Lucas 1:18 - Biblia Pume

¹⁸ Jabo Chararia judi pio ju̧i̧ ta̧rëa̧ oaiä, ja̧di ta̧rëri̧ iëno̧ë ta̧rëa̧dejȩ mu̧i̧tjoi̧ pio ju̧i̧: —Jabo cjäri̧ marequede, ¿yö̧ta dari̧ tjamo̧ri̧ dabarea̧ daparequede mȩnȩ coa yo̧a̧ pio ju̧i̧ chjiari? Jabechji̧ peadëri ja̧ ütama̧i̧ tjamo̧pea̧requede cüdë. Ado ca̧ iei̧ pio jini̧borë ütai̧pea̧nȩ. Bo nö̧rirea̧mi̧dëpea̧nȩ. Ado pio ju̧i̧iä cjäri̧ marea̧rȩ, tjamo̧ri̧ bo nö̧rirea̧mi̧dëpea̧rea̧rȩ —dëbë yo̧a̧dejȩ.

Lucas 1:18 Iomraidhean Croise

Taruparea̧ Ma̧ȩ 15:8

Jabo Abara̧ judi dëbë yo̧a̧ ji̧, ja̧di ta̧rëri̧ yo̧mȩrȩ iëno̧ë ta̧rërëremȩdejȩ Ano̧mȩ ju̧i̧: —Jabo danȩ ca̧ Ano̧mȩ Ütë, chjadëri̧ yo̧coe. Cüdë, pio yoa chiri oa tjamo̧ri̧ mitëpea̧ ji̧, ¿yö̧ta dari̧ dabaparequede cüdë?

Taruparea̧ Ma̧ȩ 17:17

Pio ju̧i̧ ta̧rëa̧ oaiä Abaraa̧ judi juchatura̧ tjätjäpë china̧därärëremȩde jibëa̧ daito oa daburäpȩ yuro. Ado airi̧ cjiapea̧de. ‘Jabo cjäri̧ maquëda, 100 ui goamȩrȩ dopaquëda, a̧dë chjäte ütama̧i̧pea̧quëda, bo nö̧rirea̧mi̧dëquëda, ado ca̧ iei̧ jini̧ 90 ui goayi̧ni̧da, ütai̧ tjamo̧pea̧ni̧da, ararea̧mi̧dëni̧da’ quëna̧ jo̧rȩtamȩrȩ airi̧ cjiapea̧de Abaraa̧ judi.

Lucas 1:34

Jabo Maria jini̧ iëno̧ë ta̧rëa̧dejȩ a̧dërimȩ mu̧i̧tjoi̧ pio ju̧i̧: —Jabo danȩ, ¿yö̧ta dari̧ ararea̧ daparequede? —iëno̧ë ta̧rëa̧nȩjȩ—. Jabechji̧ üi̧rȩ cja̧rȩmȩ co ëba mo̧a̧dëa̧ oa cjo̧ro̧requede cüdë.

Lucas 1:7

Jabo judiro̧ jibëa̧ u̧ri̧ ëbatärea̧ ji̧, cjäri̧ madirȩ, ëbadë marëreji̧ri̧dirȩ. Jabechji̧ Ichabe pio jini̧ bo mai tänȩrea̧mi̧dë tara, judiro̧ pea ëbari ja̧ bo mai tänȩrea̧mi̧dë tara, jabechji̧ ëbadë marëreji̧ri̧dirȩ. Ado pio ju̧i̧iä jibëa̧ u̧ri̧ ji̧ri̧ nö̧rirea̧ dadëji̧ri̧rȩ ütama̧i̧ tjamo̧pe bagarëreji̧ri̧dirȩ.

Domano Ma̧ȩ 4:19

Tjamo̧ davä, quëna̧rea̧mi̧dëräbo quëna̧rëremȩde. Danȩrȩ, Abaraa̧ judi 100 ui goamȩpe jäa̧rä cjo̧ro̧rëremȩde järäjäräapea̧mȩrȩ. Ado Chara jini̧ peaja̧di ütai̧ tjamo̧rëreyi̧nȩ. Jabo Abaraa̧ judi, 'Jabo cjäri̧ maa̧ro̧da, japarea̧ decjiadida, bo nö̧rirea̧mi̧dëa̧roda, a̧dë chjätë ütama̧i̧pea̧quëda, ja̧bopea̧ querediä jiroquëda, ado ca̧ iei̧ jini̧ peaja̧di ütai̧pea̧ni̧da, ararea̧mi̧dëpea̧ni̧da, jabechji̧ ibëa̧ bo pio ju̧i̧ nö̧ritärea̧ ji̧, nö̧rirea̧ dadëpa jiroa̧ro̧da' quëna̧dërëremȩde. Jabechji̧ ju baebaeami̧ dari̧ quëna̧dërëremȩde.