̧ tjamo̧ oa chiatärea̧ ji̧ —yo̧a̧dejȩrȩ.

Lucas 10:38

Ado Jechu judi, jibëa̧ jadüborë ji̧dë u̧i̧ jachi oa järërea̧ ji̧, bë ma̧ri̧ boi̧chji̧räpȩ yu̧a̧rëreji̧ri̧dirȩ. Ado Marta quȩyi̧ iei̧ pio jini̧ jibëa̧ bëräpȩ jana̧tä yo̧a̧nȩjȩrȩ.

Lucas 10:40

Jabo Marta jini̧ peaja̧di ta̧rë chatärea̧ ji̧, ta̧rë chadëa̧nȩ jabo jurarea̧ oa jëdano̧pea̧ pio ju̧i̧mo̧i̧ jo̧rȩtarëreyi̧nȩ. Ado pio ju̧i̧iä jäeno̧a̧nȩjȩ Jechu pio ju̧i̧iäpȩ. Ado yo̧a̧nȩjȩ: —Danȩ Ano̧mȩ, ¿bücjüri̧ cjiadënȩ pio coa chjiari? —iëno̧ë ta̧rëa̧nȩjȩ—. Danȩ, ca̧ oyi̧ jini̧ pio coa chjadëri̧ a̧dotärea̧ ji̧, jurarea̧ pio ju̧i̧ chjadëri̧ jëdano̧pea̧ ji̧ a̧dotärea̧ ji̧, a̧dodë mani̧que. Chja ja̧di yo̧je pio coa a̧dotä cüdë ca̧ea̧ma̧i̧ ja̧bepachea oa —yo̧a̧nȩjȩ.

Lucas 12:22

Ja̧dëa ji̧ Jechu judi jibëa̧ jadü pio ji̧ri̧iäpȩmo̧ mȩmȩrȩpe cjiadiäa̧mȩrȩ yo̧rëremȩdejȩrȩ: —Ja̧di tara yo̧requededibe ca̧ pumȩ. Danȩrȩ, mȩnȩro̧ Ütë pio ju̧i̧ ja̧ maea oa ja̧bepa tara, jabechji̧ bücjüri̧ cjiaji̧ri̧rȩ cjo̧ro̧dë matärereji̧ri̧nȩrȩ —yo̧a̧dejȩrȩ—. Tjamo̧ davä. Mȩnȩro̧ pio yoa chirirä cjo̧ro̧a̧ nö̧ta, jabechji̧ bücjüri̧ cjiadëtäreji̧ri̧nȩrȩ. Jabechji̧ mȩnȩro̧ jurapea̧ pio ju̧i̧ chjiari bücjüri̧ cjiadëtäreji̧ri̧nȩrȩ. Ado ana̧ri̧ jo̧rȩtadëtäreji̧ri̧nȩrȩ dibëa̧ icjara oa ina̧pea̧ pio ju̧i̧ chjiari.

Lucas 21:34

Ado Jechu judi ji̧dë u̧i̧ ni̧bä chjaomȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Jabo Ano̧mȩ judi ma̧na̧pea̧ do üdë ma̧na̧pea̧ queri̧na̧ra̧ tara, jabechji̧ ji̧dë ma na̧e chiachji̧vä mȩnȩro̧ dadiädëji̧ri̧mi̧ dari̧ cjo̧ro̧chea oa, mo̧a̧ji̧ri̧mi̧ dari̧ cjo̧ro̧chea oa —yo̧a̧dejȩrȩ—. Ado pio ju̧i̧iä teracabara̧ pio ju̧ri̧ra̧ boadäräa̧ oa cjiadë matäreji̧ri̧nȩrȩ. Jabechji̧ ërü oaiä, airi̧ cjia airi̧ cjia a̧dope chjaoa̧ pio oaiä, ado pio yoa chirirä cjo̧ro̧pea̧ pio ju̧i̧ chjiari ji̧dë ma bücjüri̧ cjia̧ pio oaiä boadäräa̧ oa cjiadë matäreji̧ri̧nȩrȩ jabo ji̧dë ma dadiäji̧ri̧mi̧ dari̧ na̧e chia tjamo̧täreji̧ri̧nȩrȩ pio jiro do üdë pio dibëiäpȩmo̧ acji ma̧na̧mi̧ dari̧ ma̧na̧chea oa,

Lucas 8:14

Ado pumȩ judiro̧ orë o̧ cärä chiamȩ dabumi̧ dadirȩ. Jabechji̧ cärä chiamȩ dabu üdë jibëa̧ chji̧mi̧ dade. Ado pio jiro pumȩ judiro̧ Ütë tjamo̧ ja̧ ma̧ȩ oa ta̧rërä, cjäri̧ madirȩ, ba chia pio ju̧i̧mo̧i̧ jo̧rȩtatärea̧ ji̧, badëra̧ pio ju̧ri̧ra̧ boë cjaeämi̧ dari̧ jo̧rȩtadiro̧jo̧ȩ. Jabechji̧ judiro̧ pio yoa chirirä cjo̧ro̧pea̧ pio ju̧i̧ chjiari ana̧ri̧ jo̧rȩta̧ oaiä, jënȩro̧ bücjüri̧ cjia tjamo̧ji̧ri̧rȩ cjo̧ro̧a̧ oaiä, jënȩro̧ chëre ji̧ra̧ tjamo̧ oa boapea̧ pio ju̧i̧ ana̧ri̧ jo̧rȩte chjaoa̧ oaiä, jabechji̧ tuti chami̧ dari̧ japadejȩrȩ jibëa̧ chji̧ oa. Ado pio ju̧i̧iä chjaodëri̧ a̧dë jo̧rȩtadiro̧jo̧ȩ Ütë tjamo̧ ja̧ ma̧ȩ pio ju̧i̧. Jabechji̧ pio jiro ma̧ȩ üdë jibëa̧ chji̧rä chjadëri̧ chatärea̧ ji̧, cjäri̧ madejȩrȩ, tuti chami̧ dari̧ chade cho ji̧ra̧ tjamo̧ oa chiatärea̧ ji̧, üi̧padärämi̧ dari̧ cjo̧ro̧tärea̧ ji̧.

Juan 11:1

Cja̧rȩmȩ üi̧ judi Dacharo quȩmȩrëremȩde. Betania quȩmȩ bë ma̧ri̧räpȩ cjo̧ro̧rëremȩde jibëa̧ ami̧ ji̧ri̧ nö̧ta, Maria pio ji̧ nö̧ta, Marta pio ji̧ nö̧ta. Ado chjadëri̧ cjo̧ro̧rërea̧ ji̧, Dacharo judi gito ja̧bomȩrȩ cjo̧ro̧mȩpea̧de. Ado Maria jini̧ pio jini̧nȩ Jechu pio ju̧i̧iäpȩ järëreyi̧nȩ. Goaeri̧ pjȩa̧mȩ joarea̧ oa Ano̧mȩ pio ju̧i̧ ja̧ tarä arë cjarärëreyi̧ pio jini̧nȩ. Jibëa̧ cö̧ra̧ Ano̧mȩ ja̧ ta oa bubëguarëreyi̧ pio jini̧nȩ. Pio ji̧ ja̧ ayi̧ma̧i̧ judi gito ja̧bomȩpea̧de.

Juan 11:5

Ado Jechu judi, jabechji̧ ea tjamo̧rëremȩdejȩrȩ pio jiro pumȩ ji̧ri̧. Aja̧, Marta pio ji̧, ji̧ ja̧ oyi̧ Maria pio ji̧, ado Dacharo pio ju̧i̧ ea tjamo̧rëremȩdejȩrȩ. Jabo pio ji̧ri̧ ea tjamo̧räbo, ado Dacharo pio ju̧i̧ chjiari ma̧ȩ oa ta̧rëa̧räbo, jabechji̧ chjaodëri̧ jädërëremȩde. Jo̧ȩra̧pe jätärea̧ ji̧, jënȩ cjo̧ro̧mȩri pio judiri chjaodëri̧ jätärea̧ ji̧, jabechji̧ jëreeadëmȩrȩ cjiadiäa̧de yo̧a̧ri̧ do.

Juan 12:2

Ado ju̧ri̧pȩ go̧düdäräa̧rä, jurapea̧ oa a̧doparëreji̧ri̧dirȩ Jechu pio ju̧i̧ ba chia jo̧rȩtaji̧ri̧rȩ. Ado jurarea̧ üdë chjo̧ȩa̧pea̧rä, Marta jini̧ a̧depea̧nȩjȩ jurarea̧ oa mechjaräpȩ. Ado Jechu judi chamȩ mechjaräpȩ ju̧ri̧ charëremȩde Dacharo judi peaja̧di, o judiro̧borë.

Pjiripo Ma̧ȩ 4:6

Ado bücjüri̧ cjiadë machji̧vä. Mȩnȩro̧ eami̧ oa chjätärä judi, jabechji̧, bücjüri̧ cjiaji̧ri̧rȩ jo̧rȩtadë machji̧vä jabo jabechji̧, Ütë tjamo̧ pio ju̧i̧iämo̧i̧ cjo̧dëriä cjo̧ro̧chji̧vä. Aja̧, mȩnȩro̧ jo̧rȩta̧mi̧ cjo̧dëriächji̧vä jabëdiächea oa. 'Jabechji̧ chjadëri̧ a̧domȩdicoada, chjadëri̧ japamȩdiibëda' quëna̧ jo̧rȩtaji̧ri̧rȩ ni̧bäriä cjo̧ro̧chji̧jo̧ȩ.