Lucas 1:42 - Biblia Pume

⁴² Ado to̧bari̧ yo̧yi̧rȩ ja̧di ta̧rëri̧ yo̧rëreyi̧nȩjȩ Maria pio ji̧iäpȩmo̧: —Damȩ, Ütë tjamo̧ pio judi a̧dë chjäte chjadëri̧ japea̧dima̧ —yo̧a̧nȩjȩ—. Jabechji̧ na̧ Ja pio ju̧i̧iä, o ji̧ri̧ u̧i̧ chjadëri̧ japea̧dima̧. Ado pio ju̧i̧ uëri chjadëri̧ japea̧diji̧ na̧ Ja pio ju̧i̧ peaja̧di, na̧ u̧i̧ja̧ma̧cä joërämȩ pio ju̧i̧.

Lucas 1:42 Iomraidhean Croise

Taruparea̧ Ma̧ȩ 22:18

Aja̧, mȩnȩ ca̧ ma̧ȩ oa chjadëri̧ ta̧rë ta̧rë japea̧ tara, jabechji̧ chiriräpȩti̧ oa cjo̧ro̧ji̧ri̧ pumȩ pio judiro̧ chjadëri̧ cjiadiärea̧ dapadirȩ na̧ea̧ri ja̧ji̧ri̧ pio ji̧ri̧iä." Aja̧, ja̧di ta̧rëri̧ yo̧mȩrȩ yo̧dimȩ Jeova judi —yo̧mȩrȩ yo̧rëremȩdejȩ Abaraa̧ ju̧i̧ Ano̧mȩ ja̧ mu̧i̧tjoi̧ judi.

Lucas 1:28

Ado Gabriel judi pio ji̧iäpȩ cjiadäräa̧mȩrȩ yo̧rëremȩdejȩ: —Damȩ iei̧, ma̧ chiadëri̧ cjiaje —yo̧a̧dejȩ—. Jabechji̧ Ano̧mȩ pio judi a̧dë chjäte cjäri̧ri̧ cjia dadima̧. Pio mȩadimȩdi —yo̧a̧dejȩ.

Lucas 1:41

Ado Ichabe jini̧ Maria ja̧ ma̧ȩ oa ta̧rëa̧rä, ji̧ ja̧ ma̧cä joërämȩ pio judi chjaodëri̧ cjüdücjüdüparëremȩdejȩ. Ado Ichabe pio jini̧ Tjo tjamo̧ ja̧ chja̧oerä chjaodëri̧ cjiadiäyi̧pea̧nȩ.

Lucas 1:43

Ado pio coabo chjadëri̧ japea̧dicoa. Jabechji̧ ca̧ Ano̧mȩ pio ju̧i̧ ja̧ ai̧ pio jini̧ coa goëdaera̧pea̧ oaiä, ado cüdë ca̧ Ano̧mȩ ja̧ joji̧ri̧ pio ji̧ irä da oaiä, jabechji̧ chjadëri̧ japea̧dicoa.

Lucas 1:48

Jabechji̧ pio judi a̧dë chjäte chjamȩrȩ daea̧dicoa jibëa̧ mu̧i̧tjoi̧ ba chia tjamo̧dëyi̧ oa. Ado pio ju̧i̧iä ba chia jo̧rȩtapadiro̧coa pumȩ judiro̧. Tjamo̧ davä. Ji̧dë duri oa ano̧ mire cjo̧ro̧paji̧ri̧ pio judiro̧ ütëborë ba chia jo̧rȩtapadiro̧coa, ‘Ütë tjamo̧ judi chjadëri̧ japea̧diji̧da' quëna̧ jo̧rȩtaji̧ri̧rȩ.

Lucas 19:38

Ado chjacjiamȩri̧ ni̧bäji̧ri̧rȩ ja̧di ta̧rëri̧ yo̧rëreji̧ri̧dirȩ: —Jabechji̧ Ütë tjamo̧ pio judi chjadëri̧ japatädejȩ pio yoa Ütë oa, dai chirirä ja̧ Ütë pio ju̧i̧. Jabechji̧ Ano̧mȩ pio judi tjamo̧ yo̧rea̧ yürüa̧ oa ma̧na̧diibe. Ado a̧ro̧rȩ jachi cjiami̧ dari̧ cjiarërea̧ ji̧, jabechji̧ queri̧räpȩ cjiami̧ dari̧ cjiaji̧ri̧pea̧rea̧rȩ yaba̧ a̧dëräpȩ cjiamȩ Ütë pio ju̧i̧ nö̧ta. Ado pio ju̧i̧iä a̧dë chjäte chjacjiamȩri̧ ni̧bätäreji̧ri̧rea̧ro̧jo̧ȩ a̧dëräpȩ cjiamȩ Ütë pio ju̧i̧ —yo̧ji̧ri̧rȩ ni̧bärëreji̧ri̧dirȩ, to̧bari̧ yo̧ji̧ri̧rȩ.

Domano Ma̧ȩ 9:5

Ado danȩrȩ, no̧mȩ tjamo̧ri ja̧ cjo̧ro̧rëreji̧ri̧ taru pio judiri ja̧ maeadirȩ. Taru ba chia tjamo̧ji̧ri̧ pio judiri ja̧ji̧ri̧ maeadirȩ. No̧mȩ cjo̧ro̧rëreji̧ri̧ Ebereo pio judiri ja̧ maeadirȩ. Ado Go̧dü Tänȩmȩ judi peaja̧di pio judiri ja̧de. Pio ji̧ri̧ ja̧ pumȩde. Icharaitarë ara̧ oa pumȩpea̧de. Ado pio ju̧i̧iä yo̧requededibe. Danȩrȩ, a̧dë chjäte tjamo̧ yo̧mȩ Ütë pio judi bucho ana̧ chjacjiamȩ tjamo̧ri̧ jo̧rȩtapea̧ maeade. Pio ju̧i̧ ja̧ chja̧oerämo̧ ji̧dë ma cjo̧ro̧pea̧de. Ja̧ditäde.

Ebereo Ma̧ȩ 12:2

Ado ja̧di dari̧ japarea̧ darea̧rȩ a̧ro̧rȩ Jechu pio ju̧i̧iäpȩmo̧ ji̧dë ma dami̧ dari̧ jo̧rȩta̧ oaiä. Jabechji̧ pio ju̧i̧iä taruparëremȩde a̧ro̧rȩ quëna̧ üdë. Ado pio ju̧i̧iä peaja̧di nö̧tadäräri̧ quëna̧rea̧ darea̧rȩ. Jabechji̧ Jechu pio ju̧i̧iä peaja̧di ju chiarea̧ darea̧rȩ nö̧tadäräri̧ quëna̧pea̧ oa, pio judimi̧ dari̧ quëna̧pea̧ oa. Jabechji̧ pio judi toro cji̧däa̧ oa cjia̧rä, ‘Aja̧, ca̧ goe oaiä noi̧dërë chjätärea̧ dapadiro̧da’ quëna̧ jo̧rȩta̧ oaiä, jabechji̧ ma̧ chiadëri̧ cjiari̧ jo̧rȩtamȩrȩ chjätärëremȩde pio jiro ma̧i̧ da chjai̧dë oa. Jabechji̧ ma̧ chjua jo̧rȩtamȩrȩ chjätärëremȩde, pio jȩa idëri̧ cjia tänȩa̧ pio ju̧i̧ chjiari bücjüri̧ cjiadëmȩrȩ. Ado yaba̧ chadäräa̧ oa cjiade tjamo̧ yo̧mȩ Ütë pio ju̧i̧ ja̧ mu̧i̧ chjuaräpȩ ju̧ri̧.