Ado Jeova judi ja̧di dari̧ japarërea̧ oaiä, jabechji̧ ji̧mo̧ ja̧bepë ano̧rëreji̧ri̧dirȩ pumȩ judiro̧. Jabechji̧ jibëa̧ dëbëti̧ra̧ chia bapë ta̧rërea̧ dadëa̧ oaiä, chjadëri̧ ni̧bä chjaorea̧ dadëa̧ oaiä, jabechji̧ ja̧bepë ano̧rëreji̧ri̧diro̧jo̧ȩ. Ado ja̧dëa ji̧ Jeova pio judi chjuchjupechä cjo̧ro̧ tänȩrëremȩdejȩrȩ pumȩ ji̧ri̧ chiri nö̧tai̧ oa.
Lucas 1:51 - Biblia Pume51 Ado jibëa̧ ju chiarea̧ oa ana̧ri̧ na̧rȩmȩrȩ oëra̧ti̧ oa baä tänȩdiji̧ri̧ jibëa̧ chji̧rämo̧ jo̧rȩtaji̧ri̧ pio ji̧ri̧. Tjamo̧ davä. ‘Ba chia tjamo̧quëda' quëna̧ jo̧rȩtaji̧ri̧ pio ji̧ri̧, 'o ji̧ri̧iä ji̧dë u̧i̧ ba chiaquëda’ quëna̧ jo̧rȩtaji̧ri̧ pio ji̧ri̧ oëra̧ti̧ oa baä tänȩdiji̧ri̧ chjuchjupechä baärea̧mi̧ dari̧. Faic an caibideil |
Lucas 1:51
32 Iomraidhean Croise
Ado Jeova judi chiri oa cjo̧ro̧ji̧ri̧ pumȩ pio ji̧ri̧ daba dae chjaomȩrȩ darëremȩdejȩrȩ a̧dë chjäte chjai̧dëri̧ jape cjiaji̧ri̧ oa. Ji̧dë ma chjai̧dë maea oa jo̧rȩtaji̧ri̧ oa, a̧dë chjäte chjadëdëti̧ oa jo̧rȩtaji̧ri̧ oa cjacjarë dae chjaorëremȩdejȩrȩ jibëa̧ chji̧ oa, chjai̧dë oa japa ano̧dëri̧ cjiaji̧ri̧ oa.
Ado Jeova judi goaeri̧ pjȩa̧ cjitëmȩ pio ju̧i̧ pji̧däa̧ oaiä, jabechji̧ ja̧di dari̧ jo̧rȩtamȩpea̧de. ‘Aja̧, chiri oa adodëpaquëda, jabechji̧ pumȩ judiro̧ chjai̧dëri̧ japea̧ ba oa ado chjereno̧ japadëpaquëda, ca̧ ërecjia̧ pio ju̧i̧ ado chjereno̧ acji cjatä tänȩdëpacuni̧da, jabechji̧ pumȩ pio ji̧ri̧ chjiari dabaquëda, boi̧chji̧räcji̧ ji̧dë ma chjai̧dëri̧ jo̧rȩtaji̧ri̧diro̧da, ado pio ju̧i̧iä chiri oa adodëpaquëda, judiro̧ chjai̧dëri̧ japea̧ oaiä adodëpaquëda, ado chirirä cjo̧ro̧ji̧ri̧ ütëbodärä oa ado chjereno̧ jȩmu̧i̧ ja̧bo tänȩdëpaquiji̧ri̧da, ado pua oa peaja̧di ado chjereno̧ yuropa tänȩdëpaquiji̧ri̧da, jabechji̧ cjo̧ro̧ji̧ri̧ ütëbodäräti̧ oa ado ja̧bo tänȩdëpaquiji̧ri̧da’ quëna̧ jo̧rȩtamȩrȩ yo̧rëremȩde Ütë tjamo̧ judi, jibëa̧ ma̧na̧ri̧ jo̧rȩtamȩrȩ. Aja̧, ja̧di ta̧rëri̧ yo̧mȩrȩ yo̧rëremȩde jënȩ goaeri̧ pjȩa̧ cjitëmȩ pio ju̧i̧ pji̧däa̧ oaiä. Ado ja̧dëa ji̧ ji̧dë u̧i̧ jo̧rȩtamȩrȩ ja̧di dari̧ jo̧rȩtamȩpea̧de.
Ado pio ju̧i̧iä cüdë, Nabucodonocho pio judi, jabechji̧ chjacjiamȩri̧ ni̧bäreconȩ Ütë tjamo̧ pio ju̧i̧, a̧dëräpȩ cjiamȩ Tjamo̧ Yo̧mȩ pio ju̧i̧, chiri Ütë cjo̧ro̧mȩ pio ju̧i̧. Jabechji̧ ba chiaparȩmi̧ dari̧ ni̧bäreconȩ. Jabechji̧ judi japea̧ üdë chjadë maeade. Judi japea̧ üdë coëma cjia maeade, oëra̧ japarea̧ decjiari̧. Ado eami̧ oa jibëa̧ chji̧rämo̧ jo̧rȩtatamȩ pio ju̧i̧, jabechji̧ chjaodëri̧ ba chiadëparȩmi̧ dari̧ japapai̧ dadejȩ davä, pio coa japea̧rea̧mi̧. Tjamo̧ davä. 'Ba chiadëquëda, jabomo̧ pumȩquëda, ju chiadëquëda, jabo pio judimo̧rȩ ba chia tjamo̧dida' quëna̧pe bagarea̧mi̧ dari̧ japapai̧ dade davä eami̧ pumȩ oa, jibëa̧ maea oa jo̧rȩtatamȩ ju̧i̧ —yo̧mȩrȩ yo̧rëremȩde Nabucodonocho judi jibëa̧ chja̧oerä cjo̧ro̧ji̧ri̧ pumȩ pio ji̧ri̧iäpȩmo̧ ma̧ȩ oa go̧ȩpe chjadürërea̧ ji̧, jënȩ chjätäa̧ pio ju̧i̧ chjiari ma̧ȩ oa go̧ȩpe chjadürërea̧ ji̧.
Jabo dabaji̧ri̧borë ba chia jo̧rȩtadërëreji̧ri̧diro̧jo̧ȩ. 'Jabechji̧ Ütë tjamo̧ judi pareapamȩ pio judidida, chjadëri̧ japadiibëda, chjadëri̧ yürüdiibëda' quëna̧ dabaji̧ri̧borë, jabechji̧ quëna̧ jo̧rȩtadërëreji̧ri̧diro̧jo̧ȩ. Ado pio ju̧i̧iä oëra̧ti̧ oa jo̧rȩtaji̧ri̧pe bagarëreji̧ri̧dirȩ. Badë maea oa jo̧rȩtaji̧ri̧pe järëreji̧ri̧dirȩ teracaba pio ju̧i̧. Jabechji̧ tjamo̧i̧ cjiari̧ baämȩ ma̧ȩ pio ju̧i̧ jo̧rȩtadëri̧ cjia oaiä bagönȩ maearä jo̧rȩtami̧ dari̧ jo̧rȩtaji̧ri̧pe bagarëreji̧ri̧dirȩ.
Jabechji̧ pumȩ pio ji̧ri̧ tjamo̧ri̧ dëbëpe chjao ma ja̧didë, jabo judiro̧ teracabari̧ jo̧rȩta̧ pio ju̧i̧ tjamo̧ri̧ dëbëpe chjaorea̧ro̧jo̧ȩ. Danȩrȩ, ‘ba chia tjamo̧a̧ro̧da, ado a̧ro̧rȩ tjamo̧ri̧ dabaji̧ri̧ pio judiro̧a̧ro̧da’ quëna̧ jo̧rȩtaji̧ri̧rȩ ji̧dë ma quëna̧diro̧jo̧ȩ teracabari̧ jo̧rȩtarea̧ pio ju̧i̧, jibë a̧dodëmȩ jo̧rȩtarea̧ pio ju̧i̧. Jabechji̧ judiro̧ Ütë tjamo̧ pio ju̧i̧ chjiari chjadëri̧ dabapatärea̧ ji̧, cjäri̧ madiro̧jo̧ȩ, pio ju̧i̧ chjiari tjamo̧ri̧ dabapa tänȩrea̧ ma̧ȩ pio ju̧i̧ chjuari̧ jiadadiro̧jo̧ȩ. Judiro̧ coëma cjiari̧ baämȩ ma̧ȩ pio ju̧i̧ ta̧rëtärea̧ ji̧, judiro̧ a̧ra̧ano̧mȩ pio ju̧i̧ chjadëri̧ ta̧rëtärea̧ ji̧, cjäri̧ madirȩ, chjuari jiadaji̧ri̧rȩ cjo̧ro̧dirȩ, Ütë tjamo̧ pio ju̧i̧ chjiari ma̧ȩ oa tjamo̧ri̧ ta̧rëdëri̧ cjiaji̧ri̧rȩ. Jabechji̧ jibëa̧ chji̧rämo̧ jo̧rȩtaji̧ri̧rȩ chjuari̧ quëna̧dirȩ jënȩro̧ pearä dabaparërea̧ pio ju̧i̧, oëra̧ baämȩ ma̧ȩ pio ju̧i̧. Jabo judiro̧ teracaba jo̧rȩta̧ pio ju̧i̧, jabechji̧ Ütë tjamo̧ ja̧ jauëchjarea̧ra̧ pio ju̧ri̧ra̧ boadärämi̧ dari̧ japarea̧ro̧jo̧ȩ, tutirea̧ uë tjamo̧ oa baë iëchädärämi̧ dari̧, yuropa tänȩmi̧ dari̧. Ado judiro̧ badë maea oa jo̧rȩtarërea̧ ji̧, jabechji̧ Ütë tjamo̧ ja̧ ma̧ȩ oa ta̧rëa̧ oaiä, jabechji̧ jaerira̧ tjaoëpai̧ dape järi̧ ano̧ mire jo̧rȩtaji̧ri̧pe jädirȩ, Quiricho ja̧ chja̧oerämo̧ jo̧rȩtaji̧ri̧pe järea̧mi̧ dari̧.
Ado oari pei̧ chja pio ji̧ri̧bo chidëeatämi̧ cjiarequededibe ma̧ȩ boi̧chji̧ maea oa. Danȩrȩ, tjamo̧ jidaji̧ri̧ pio judiro̧ chi̧dëea̧ chja̧oerä cjo̧ro̧täreji̧ri̧nȩrȩ, chjadëri̧ ta̧rëdiäji̧ri̧rȩ. Aja̧, pio jiro ma̧ȩ maeara̧ chi̧dëeamȩrȩ go̧ȩpe chjadürequededibe oari pëi̧ chja pio ji̧ri̧. Ado yaba̧ dibë ütëbo oa, tjamo̧ jidaji̧ri̧ pio ji̧ri̧bo chi̧dëearequededibe. Danȩrȩ, dibëa̧ chji̧rämo̧ jo̧rȩtadëchji̧vä, jabo ütëbodärä oa ba chia daji̧ri̧rȩ a̧dochji̧jȩrȩ, ‘o ji̧ri̧ u̧i̧ ba chiaquëda’ quëna̧rea̧ decjiari̧. Jabechji̧ ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Ta̧rëchji̧vä: “Ütë tjamo̧ judi chjuari̧ dëbëpe chjaodejȩ jibëa̧ chji̧rämo̧ quëna̧tamȩ pio ju̧i̧, jabo cjäri̧ri̧ cjiamȩrȩ a̧dodejȩ chjadëri̧ jo̧rȩtamȩ ju̧i̧, ‘o judiro̧ pio coa u̧i̧ ba chiadiro̧ca̧da’ quëna̧mȩ pio ju̧i̧.” Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado pio ju̧i̧iä ‘ba chia tjamo̧quëda’ quëna̧ jo̧rȩtadëtäreji̧ri̧nȩrȩ ‘jabomo̧ boquëda’ quëna̧ jo̧rȩtariä cjo̧ro̧täreji̧ri̧nȩrȩ.
Tjamo̧ davä. Babironia bë ma̧ri̧ üdë pio jȩa chjiari ji̧dë ma goaeri̧ yo̧mi̧ dari̧ japea̧ oaiä, jabechji̧ chjaodëri̧ acji cjatäpadejȩ ma̧i̧ da conȩdarea̧ üdë. Tjamo̧ davä. Üi̧ goarayi̧ iei̧mi̧ da pio judi ana̧ri̧ tarapade gito pio ju̧i̧, ja̧borea̧ pio ju̧i̧bo. Odai̧ tarari̧ jo̧rȩtami̧ dari̧ cjiapade jibëa̧ pumȩ ji̧ri̧ ëbarërea̧ ji̧. Jabechji̧, cjo̧dëra̧ pio ju̧ri̧ra̧ yuroparea̧mi̧ dari̧ bape chjaopareconȩ. Jabechji̧ Ano̧mȩ Ütë pio judirequede, a̧dë chjäte ju chiamȩrȩ. Aja̧, ja̧di ta̧rëri̧ yo̧a̧de Ütë tjamo̧ judi üi̧ goarayi̧ iei̧mi̧ da pio ju̧i̧ chjiari.
Sanasan