Lucas 1:57 - Biblia Pume

⁵⁷ Ado Ichabe jini̧ arapea̧ japamitë üdë ma̧na̧na̧ra̧rä, üi̧ boi̧ oa ararëreyi̧nȩjȩ.

Lucas 1:57 Iomraidhean Croise

Lucas 1:13

Jabo mu̧i̧tjoi̧ üdë yo̧a̧dejȩ: —Danȩ Chacaria, uapadëvä —yo̧a̧dejȩ—. Ütë tjamo̧ judi ta̧rë ja̧boa̧dimȩ. Mȩnȩ pio ju̧i̧iä bo pio ju̧i̧ chjiari cjo̧dëa̧ pio ju̧i̧ chjadëri̧ ta̧rë ja̧boa̧dimȩ. Ado pio ju̧i̧iä na̧ iei̧ pio jini̧ arapanȩ —yo̧a̧dejȩ—. Tjamo̧ davä. Na̧ iei̧ pio jini̧, Ichabe quȩyi̧ pio jini̧ üi̧ boi̧ oa arapanȩ mȩnȩ pio ju̧i̧iä cjo̧dëa̧mi̧. Ado danȩ, na̧ iei̧ jini̧ pio ju̧i̧ ara̧rä, jabechji̧ Juan quȩra̧ quȩpapea̧ chiarenȩ.

Lucas 1:5

Erode quȩmȩ pio judi Judea quȩmȩ chiriräpȩ ütëmȩrȩ cjo̧ro̧rërea̧ ji̧, jabechji̧ Chacaria quȩmȩ pio judi cjo̧ro̧rëremȩde, judiomȩrȩ. Ütë tjamo̧ ja̧ bëräpȩ ja̧bepamȩrȩ cjo̧ro̧rëremȩde, o ji̧ri̧ chjiari goë tuti ja̧bepamȩrȩ. Ado Abia quȩmȩ pio judiri ja̧ji̧ri̧ pio ji̧ri̧ nö̧ta ja̧bepamȩrȩ cjo̧ro̧rëremȩde, Abia quȩmȩ bubarä. Ado Chacaria ja̧ iei̧ pio jini̧, Ichabe quȩyi̧rëreyi̧nȩ. Ado judiro̧ yo̧a̧ri̧borë pearä cjo̧ro̧rëremȩ goë tuti ja̧bepamȩ pio judiri ja̧ji̧ri̧rȩ cjo̧ro̧rëreji̧ri̧dirȩ, Aro̧ quȩmȩrea̧ pio judiri ja̧ji̧ri̧rȩ. Tjamo̧ davä. Aro̧ quȩmȩrea̧ pio judiri ja̧yi̧rȩ cjo̧ro̧rëreyi̧nȩ, tjamo̧ goë tuti ja̧bepamȩ pio judiri ja̧yi̧rȩ.

Lucas 1:56

Ado Maria jini̧, jabechji̧ Ichabe pio ji̧ ja̧ bëräpȩ cjo̧ro̧rëreyi̧nȩ tjarari̧ gupënȩ nö̧ta. Ado pio jiro japamitë üdë goarijäa̧rä, jabechji̧ ado chjereno̧ baärëreyi̧nȩ jȩa nö̧rimȩ pio ju̧i̧ ja̧ bëräpȩ, jënȩ ütëparërea̧räpȩ.

Lucas 1:58

Ado jibëa̧ bë queri̧ cjo̧ro̧ji̧ri̧ pio judiro̧ pio ju̧i̧ chjiari ta̧rëa̧ oaiä, Ano̧mȩ judi pio ji̧iäpȩmo̧ üi̧ boi̧ oa cjäri̧ri̧ cjiamȩrȩ yürüa̧ pio ju̧i̧ chjiari ta̧rëa̧ oaiä, jabechji̧ Ichabe pio ji̧ nö̧ta ëba ma̧ chiadëri̧ cjia tjamo̧rëreji̧ri̧dirȩ.