Lucas 1:52 - Biblia Pume

⁵² Jabechji̧ chiri ütë cjo̧ro̧ji̧ri̧ pio ji̧ri̧, 'ba chia tjamo̧a̧ro̧da' quëna̧ji̧ri̧ pio ji̧ri̧, jabechji̧ ütë cjatä tänȩdiji̧ri̧. Jabo tjaoëpai̧ dari̧ jo̧rȩtaji̧ri̧ pio ji̧ri̧, 'ba chiadëquëda' quëna̧ji̧ri̧ pio ji̧ri̧ ba chia tjamo̧parȩdiji̧ri̧, ba chia tjamo̧räpȩ ano̧ mire cha tänȩrea̧mi̧ dari̧.

Lucas 1:52 Iomraidhean Croise

Marcos 6:3

Danȩrȩ, pio jiro üi̧ pio ju̧i̧ chjiari dabarea̧rȩ jabo. Jabomo̧ tora̧ ja̧bepamȩde pio judide. Maria joja pio judide. Ado ju̧i̧di ja̧ji̧ri̧ pio ji̧ri̧ peaja̧di dabarea̧ro̧jȩrȩ. Santiago pio ju̧i̧, Joche pio ju̧i̧, Juda pio ju̧i̧, Chimo̧ pio ju̧i̧ daba marea̧ro̧jȩrȩ. Ado ju̧i̧di ja̧ji̧ri̧ pio jini̧ro̧borë pio yoaiäpȩ cjo̧ro̧ni̧rȩ —yo̧rëreji̧ri̧dirȩ. Jabechji̧ Jechu ja̧ pumȩ judiro̧, 'Jabo cjäri̧ madida, pio ibë a̧ra̧ano̧rea̧mi̧dëdida, ba chiadëdida' quëna̧ jo̧rȩtaji̧ri̧rȩ badë darëreji̧ri̧diro̧jo̧ȩ, pio ju̧i̧iäpȩmo̧ quëna̧dëri̧ cjiaji̧ri̧rȩ.

Lucas 14:11

Ado pio ju̧i̧iä yo̧requededibe. Eami̧ pumȩ judi pio jȩa ba chiaparȩmi̧ dari̧ japamȩ pio judi, jabechji̧ badëparȩa̧ oa cjiami̧ dari̧ cjiadiäpade. Jabo jibëa̧ ma̧na̧ri̧ badëparȩmi̧ dari̧ japamȩ pio judi, jabechji̧ ba chiaparȩa̧ oa cjiami̧ dari̧ cjiadiäpade —yo̧mȩrȩ ni̧bä chjaoa̧dejȩrȩ Jechu judi.

Lucas 18:14

Ado ja̧dëa ji̧ a̧de yo̧a̧dejȩrȩ: —Tjamo̧i̧ cjiari̧ yo̧requededibe —yo̧a̧dejȩrȩ—. Danȩrȩ, domano̧ ja̧ oa chëre cjo̧dëmȩ pio judi jabechji̧parȩa̧ oa cjiadiäa̧de Ütë tjamo̧ pio ju̧i̧iä jabo pjaricheo pio judi, cjäri̧ made, jabechji̧parȩa̧ oa cjiadiädëa̧de. Jabechji̧ oëra̧ quëna̧ji̧ri̧ pio judiro̧, 'Aja̧, ba chiaquëda, pumȩ chjadëquëda' quëna̧ji̧ri̧ pio judiro̧, jabechji̧ ba chiadëparȩa̧ oa cjiadiäpadirȩ. 'Jabo ba chiadëquëda jabomo̧ pumȩ chjai̧dëquëda' quëna̧ji̧ri̧ pio judiro̧, jabechji̧ ba chiaparȩa̧ oa cjiadiäpadirȩ —yo̧mȩrȩ ni̧bä chjaorëremȩdejȩrȩ Jechu judi oëra̧ jo̧rȩtaji̧ri̧ pio ji̧ri̧, 'jabechji̧ pumȩ chjadëquëda' quëna̧ jo̧rȩtaji̧ri̧ pio ji̧ri̧.

Santiago Ma̧ȩ 4:10

'Jabechji̧ ba chiadëquëda, Ano̧mȩ pio judimo̧rȩ ba chiadida, pio ju̧i̧ ja̧ ma̧ȩrämo̧ cjo̧ro̧pea̧dida' quëna̧ jo̧rȩtariä cjo̧ro̧chji̧vä. Ado ja̧di dari̧ jo̧rȩtariä cjo̧ro̧a̧ oaiä, jabechji̧ ba chia maeaparȩpadidibe Ütë tjamo̧ judi.