Lucas 1:12 - Biblia Pume

¹² Ado Chacaria judi, cjäri̧ madejȩ, pio ju̧i̧ daea̧ oaiä, chjaodëri̧ boadärärëremȩdejȩ uaparea̧ üdë. I ma̧na̧ gura jämȩrȩ darëremȩdejȩ.

Lucas 1:12 Iomraidhean Croise

Da̧de 10:7

Pio cüdëmo̧rȩ, Da̧de pio judi, darämi̧ cjiaremȩreconȩ pio jiro na̧rȩrea̧ oa. Coa nö̧ta ëba cjiaji̧ri̧ oari̧ pio judiro̧ dadëa̧diro̧jo̧ȩ. Jabo judiro̧ pio ju̧i̧ dadëräbo, jabechji̧ ma̧i̧ da uaparea̧ üdë chjaodëri̧ boadäräeno̧a̧dejȩrȩ jibëa̧ chji̧ oa. Ado pio ju̧i̧iä uapa tjamo̧pea̧ji̧ri̧rȩ a̧dë bagureno̧a̧diro̧coe goadipea̧ oa.

Marcos 16:5

Pio ju̧i̧iä ta̧dë cjara tjoräpȩmo̧ yu̧a̧rëreji̧ri̧ni̧rȩ. Ado yu̧a̧ ëte jibëa̧ mu̧i̧ chjuata̧ra̧ri chamȩ oa darëreji̧ri̧ni̧ro̧jo̧ȩ a̧dërimȩ mu̧i̧tjoi̧ pio ju̧i̧, pea üi̧pea̧mȩmi̧ da oa, chjibo bërëbërëai̧ tjamo̧ oa ina̧mȩ oa. Ado ana̧ri̧ jo̧rȩtaji̧ri̧rȩ dae cjiarëreji̧ri̧ni̧rȩ, oë ja̧boji̧ri̧rȩ.

Lucas 1:29

Jabo Maria jini̧ pio jiro ma̧ȩ oa ta̧rëa̧rä, ana̧ri̧ jo̧rȩtayi̧pea̧nȩ. '¿Jabo tjana̧ yo̧cjivadicoa, ¿tjana̧ ju̧i̧iä ja̧di ta̧rëri̧ yo̧cjivadicoada a̧dërimȩ mu̧i̧tjoi̧ üdë' quëna̧ jo̧rȩtayi̧pea̧nȩ, ana̧ri̧ jo̧rȩtayi̧rȩ.

Japarea̧ 10:4

Ado Corenerio judi mu̧i̧tjoi̧ pio ju̧i̧ daea̧ oaiä, cjoai̧tä damȩrȩ oë ja̧bo tjamo̧pea̧de. Ado uapa tjamo̧mȩrȩ dëbë yo̧a̧dejȩ: —¿Tjana̧ japera̧pea̧renȩ Ano̧mȩ? —iëno̧ë ta̧rëa̧dejȩ. Ado a̧dërimȩ mu̧i̧tjoi̧ pio judi dëbë yo̧mȩrȩ yo̧a̧dejȩ: —Danȩ, Ütë tjamo̧ pio judi ba chia ta̧rëa̧dimȩ mȩnȩ pio ju̧i̧iäpȩmo̧ ni̧bäriäa̧ pio ju̧i̧. Ado mȩnȩ cjäri̧ ja̧boji̧ri̧ pio ji̧ri̧iäpȩmo̧ yürüriäa̧ pio ju̧i̧bo daea̧dimȩ —yo̧a̧dejȩ—. Jabechji̧ ma̧ chiadëri̧ cjiamȩrȩ dadimȩ Corenerio.

Jechurë Na̧rȩrërea̧ Ma̧ȩ 1:17

Ado cüdë pio ju̧i̧ daea̧ ji̧, jabechji̧ ja̧boa̧mȩmi̧ dari̧ toboe china̧däräa̧requede daburo, pio ju̧i̧ ja̧ ta cotoräpȩ ju̧ri̧. Jabo mu̧i̧ chjuari ja̧ ichira̧ pio ju̧ri̧ra̧ ida̧dique. Ado yo̧a̧dique: —Uapadëvä —yo̧a̧dique—. Uapadëvä. Jabechji̧ pearämȩ pio judimȩrȩ cjiarequede yuropadëmȩrȩ cjiamȩ üdë —yo̧a̧dique—.