Lucas 1:25 - Biblia Pume

²⁵ Ado ja̧di ta̧rëri̧ yo̧rëreyi̧nȩ: "A̧dë chjäte chjadëri̧ japea̧dique Ano̧mȩ pio judi" yo̧a̧nȩ. "Jabechji̧ cüdë idëri̧ cjiayi̧rȩ cjo̧ro̧rërea̧ ji̧, cüdë bomaipe bagarea̧ dadëa̧ oaiä idëri̧ cjiayi̧rȩ cjo̧ro̧rërea̧ ji̧, jabechji̧ chjadëri̧ cjo̧ro̧yi̧pea̧requede yaba̧. Ado pio ju̧i̧iä yo̧requede." Aja̧, ja̧di ta̧rëri̧ yo̧rëreyi̧nȩ Ichabe pio jini̧ a̧dë chjäte ma̧ chiadëri̧ cjiayi̧rȩ.

Lucas 1:25 Iomraidhean Croise

Taruparea̧ Ma̧ȩ 25:21

Jabo Rebeca jini̧ bomaiyi̧rȩ cjo̧ro̧tärea̧ ji̧ bomairea̧ dadëa̧nȩ. Pio ju̧i̧iä Icha judi goë cjo̧dërëremȩdejȩ Jeova pio ju̧i̧iä jibëa̧ iei̧ pio ji̧ chjiari, bomaipe järea̧ datä. Ado Jeova judi ta̧rë ja̧boa̧dejȩ Icha judi cjo̧dëa̧ ju̧i̧. Ja̧dëa̧ ji̧ jibëa̧ iei̧ jini̧ bomaiyi̧rȩ cjo̧ro̧yi̧pea̧nȩ.

Lucas 1:13

Jabo mu̧i̧tjoi̧ üdë yo̧a̧dejȩ: —Danȩ Chacaria, uapadëvä —yo̧a̧dejȩ—. Ütë tjamo̧ judi ta̧rë ja̧boa̧dimȩ. Mȩnȩ pio ju̧i̧iä bo pio ju̧i̧ chjiari cjo̧dëa̧ pio ju̧i̧ chjadëri̧ ta̧rë ja̧boa̧dimȩ. Ado pio ju̧i̧iä na̧ iei̧ pio jini̧ arapanȩ —yo̧a̧dejȩ—. Tjamo̧ davä. Na̧ iei̧ pio jini̧, Ichabe quȩyi̧ pio jini̧ üi̧ boi̧ oa arapanȩ mȩnȩ pio ju̧i̧iä cjo̧dëa̧mi̧. Ado danȩ, na̧ iei̧ jini̧ pio ju̧i̧ ara̧rä, jabechji̧ Juan quȩra̧ quȩpapea̧ chiarenȩ.

Lucas 1:24

Ado japamitë boi̧chji̧ chjätä ëte, jibëa̧ iei̧ pio jini̧ bomai̧yi̧pea̧nȩ. Tjamo̧ davä. Jibëa̧ iei̧ pio jini̧, Ichabe pio jini̧ boma̧i̧pea̧nȩ bo maidëyi̧rȩ cjo̧ro̧rërea̧ ji̧. Ado pio ju̧i̧iä jibëa̧ bëräpȩ cjiadiärëreyi̧nȩ 5 gupënȩ nö̧ta.

Ebereo Ma̧ȩ 11:11

Ado Chara pio jini̧borë quëna̧yi̧rȩ cjo̧ro̧rëreyi̧nȩ. Jabechji̧ Ütë tjamo̧ pio ju̧i̧ quëna̧yi̧rȩ bomaipe bagarea̧ daea̧nȩ, jënȩ quëna̧ pio ju̧i̧iä. Jabechji̧ bomaipe bagarea̧mi̧dëräbo, ütai̧ tjamo̧pea̧räbo, bomaipe bagarea̧ daea̧nȩ. ‘Jabechji̧ Ütë tjamo̧ judi yo̧a̧mi̧ japamȩdida, teracabari̧ yo̧ë cji̧dädëmȩdida’ quëna̧ jo̧rȩtayi̧ oa boma̧i̧ cjiadiärea̧ yürürëremȩdejȩ Ütë tjamo̧ judi.