Ado danȩrȩ ca̧ pumȩ, mȩnȩro̧ ado cja̧rȩmo̧ bë ma̧ri̧räpȩ go̧düdärärä, dibë chjadëri̧ japadërä judi, jabechji̧ a̧dë baächji̧jȩrȩ —yo̧a̧dejȩrȩ—. Tjamo̧ davä. Mȩnȩro̧ ado cja̧rȩmo̧ bë ma̧ri̧räpȩ go̧düdärärä, jabo jibëa̧ bëräpȩ yu̧a̧rea̧ yürüdë marä judi, ado mȩnȩro̧ a̧ra̧ano̧a̧ pio ju̧i̧ ta̧rë chadëri̧ cjiarä judi, jabechji̧ a̧dë baächji̧jȩrȩ. Jabo mȩnȩro̧ baärä, jabechji̧ dibëa̧ taräremȩ pio ju̧i̧ gu̧ro tänȩchji̧jo̧ȩ dabu pjo̧no̧i̧remȩ pio ju̧i̧, ta gu̧në pjo̧deji̧ri̧rȩ. Jabechji̧ dibëa̧ taräremȩ pio judi na̧rȩrea̧de pio ji̧ri̧ uapai̧ dari̧ na̧rȩpea̧ oa. Ado judiro̧ pio ju̧i̧ daea̧ oaiä, ‘Aja̧, a̧ro̧rȩ a̧ra̧ano̧ji̧ri̧ pio ji̧ri̧ jiada̧ oaiä jabechji̧dëdida, bape chjaoa̧ oa cjiapaa̧ro̧da, Ütë tjamo̧ pio judi tänȩa̧ oa bape chjaoa̧ oa cjiapaa̧ro̧da’ quëna̧ jo̧rȩtapadirȩ na̧rȩa̧ pio ju̧i̧iä. Pio ju̧i̧iä ja̧di dari̧ japapea̧de mȩnȩro̧ baäbea yaboi̧.
Lucas 10:11 - Biblia Pume11 "Danȩrȩ, mȩnȩro̧ pio ibëiä ma̧ȩ ta̧rëdëri̧ cjia tara, jabechji̧ baärea̧rȩ. Jabo baäbea yaboi̧, jabechji̧ na̧rȩrea̧ro̧dibe. Aja̧, gu̧ro tänȩrea̧ro̧jo̧ȩ dabu pjo̧no̧i̧remȩ oa ibëa̧ ta joëri pio judiri. Tjamo̧ davä. Ta joë oa gu̧në pjo̧deji̧ri̧rȩ gu̧ro tänȩrea̧ro̧jo̧ȩ dibëa̧ bë ma̧ri̧rä cjiaremȩ dabu pjo̧no̧i̧ pio ju̧i̧ pio dibë chjadëri̧ na̧rȩpea̧ oa. Jabechji̧ mȩnȩro̧ pio ju̧i̧ daea̧ oaiä, ‘Aja̧, na̧rȩdiro̧ibëda, a̧ro̧rȩ jiada̧ oaiä Ütë tjamo̧ pio judi tänȩa̧ oa bape chjaoa̧ oa cjiapaa̧ro̧da’ quëna̧ dabapea̧ oa na̧rȩrea̧ro̧dibe. Ado danȩrȩ, mȩnȩro̧ dabadëchea oa, pio yoa ma̧ȩ oa a̧de yo̧rea̧ro̧dibe. Danȩrȩ, Ütërë yo̧a̧ chja̧oerä cjo̧ro̧pea̧ japamitë üdë ma̧na̧na̧ra̧pea̧ ji̧ querediä tjamo̧diibe. Chjadëri̧ jo̧rȩtachji̧vä." Aja̧ ca̧ pumȩ, ja̧di ta̧rëri̧ yo̧ji̧ri̧rȩ yo̧parenȩro̧jȩrȩ pumȩ ji̧ri̧ judiro̧ dibë chjadëri̧ dadërä judi, judiro̧ dibë chjadëri̧ jeadërä judi. Faic an caibideil |
Lucas 10:11
16 Iomraidhean Croise
Ado mȩnȩro̧ eami̧ bë ma̧ri̧räpȩ järä, jabo idëpȩ cjo̧ro̧ji̧ri̧ pumȩ judiro̧ dibë chjadëri̧ jeadërä judi, mȩnȩro̧ a̧ra̧ano̧a̧ pio ju̧i̧ ta̧rë ja̧bodëri̧ cjiarä judi, jabechji̧ a̧dë baächji̧jȩrȩ. Ado ji̧ri̧ ja̧ bë ma̧ri̧ri pio judiri go̧dürä, jabechji̧ dibëa̧ taräremȩ pio ju̧i̧ gu̧ro tänȩchji̧jo̧ȩ dabu pjo̧no̧i̧remȩ pio ju̧i̧, ta gu̧në pjo̧deji̧ri̧rȩ. Jabechji̧ dibëa̧ taräremȩ pio judi na̧rȩrea̧de pio ji̧ri̧iäpȩmo̧ uapai̧ dari̧ na̧rȩpea̧ oa. Jabechji̧ judiro̧ pio ju̧i̧ daea̧ oaiä, ‘Aja̧, Ütë tjamo̧ judi bape chjaopadiibëda' quëna̧ dabapadirȩ. Ado ja̧di dari̧ japa ëte, jabechji̧ a̧dë baächji̧jȩrȩ —yo̧mȩrȩ yo̧a̧dejȩrȩ Jechu judi.
Ado danȩrȩ ca̧ pumȩ, pio dibë chjadëri̧ japadërä judi, mȩnȩro̧ ado cja̧rȩmo̧ bë ma̧ri̧räpȩ go̧düdärärä dibë chjadëri̧ cjo̧ro̧ tänȩdërä judi, pio dibë chjadëri̧ jeadëri̧ cjiarä judi, jabechji̧ a̧dë baächji̧jȩrȩ —yo̧a̧dejȩrȩ—. Tjamo̧ davä. A̧dë baächji̧jȩrȩ cjiadiärea̧ decjiari̧. Ado mȩnȩro̧ baärä, jabechji̧ dibëa̧ taräremȩ pio ju̧i̧ gu̧ro tänȩchji̧jo̧ȩ dabu pjo̧no̧i̧remȩ pio ju̧i̧, ta gu̧në pjo̧deji̧ri̧rȩ. Jabechji̧ dibëa̧ taräremȩ pio judi na̧rȩrea̧de pio ji̧ri̧ uapai̧ dari̧ na̧rȩpea̧ oa. Jabechji̧ judiro̧ pio ju̧i̧ daea̧ oaiä, ‘Aja̧, Ütë tjamo̧ judi bape chjaopadiibëda' quëna̧ dabapadirȩ. Pio ju̧i̧iä ja̧di dari̧ japapea̧de mȩnȩro̧ baäbea yaboi̧ —yo̧a̧dejȩrȩ.
—Ado danȩrȩ ca̧ oti̧, ni̧bärequededibe Abaraa̧ pio judiri ja̧ji̧ri̧ pio ji̧ri̧iäpȩmo̧. Ado Ütë tjamo̧ pio ju̧i̧ uapami̧ dari̧ ba chia jo̧rȩtaji̧ri̧ pio ji̧ri̧iäpȩmo̧bo ni̧bärequededibe —yo̧a̧dejȩrȩ—. Danȩrȩ, pio jiro ma̧ȩ üdë chjätärea̧ yürümȩ ma̧ȩde. Ado pio ibëiäpȩmo̧ chjadüa̧ oa cjiade. Ibëa̧de. Abaraa̧ pio judiri ja̧ ji̧ri̧ pio ji̧ri̧ ja̧de. Ado judiodë pio ji̧ri̧ ja̧bode.
Jabo Pablo judi, Bernabeborë järidëpe bagadëji̧ri̧rȩ ji̧dë u̧i̧ to̧bari̧ a̧ra̧ano̧rëreji̧ri̧dirȩ. Ado Pablo judi, uapadëmȩrȩ, dëbë yo̧a̧dejȩrȩ, ja̧di ta̧rëri̧ yo̧mȩrȩ: —Danȩrȩ, mȩnȩro̧ judio tara, jabechji̧ o ji̧ri̧ yabo chja a̧ra̧ano̧era̧pea̧rea̧ro̧dibe Jechu pio ju̧i̧ chjiari ma̧ȩ oa. Jabo mȩnȩro̧ jiada̧ tara, ’Jechu pio ju̧i̧iä chjätärea̧mi̧dëdida’ quëna̧ pio oaiä, jabechji̧ pio dibë a̧ra̧ano̧tärea̧ ji̧, judiodë pio ji̧ri̧iäpȩmo̧ ano̧ mire a̧ra̧ano̧parea̧ro̧jȩrȩ, pio dibë a̧ra̧ano̧tärea̧ ji̧.
Pio ju̧i̧iä Pablo judi, Bernabe judi na̧rȩrëreji̧ri̧diro̧jȩrȩ. Jibëa̧ taräremȩ oa pjo̧de ano̧a̧diro̧jo̧ȩ dabu decjiari̧. Ja̧di dari̧ japaji̧ri̧rȩ na̧rȩrëreji̧ri̧diro̧jȩrȩ. 'Aja̧, aeno̧a̧ oa cjiami̧ dari̧ cjiaa̧ro̧da yaba̧' quëna̧pea̧ oa na̧rȩa̧diro̧jȩrȩ. Ado ja̧di dari̧ japa ëte baäa̧dirȩ Iconio quȩmȩ bë ma̧ri̧räpȩ.
Jabo judio pio ji̧ri̧ chjiari ja̧di ta̧rëri̧ yo̧dërëremȩde, jabo tjaoëpai̧ dari̧ yo̧rëremȩde. Ta̧rëchji̧vä: "Do yoa a̧dotämi̧ cjiamȩrȩ darequedejȩrȩ ca̧ pumȩ ji̧ri̧ jabo cjäri̧ madiro̧coe, ji̧dë ma jiadadiro̧coe. Ca̧ chja̧oerä cjo̧ro̧dëri cjiaji̧ri̧rȩ chjuari̧ jiadadiro̧coe." Aja̧, ja̧di ta̧rëri̧ yo̧rëremȩde Ütë tjamo̧ judi Ichaia ja̧ ya oaiä judio pio ji̧ri̧ chjiari. Ado pio ju̧i̧iä yo̧requededibe. Judio judiro̧ dabadë ma ja̧didë. Jabechji̧ dabadirȩ. Chjadëri̧ ta̧rërëreji̧ri̧dirȩ. Jabo dabaji̧ri̧borë chjuari̧ jiadadirȩ.
Jabechji̧ Joja pio judi na̧rȩdiibe davä Ütë tjamo̧ pio ju̧i̧ chjiari. Jabechji̧ Joja pio ju̧i̧ daea̧ üdë, Ütë tjamo̧ pio ju̧i̧iäpȩmo̧ darea̧de. Jabechji̧ dacho darea̧rä dami̧ dari̧ da tänȩdiibe Jechu judi Ütë tjamo̧ pio ju̧i̧. Jabechji̧ Ütë tjamo̧ pio judimi̧ darë a̧dë chjäte tatari̧ cjiamȩ pio ju̧i̧ na̧rȩdiibe, Ütë tjamo̧ ja̧ chjacjiamȩ tjamo̧rea̧ pio ju̧i̧. Aja̧, jibëa̧ chjadë pio ju̧i̧, jibëa̧ jauëchjarea̧ pio ju̧i̧, a̧dë chjäte tatari̧ cjiamȩ jauëchjarea̧ pio ju̧i̧ ana̧ri̧ na̧rȩdiibe Jechu judi, jabëdiärea̧ decjiari̧. Ado Ütë tjamo̧ pio ju̧i̧ chjiari na̧rȩmȩ pio judi, jabechji̧ jibëa̧ ma̧ȩ jauëchjara̧ pio ju̧ri̧ra̧ chjadëri̧ jidadejȩ jënȩ pareapea̧ chjö̧na̧i̧därä oa. Jabechji̧ ji̧dë ma chjadëri̧ cjiapea̧ oa, goarijächea oa, chjadëri̧ quirë baä quirë baä cjiapea̧ oa jidadejȩ. Ado pio judi, jabechji̧ chadärärëremȩde a̧dë chjäte ba chiaräpȩ ju̧ri̧. Tjamo̧ davä. Pumȩ judiro̧ chjai̧dëri̧ japea̧ pio ju̧i̧ joami̧ dari̧ duridëparȩa̧ pio ju̧i̧ japadärä ëte, jabechji̧ chadärärëremȩde a̧dë chjäte Ütë tjamo̧ pio ju̧i̧ ja̧ mu̧i̧ chjuaräpȩ ju̧ri̧.