Lucas 1:47 - Biblia Pume

⁴⁷ "Ado ca̧ tjo üdë a̧dë chjäte ma̧ chiadëri̧ cjiari̧ jo̧rȩtadi coa Chjätä Tänȩmȩ Ütë pio ju̧i̧iä.

Lucas 1:47 Iomraidhean Croise

Lucas 2:11

Jabechji̧ Quiricho pio judi, Ütërë mitëa̧ Chjätä Tänȩmȩ pio judi ara̧ oa cjiade pio yaba̧ domȩ oa —yo̧a̧dejȩrȩ—. Tjamo̧ davä. Chjätärea̧ yürümȩ Ano̧mȩ pio judi ara̧ oa cjiade pio yaba domȩ oa Berȩräpȩ ju̧ri̧, Davi quȩmȩrea̧ pio judi cjo̧ro̧rërea̧ bë ma̧ri̧räpȩ ju̧ri̧.

Timoteo Ma̧ȩ 1 1:1

Pablo quȩmȩrequede cüdë. Ibë Chjätä Tänȩmȩ Ütë pio judi yo̧a̧ oa, Jechu Quirichorë chjadüa̧requede. Ado ibë jidatarea̧ yürümȩ pio judiborë yo̧a̧ oa, Jechurë chjadüa̧requede cüdë, Jechu Quiricho pio judiborë yo̧a̧ oa.

Timoteo Ma̧ȩ 1 2:3

Jabechji̧ ja̧di dari̧ goë cjo̧dëpea̧ üdë chjadëde. Ado ibë chjätä tänȩmȩ Ütë pio ju̧i̧iäbo chjadëde.

Tito 1:3

Jabechji̧ Ütërë ütara̧ doro bucho ana̧ cjo̧ro̧rea̧ pio ju̧i̧ chjiari dabarea̧ yürürëremȩdiibe ma̧ȩ chjadëi̧ pio ju̧i̧iä. Ado pio jiro ma̧ȩ oa yürürëremȩdique cüdë to̧bari̧ ni̧bä chjaopea̧ oa. Tjamo̧ davä. Pio ibë Chjätä Tänȩmȩ Ütë pio judi yürüa̧ oa goami̧ dari̧ goareconȩ yaba̧ pio jiro ma̧ȩ oa o ji̧ri̧iäpȩmo̧ chjadëri̧ ni̧bä chjaopea̧ oa.

Tito 2:10

Ado jibëa̧ ano̧mȩ pio ju̧i̧iä garüdëtäreji̧ri̧dirȩ, jabo jabechji̧ chjadëri̧ ja̧bepë yürütäreji̧ri̧dirȩ, nö̧tadäräri̧ ta̧rëdiäji̧ri̧rȩ. Ado ja̧di dari̧ cjo̧ro̧a̧ oaiä, jabechji̧ chjadëri̧ na̧rȩpadiro̧jȩrȩ o ji̧ri̧. ‘Aja̧, chjadëri̧ cjo̧ro̧diro̧da, chjadëri̧ ja̧bepë yürüdiro̧da, Chjätä Tänȩmȩ Ütë pio ju̧i̧ chjiari ma̧ȩ üdë ba chia tjamo̧dida’ quëna̧rea̧mi̧ dari̧ na̧rȩpadiro̧jȩrȩ o ji̧ri̧, jënȩro̧ chjadëri̧ cjo̧ro̧a̧ oaiä.

Tito 2:13

Aja̧, ja̧di dari̧ japariä cjo̧ro̧täreji̧ri̧rea̧rȩ jidataji̧ri̧rȩ, ma̧ chiadëri̧ cjiaparȩrea̧ do pio ju̧i̧ jidataji̧ri̧rȩ. Jabechji̧ ibëa̧ Ütë judi, Chjätä Tänȩmȩ Jechu Quiricho pio judi ana̧ri̧ na̧rȩmȩrȩ jana̧padiibe, a̧dë chjäte tatari̧ cjiamȩrȩ. Ado pio ju̧i̧ jidataji̧ri̧rȩ cjo̧ro̧rea̧rȩ.

Juda 1:25

Jabechji̧ pio judimo̧de ibëa̧ Ütë judi. Ado cja̧rȩmo̧ pio ju̧i̧iä chjätärea̧ dadë marea̧rȩ jabo pio ju̧i̧iämo̧i̧. Ado pio ju̧i̧iä ji̧dë ma chjacjiamȩri̧ jo̧rȩtapea̧de ca̧ oti̧. Jabechji̧ ibëa̧ Ano̧mȩ Jechu Quiricho judi pio ibë chjiari ano̧ mire ja̧borërea̧ oaiä, chjätärea̧ yürürëremȩdiibe. Ado pio ju̧i̧iä, Jechu judi pio ibë chjiari tuti japea̧ pio ju̧i̧iä, jabechji̧ chjacjiamȩri̧ jo̧rȩtarea̧ darea̧ro̧jo̧ȩ Ütë tjamo̧ pio ju̧i̧. Ado pio ju̧i̧iä jabechji̧, ji̧dë ma chjacjiamȩri̧ jo̧rȩtapea̧de. Pio ju̧i̧iäpȩmo̧ ji̧dë ma ma̧ȩ goaera̧ ni̧bäpea̧de. Jabechji̧ a̧dë chjäte jauëchja cjiari̧ cjiamȩde. Ado cja̧rȩmo̧rȩ nö̧tadärärea̧mi̧dëri̧ cjiamȩde. Jabechji̧ Ano̧mȩ tjamo̧de. Dai oa cjiamȩ ja̧ Ano̧mȩde. Pumȩ ütëbodärä ja̧ Ano̧mȩde. Ado danȩrȩ, pearä judiräri ja̧mȩde. Bucho ana̧mȩde. Jabechji̧ cjiamȩde. Ado pio ju̧i̧iä ji̧dë ma chjacjiamȩri̧ jo̧rȩtapea̧de ca̧ oti̧. Ji̧dë ma ma̧ȩ goaera̧ ni̧bäpea̧de. Aja̧ ca̧ oti̧, ja̧di dari̧ japapea̧de. Aja̧, pio ju̧i̧mo̧i̧ ma̧ȩ oa go̧ȩpe chjadürequededibe ca̧ oti̧. Cjo̧ro̧ cjiachji̧ibe. Dibëa̧ omȩ, Juda