Juan 9:4 - Biblia Pume

⁴ Danȩrȩ ca̧ jadü, do üdë jabë biradëa̧rä, chjadëri̧ ja̧bepë yürütäreji̧ri̧rea̧ro̧jo̧ȩ Ütë tjamo̧ ja̧ oa, coa chjadüa̧mȩ pio ju̧i̧ ja̧ oa. 'Jabechji̧ ado cja̧rȩmo̧ doro japaemȩ jiroquëda’ quëna̧rea̧ decjiari̧ jabërä chjadëri̧ ja̧bepadärätäreji̧ri̧rea̧rȩ, ibëa̧ Ama̧i̧ judi ibë yürüa̧ ja̧beparea̧ pio ju̧i̧. Jabechji̧ gȩnȩpea̧rä ja̧beparea̧mi̧dëde. Pio ju̧i̧iä jabechji̧, doro chjadëri̧ ja̧bepapea̧ chiarea̧rȩ ibë chjadüa̧mȩ pio ju̧i̧ ja̧ oa.

Juan 9:4 Iomraidhean Croise

Mateo 20:7

Ado dëbë yo̧a̧diro̧jo̧ȩ: "Jabechji̧ eami̧ tjado ana̧mȩ pio judi ibë tänȩdëa̧ oaiä, ibë ja̧beparea̧ yürüdëa̧ oaiä, jabechji̧ jabomo̧ dae cjiarea̧rȩ" dëbë yo̧a̧diro̧jo̧ȩ. Ado pio ju̧i̧ ta̧rëa̧ oaiä ja̧di ta̧rëri̧ yo̧a̧dejȩrȩ: "Ja̧dirä judi jabechji̧ ca̧ tjadoräpȩ ja̧bepapea̧ oa jäeno̧chji̧vä, uva tjadoräpȩ ju̧ri̧" yo̧a̧dejȩrȩ. Ado chjaodëri̧ jäeno̧a̧dirȩ.

Marcos 3:3

Ado Jechu judi yo̧a̧dejȩ ichi chjerea̧mȩ pio ju̧i̧iäpȩmo̧: —Danȩ, cjitëno̧vä. Ado jauëräpȩmo̧ jana̧vä pumȩ ja̧ dëbëräpȩ —yo̧a̧dejȩ.

Juan 10:32

Jabo Jechu judi yo̧a̧dejȩrȩ: —Danȩrȩ, dibëa̧ dachoro co ji̧ra̧ri̧ chjadëri̧ a̧doa̧requedejȩrȩ pumȩ ji̧ri̧, chjadëri̧ japamȩrȩ —yo̧a̧dejȩrȩ—. Ado cüdë ja̧di dari̧ japea̧ oaiä, jabechji̧ ca̧ Ama̧i̧ pio ju̧i̧ ja̧ ma̧ȩrä chjadëri̧ na̧rȩa̧requedibe, pio ju̧i̧ ja̧ jauëchjara̧. Ado pio ju̧i̧iä iëno̧ë ta̧rërequededibe. ¿Tjana̧pea̧ ji̧ ae ja̧bo tänȩtämi̧ cjiarenȩro̧coe? ¿Ado tjana̧ na̧rȩrea̧ oaiä ana̧ri̧ jo̧rȩtaji̧ri̧pea̧renȩrȩ? ¿Tjana̧ na̧rȩrea̧ oaiä ae ja̧bo tänȩtämi̧ cjiarenȩro̧coe? —yo̧mȩrȩ iënoë ta̧rëa̧dejȩrȩ Jechu judi.

Juan 10:37

Danȩrȩ, cüdë ca̧ Ama̧i̧ judi jauëchja cjiari̧ japatä yürüa̧ pio ju̧i̧ japadërä judi, jabechji̧ quëna̧dëchji̧coe.

Juan 12:35

Ado Jechu judi dëbë yo̧a̧dejȩrȩ: —Danȩrȩ, japamitë boi̧chji̧ maea oa cjiadique tatami̧ damȩ ju̧i̧, dibëa̧ chjarerä cjo̧ro̧pea̧ ji̧. Jabechji̧ dibë a̧dë baäpea̧ ji̧ querediä tjamo̧requede. Ado pio ju̧i̧iä yo̧requededibe. Tatami̧ damȩ pio judi jabë cjo̧ro̧a̧ nö̧ta, jabechji̧ tatami̧ darämo̧ cjo̧ro̧chji̧vä. Aja̧, bagönȩ üdë dibë chjaodëri̧ acji jana̧mi̧ dari̧ japachea oa tatami̧ darämo̧ cjo̧ro̧chji̧vä. Jabechji̧ bagönȩrä ta̧i̧mȩ judi, ‘ja̧dira̧ baäquëda’ quëna̧ dabadëmȩrȩ ta̧ide.

Juan 17:4

—Aja̧ Ama̧i̧, cüdë dai chirirä cjo̧ro̧a̧ nö̧ta, chjadëri̧ na̧rȩa̧requede na̧ chjacjiamȩrea̧ pio ju̧i̧ —yo̧a̧dejȩ—. Ado mȩnȩ coa yürüa̧ ja̧beparea̧ pio ju̧i̧ japadäräa̧reconȩ.

Juan 4:34

Jabo Jechu judi yo̧a̧dejȩrȩ: —Danȩrȩ, ca̧ jurarea̧ üdë, coa chjadüa̧mȩ pio ju̧i̧ ja̧ ma̧ȩ oa ta̧rëdiärea̧de. Jabechji̧ judi pio coaiäpȩmo̧ yürüa̧ ja̧beparea̧ pio ju̧i̧ ja̧bepadärätämi̧ cjiareconȩ. Pio judi tjamo̧de ca̧ jurarea̧ üdë. Pio ju̧i̧iä ju chiarea̧ darequede —yo̧a̧dejȩrȩ—. Danȩrȩ, mȩnȩro̧ jurarea̧ goae oa jura̧ oaiä ma̧ chiadëri̧ cjianȩrȩ. Ado peaja̧dimi̧ dari̧ cjiarequede ca̧ Amai̧ ja̧ ma̧ȩ oa ta̧rëdiäa̧ oaiä.

Juan 5:19

Pio ju̧i̧iä Jechu judi yo̧rëremȩdejȩrȩ judio tjamo̧ yo̧ji̧ri̧ pio ji̧ri̧iäpȩmo̧: —Danȩrȩ, tjamo̧i̧ cjiari̧ baämȩ ma̧ȩ pio ju̧i̧ yo̧requededibe —yo̧a̧dejȩrȩ—. Ja tjamo̧ pio judirequede. Ado ca̧ea̧ ma̧na̧ri̧ jo̧rȩtamȩrȩ japadërequede. Jabechji̧ jape cjiamȩ oa dae chjaoreconȩ ca̧ Ama̧i̧ ju̧i̧. Ado judi japea̧ pio ju̧i̧mo̧i̧ japarequede cüdë. Pio judi japami̧ dari̧ japarequede, Ja tjamo̧mȩrȩ.

Juan 5:36

Jabo danȩrȩ, Juan judi pio coa chjiari yo̧a̧ pio ju̧i̧ u̧i̧ ba chiade cüdë japea̧ üdë. Danȩrȩ, cüdë japea̧ üdë ca̧ Amai̧ judi yo̧a̧ duri maeade. Jabechji̧ judi yo̧a̧ duri pio ju̧i̧mo̧i̧ japamȩrȩ cjo̧ro̧requede. Ado judi yo̧a̧ pio ju̧i̧ japadärätämi̧ cjiareconȩ. Jabechji̧ cüdë japea̧ üdë chjadëri̧ na̧rȩde pio coa chjiari. Tjamo̧ davä. Ca̧ Ama̧i̧ judi coa chjadüa̧ pio ju̧i̧ chjiari chjadëri̧ na̧rȩde.

Juan 7:33

Ado ja̧dëa ji̧ yo̧a̧dejȩrȩ Jechu judi ju̧i̧ ja̧ yuroro a̧dopë cjiaji̧ri̧ oa: —Danȩrȩ, japamitë boi̧chji̧ maea oa ëba cjiaparequededibe —yo̧a̧dejȩrȩ—. Ado japamitë boi̧chji̧ chjätä ëte, ado chjereno̧ baäparequede coa chjadüa̧mȩ pio ju̧i̧iäpȩ.

Japarea̧ 4:20

Ja̧di dari̧ ütarë jo̧rȩtaji̧ri̧pea̧rea̧rȩ pio a̧ro̧rȩ. Ado pio ju̧i̧iä jabechji̧, Jechu pio ju̧i̧ chjiari cjapiri̧ cjo̧ro̧dëparea̧rȩ. A̧ro̧rȩ pio ju̧i̧ irä dae chjaoa̧ pio ju̧i̧iä, a̧ro̧rȩ pio ju̧i̧ irä ta̧rë chjaoa̧ oaiä, jabechji̧ pio ju̧i̧ chjiari a̧ra̧ano̧e ano̧rea̧mi̧dërea̧rȩ —yo̧ji̧ri̧rȩ dëbë yo̧rëreji̧ri̧diro̧jȩrȩ Juan judi, Pedro judi.

Garata Ma̧ȩ 6:10

Pio ju̧i̧iä a̧ro̧rȩ chjadëri̧ japarea̧ darä judi, jabechji̧ chjadëri̧ japatäreji̧ri̧rea̧ro̧jȩrȩ ütëbodärä oa. Ado quëna̧ji̧ri̧ pio ji̧ri̧iäpȩmo̧ ji̧dë u̧i̧ järitäreji̧ri̧rea̧rȩ pio ji̧ri̧ chjadëri̧ a̧dopea̧ ji̧ ibëa̧ pumȩpea̧ tara.

Epjecho Ma̧ȩ 5:16

Jabechji̧ pio yaba̧mȩ yoaiä cjo̧ro̧ji̧ri̧ pio judiro̧ orë ma̧i̧ da chjai̧dë oa jape cjiaji̧ri̧rȩ cjo̧ro̧dirȩ. Pio judiro̧mi̧ dari̧ cjo̧ro̧dëchji̧vä, jabo ji̧dë ma järi tjamo̧chji̧vä chjadëri̧ cjo̧ro̧pea̧ ji̧, tjaoërämo̧dë.

Corochȩche Ma̧ȩ 4:5

Ado na̧e chiachji̧vä quëna̧dëji̧ri̧ pio ji̧ri̧ nö̧ta dëbëdiärä. Jabechji̧ badë maea oa ni̧bädëchji̧jȩrȩ. Ado danȩrȩ, mȩnȩro̧ pio ji̧ri̧iäpȩmo̧ chjadëri̧ japarea̧ darä, jabechji̧ chjadëri̧ japachji̧jȩrȩ.