Lucas 10:4 - Biblia Pume

⁴ Ado mȩnȩro̧ järä, jabechji̧ chëre oa boarea̧ goa jädëchji̧vä. Ado dibëa̧ ma̧chi̧ra̧ joë oa peaja̧di chia jädëchji̧vä. Ado ano̧ mire go̧iopea̧ ta joë oa peaja̧di goa jädëchji̧vä. Ado danȩrȩ, mȩnȩro̧ järea̧ no̧ro eami̧ oa dëbëdiärä, jabechji̧ japamitë ana̧ri̧ ni̧bä chjaoji̧ri̧rȩ jeadë machji̧jȩrȩ jabo cüdë dibë yo̧a̧ pio ju̧i̧ jëreeaji̧ri̧mi̧ dari̧ jächji̧vä.

Lucas 10:4 Iomraidhean Croise

Taruparea̧ Ma̧ȩ 24:33

Ja̧dëa ji̧ jurarea̧ yürütea̧diro̧jȩrȩ, jabo Abaraa̧ ja̧ mu̧i̧tjoi̧ judi yo̧a̧dejȩrȩ: —Jabërequede. Cüdë jurabea yaboi̧, jabechji̧ chjadëri̧ ni̧bä chjaotämi̧ cjiarequededibe cüdë jana̧ pio ju̧i̧ chjiari —yo̧a̧dejȩrȩ. Ja̧dëa ji̧ yo̧a̧dejȩ Aba̧ judi: —Jaevä. Ni̧bä chjaoibe.

Taruparea̧ Ma̧ȩ 24:56

Jabo Abara̧ ja̧ mu̧i̧tjoi̧ judi dëbë yo̧a̧dejȩrȩ: —Danȩrȩ, pio coa cjiadiä tänȩdëchji̧coe. Ütë tjamo̧ pio judi chjadëri̧ a̧doa̧ oaiä badëri̧ jana̧dëa̧requede. Chjadëri̧ jana̧na̧ra̧requede. Ado chjadëri̧ dana̧ra̧requede Icha ja̧ iei̧payi̧ pio ji̧. Ja̧di tara yo̧requededibe ibë chjadëri̧ baä tänȩtä, ca̧ ano̧mȩ pio ju̧i̧iäpȩ chjadëri̧ baädäräpea̧ oa —dëbë yo̧a̧dejȩrȩ.

Marcos 6:7

Ado Jechu judi jibëa̧ jadü pio ji̧ri̧, 12 oa, jabechji̧ pio jȩa nö̧ta a̧dopatä yo̧rëremȩdejȩrȩ. Ado a̧dopea̧ji̧ri̧ oa, tjamo̧ yo̧rea̧ oa yürürëremȩdejȩrȩ judiro̧ ira̧diä cjaeäji̧ri̧ pio ji̧ri̧ chjadëri̧ baä tänȩpea̧ oa. Aja̧, ja̧di dari̧ ja̧bepatä yo̧mȩrȩ chjadürëremȩdejȩrȩ yo̧a̧ri̧ra̧ jadü.

Lucas 22:35

Ja̧dëa ji̧ Jechu judi iëno̧ë ta̧rëa̧dejȩrȩ jibëa̧ jadü ji̧ri̧: —Danȩrȩ, cüdë dibë no̧mȩrä judirä ma̧ȩ oa a̧ra̧ano̧pea̧ oa chjadürërea̧ ji̧, jabechji̧ mö̧na̧ maea oa chjadürëremȩrequededibe —yo̧a̧dejȩrȩ—. Chëre boearea̧ joë chiadë maea oa, tati̧goe oa chiadë maea oa chjadüa̧requededibe, ta joë ano̧ mire go̧iorea̧ goadë maea oa. Ado danȩrȩ, ¿eami̧ oa jabëdiädëa̧nȩrȩ? —iëno̧ë ta̧rëa̧dejȩrȩ. Ado judiro̧ dëbë yo̧a̧diro̧jo̧ȩ: —Cjäri̧ marea̧rȩ, eami̧ oa jabëdiädëa̧rea̧rȩ —dëbë yo̧a̧diro̧jo̧ȩ.