Juan 9:6 - Biblia Pume

⁶ Ado Jechu judi ja̧di ta̧rëri̧ ni̧bä ëte, pju̧i̧noa̧de daburäpȩmo̧. Ado jënȩ pju̧i̧no̧a̧ ya ui oa mirea̧dejȩ dabu pjo̧no̧i̧ra̧ cjara mape bagari̧. Ado pio jiro cjarara̧ pio ju̧ri̧ra̧ joa̧dejȩ pumȩ ja̧ dacho oa.

Juan 9:6 Iomraidhean Croise

Marcos 7:33

Ado Jechu judi pumȩ buba oa a̧dë jätämi̧ cjiamȩrȩ a̧dë järëremȩdejȩrȩ ta̧ra̧ cotomȩ pio ju̧i̧ nö̧ta. Ja̧dëa ji̧ jibëa̧ ichi chjiara̧ pio ju̧ri̧ra̧ pu̧ra̧dejȩ pio ju̧i̧ ja̧ ta̧ra̧ puërä. Ado jibëa̧ ichi chjiarä pju̧i̧no̧ ëte, ga̧re tara̧dejȩ ju̧i̧ ja̧ tjopono̧ oa.

Marcos 8:23

Ado Jechu judi, da cotomȩ ja̧ ichi oa mitëmȩrȩ mu̧i̧ go̧dürëremȩdejȩ bë ma̧ri̧ri pio judiri. Ado jibëa̧ dacho oa pju̧i̧no̧ ëte, jibëa̧ ichi dëbëribora̧ ga̧re tara̧dejȩ jibëa̧ dacho oa. Ado ja̧dëa ji̧ iëno̧ë ta̧rëa̧dejȩ: —¿Eami̧ oa dadënȩ?

Juan 9:11

Ado dëbë yo̧mȩrȩ yo̧a̧dejȩrȩ: —Yö̧ta dari̧dë, jabechji̧ Jechu quȩmȩ pio judi chjaparȩa̧dique —yo̧a̧dejȩrȩ—. Cjarara̧ japa ëte, joa̧dique ca̧ dacho oa. Ado ja̧di dari̧ japa ëte, ca̧ dacho oa joe jätä yo̧a̧dique Chiroȩ quȩmȩ tjaräpȩ. Ado joa̧ ji̧, jabechji̧ chjaodëri̧ damȩpea̧requede dadërërea̧ ji̧. Chjaodëri̧ chjapea̧ oa cjiadiäa̧requede —yo̧a̧dejȩrȩ.

Jechurë Na̧rȩrërea̧ Ma̧ȩ 3:18

Ado pio ju̧i̧iä chi̧dëearequededibe. Jabechji̧ pio coaiä oro chjami̧ da oa gatëtä yo̧tarequededibe mȩnȩro̧ tjamo̧ri̧ goaji̧ri̧mi̧ dari̧ cjo̧ro̧pea̧ oa. Peaja̧di chjibo bërebëreami̧ da pio ju̧i̧bo gatëtäreji̧ri̧nerȩ chjadëri̧ ina̧pea̧ oa, mȩnȩro̧ idi̧ dari̧ cjiami̧ dari̧ cjiachea oa. Ado dibëa̧ dacho oa joarea̧mi̧ da pio ju̧i̧bo gatëtäreji̧ri̧nȩrȩ mȩnȩro̧ chjaparȩa̧ oa cjiami̧ dari̧ cjiapea̧ oa, mȩnȩro̧ ado chjereno̧ chjadëri̧ dami̧ dari̧ cjo̧ro̧pea̧ oa.