Lucas 1:41 - Biblia Pume

⁴¹ Ado Ichabe jini̧ Maria ja̧ ma̧ȩ oa ta̧rëa̧rä, ji̧ ja̧ ma̧cä joërämȩ pio judi chjaodëri̧ cjüdücjüdüparëremȩdejȩ. Ado Ichabe pio jini̧ Tjo tjamo̧ ja̧ chja̧oerä chjaodëri̧ cjiadiäyi̧pea̧nȩ.

Lucas 1:41 Iomraidhean Croise

Taruparea̧ Ma̧ȩ 25:22

Aja̧, chjara bomaiyi̧pea̧nȩ. Ado u̧i̧ ja̧ma̧ cä joëräji̧ri̧ pio judiro̧ jibëa̧ dëbëti̧ra̧ chia japatäami̧ dari̧ jape chjaorëreji̧ri̧dirȩ gatë gatë gua chjaomi̧ dari̧. Pio ju̧i̧iä bücjüri̧ cjia tjamo̧pea̧nȩ Rebeca jini̧. ‘¿Jabo tjana̧pea̧ ji̧ ja̧di dari̧ japacjivadiro̧coa' quëna̧ jo̧rȩtayi̧rȩ iëno̧ë ta̧rërëreyi̧nȩjȩ Jeova pio ju̧i̧iä, ja̧di ta̧rëri̧ yo̧yi̧rȩ: —¿Jabo tjana̧pea̧ oa japate chjaomi̧ dari̧ japadiro̧coe —iëno̧ë ta̧rëa̧nȩjȩ.

Lucas 1:15

Ado Ano̧mȩ judi na̧ ja oa darä, 'jabechji̧ pumȩ ba chia tjamo̧dida’ quëna̧ jo̧rȩtamȩrȩ dapadejȩ. Ado danȩ, na̧ ja pio judi cjo̧ro̧a̧ nö̧ta, jabechji̧ bino quȩmȩ ërü oa jaradëmȩrȩ cjo̧ro̧pade. Jabechji̧ eami̧ ërü oa jaradëmȩrȩ cjo̧ro̧pade. Jabechji̧ china̧chjapade pio ju̧i̧iä. Ado pio ju̧i̧iä jaradëpea̧de. Ado danȩ, na̧ ja judi Tjo tjamo̧ ja̧ chja̧oerä cjo̧ro̧pade judi jabë ara̧dëri ja̧.

Lucas 1:40

Chacariarë cjo̧ro̧mȩräpȩ järëreyi̧nȩ. Ado jibëa̧ bëräpȩ yu̧a̧däräa̧yi̧rȩ jearëreyi̧nȩ Ichabe pio ji̧.

Lucas 1:42

Ado to̧bari̧ yo̧yi̧rȩ ja̧di ta̧rëri̧ yo̧rëreyi̧nȩjȩ Maria pio ji̧iäpȩmo̧: —Damȩ, Ütë tjamo̧ pio judi a̧dë chjäte chjadëri̧ japea̧dima̧ —yo̧a̧nȩjȩ—. Jabechji̧ na̧ Ja pio ju̧i̧iä, o ji̧ri̧ u̧i̧ chjadëri̧ japea̧dima̧. Ado pio ju̧i̧ uëri chjadëri̧ japea̧diji̧ na̧ Ja pio ju̧i̧ peaja̧di, na̧ u̧i̧ja̧ma̧cä joërämȩ pio ju̧i̧.

Lucas 1:44

Ado pio ju̧i̧iä mȩnȩ coa jea̧rä, cüdë na̧ ma̧ȩ pio ju̧i̧ ta̧rëa̧rä, jabechji̧ ca̧ u̧i̧ja̧ ma̧cä joërämȩ boi̧chji̧ pio judi ma̧ chiadëri̧ cjiamȩrȩ cjüdücjüdüparemȩdicoa pio yabo.

Lucas 1:67

Ado ja̧dëa ji̧ Chacaria judi jibëa̧ ja oa quȩpea̧rä, Tjo tjamo̧ pio ju̧i̧ ja̧ chja̧oerä cjiadiämȩpea̧de. Jabechji̧ Tjo tjamo̧ pio judi cjiana̧ra̧ pio ju̧i̧iä, chjaodëri̧ ni̧bämȩpea̧de Ütërë ea jana̧ chjadüa̧ ma̧ȩ pio ju̧i̧. Ado ja̧di ta̧rëri̧ ni̧bämȩpea̧de:

Lucas 4:1

Ja̧dëa ji̧ Jechu judi, Tjo tjamo̧ ja̧ chja̧oerä cjiamȩrȩ go̧dürëremȩde bea Joroda̧ yuroro a̧rȩmȩ chiriri pio judiri. Ado Tjo tjamo̧ pio judi yabo ëba jämi̧ dari̧ jä tänȩrëremȩdejȩ chiri tjoräpȩ ju̧ri̧, pumȩ decjiaräpȩ ju̧ri̧.

Japarea̧ 2:4

Ado Tjo tjamo̧ judi bëpera̧pea̧de ütëbo ja̧ icjararä. Ado pio ju̧i̧ ja̧ chja̧oerä cjiaji̧ri̧rȩ tjaoëti̧ chia ni̧bäji̧ri̧pe bagarëreji̧ri̧dirȩ ado cja̧rȩmo̧ ni̧bärea̧ ma̧ȩra̧, Tjo tjamo̧ pio judi ni̧bärea̧ yürüa̧ oaiä.

Japarea̧ 4:8

Ado Pedro judi, Tjo Tjamo̧ ja̧ chjaoërä cjiamȩrȩ dëbë yo̧a̧dejȩrȩ, ja̧di ta̧rëri̧ yo̧mȩrȩ: —Danȩrȩ, 'ütëti̧diro̧da, tjamo̧ yo̧ji̧ri̧ pio judiro̧diro̧da' quëna̧ jo̧rȩtamȩrȩ ma̧ȩ yürütämi̧ cjiarequededibe ca̧ oti̧ —yo̧a̧dejȩrȩ—. Chjadëri̧ ta̧rëchji̧coe.

Japarea̧ 6:3

Ja̧di tara yo̧rea̧ro̧dibe. Mitëchji̧vä 7 oari ji̧ri̧. Aja̧, Tjo tjamo̧ ja̧ chja̧oerä cjo̧ro̧ji̧ri̧ pio ji̧ri̧, a̧dërimȩ dabarea̧ chiaji̧ri̧ pio ji̧ri̧, ütëbo ja̧ dachoro coëma cjiari̧ cjo̧ro̧ji̧ri̧ pio ji̧ri̧ mitëchji̧jȩrȩ. Chëre oa chjadëri̧ chjarapë yürüpea̧ oa, jurarea̧ oa chjadëri̧ chjarapë yürüpea̧ oa mitëchji̧jȩrȩ —yo̧a̧diro̧jȩrȩ—. Pio jiro ja̧beparea̧ oa yürüparea̧ro̧jȩrȩ judiro̧ chjadëri̧ chjarapë yürüpea̧ oa.

Japarea̧ 7:55

Jabo Eteba judi Tjo tjamo̧ ja̧ chja̧oerä cjiamȩrȩ uëräpȩmo̧ cjarucha darëremȩde. Ado a̧dëräpȩmo̧ damȩrȩ daea̧dejȩ Ütë tjamo̧ pio ju̧i̧, a̧dë chjäte tatari̧ cjiamȩ ju̧i̧. Ado pio ju̧i̧ ja̧ mu̧i̧ chjua cotoro cjiamȩ oa peaja̧di daea̧dejȩ Jechu pio ju̧i̧.

Japarea̧ 9:17

Ado pio ju̧i̧ ta̧rëa̧ oaiä Anania judi goëdepea̧dejȩ Chauro pio ju̧i̧. Ado judi cjiamȩ jo̧räpȩ yu̧a̧därä ëte jibëa̧ ichi dëbëribora̧ ida̧dejȩ. Ado yo̧a̧dejȩ: —Danȩ omȩ Chauro, jana̧requede. Ano̧mȩ Jechu pio judi chjadüa̧ oa jana̧requede. Tjamo̧ davä. Jana̧rea̧ no̧ro mȩa na̧rȩremȩ pio judi chjadüa̧ oa jana̧requede mȩnȩ ado chjereno̧ dapea̧ oa, mȩnȩ Tjo tjamo̧ ja̧ chja̧oerä cjo̧ro̧pea̧ oa.

Epjecho Ma̧ȩ 5:18

Ado ërü pio oaiä yu̧i̧a̧ oa cjiadëchji̧vä. Jabechji̧ chjai̧dëri̧ cjo̧ro̧ tänȩmȩde. Pio ju̧i̧iä ërürë boami̧ dari̧ cjo̧ro̧dëchji̧vä, jabo Tjo tjamo̧rȩ boa̧rämo̧ cjo̧ro̧täreji̧ri̧nȩrȩ. Pio ju̧i̧iämo̧i̧ yu̧i̧a̧ oa cjiami̧ dari̧ cjiatäreji̧ri̧nȩrȩ.

Jechurë Na̧rȩrërea̧ Ma̧ȩ 1:10

Ado danȩrȩ, ado cja̧rȩmo̧ doremȩrä a̧doparea̧ doremȩde. Quëna̧ji̧ri̧ judiro̧ Ano̧mȩ pio ju̧i̧iäpȩmo̧ chjacjiamȩri̧ jo̧rȩtarea̧ doremȩde. Ado pio jiro doro, jabechji̧ Tjo tjamo̧rȩ chi̧dëea̧ chja̧oeräremȩrequede. Ado chjaodëri̧ ca̧ duriri pio judiri ma̧na̧mȩ ma̧ȩ oa ta̧rëa̧reconȩ, pjurarea̧ üdë goae tarari̧ ea cjiami̧ ta̧rëri̧ ea cjiamȩ oa.