Juan 9:34 - Biblia Pume

³⁴ Ado ju̧i̧ ta̧rëa̧ oaiä, goëdëri̧ cjiape bagaji̧ri̧rȩ yo̧a̧diro̧jo̧ȩ: —Mȩnȩ jabë ara̧ oa cjiadëa̧rä chjai̧dë tjamo̧rëremȩrenȩ —yo̧a̧diro̧jo̧ȩ—. Ado chjai̧dë ja̧ chja̧oerämo̧ cjiamȩrȩ ütëparëremȩrenȩ. Ado ja̧di dari̧ cjo̧ro̧mȩborë ¿a̧ra̧ano̧tarenȩibe? Cjäri̧ marenȩ, ibë a̧ra̧ano̧rea̧mi̧dërenȩ —ya̧ji̧ri̧rȩ dëbë yo̧a̧diro̧jo̧ȩ. Ado chjaodëri̧ go̧dü tänȩrëreji̧ri̧diro̧jo̧ȩ dairäpȩmo̧, judiorë a̧doparea̧ bëräpȩ a̧doparea̧mi̧dëri̧.

Juan 9:34 Iomraidhean Croise

Taruparea̧ Ma̧ȩ 19:9

Jabo judiro̧ Oto ju̧i̧ ta̧rë cjiadiädëa̧diro̧jo̧ȩ. Ado yo̧a̧diro̧jo̧ȩ ja̧dëa ji̧: —Jabechji̧ jachi cjiavä. Pio a̧ro̧rȩ cjo̧ro̧rea̧ yürüa̧ oa cjo̧ro̧mȩpea̧renȩ ibëa̧ chjarerä. Jabo cjäri̧ marenȩibe, tjaoërimȩrȩ tjamo̧ cjo̧ro̧mȩmi̧ dari̧ japatarenȩibe. Jabo cjäri̧ marea̧rȩ, na̧ ma̧ȩrä cjo̧ro̧dërea̧rȩ. Ado mȩnȩ ja̧di dari̧ japea̧ oaiä, jabechji̧ a̧ro̧rȩ pio jiro oari ji̧ri̧ ma̧i̧ dari̧ japatärea̧ ji̧, jabechji̧ pio mȩa ano̧ mire japaparea̧ro̧mȩ yaba̧. Pio mȩa a̧dë chjäte ma̧i̧ dari̧ japaparea̧ro̧mȩ —yo̧a̧diro̧jo̧ȩ. Ado chjaodëri̧ acji bagureno̧a̧diro̧jo̧ȩ Oto ju̧i̧. Joë yaräpȩ yuro gi̧de ae cji̧däa̧diro̧jo̧ȩ.

Go̧a̧rea̧ 51:5

Danȩ ca̧ Ütë, coa arayi̧ jini̧ coa ara̧ domȩri ja̧, jabechji̧ chjai̧dëri̧ japapai̧ dari̧ cjiarëremȩrequede. Ado cüdë jabë aradëa̧rä, ca̧ ai̧ pio ji̧ ja̧ acärä pearä cjiarërea̧ ji̧, pearä boi̧chji̧rërea̧ ji̧ jabë aradëa̧rä, peaja̧di chjai̧dëri̧ japapai̧ dari̧ cjiarëremȩrequede.

Go̧dürea̧ Ma̧ȩ 2:14

Ado dëbë yo̧mȩrȩ yo̧a̧dejȩ: —¿Chjiacjivarenȩ mȩnȩ? ¿Chjiarë tänȩa̧ oa tjamo̧ yo̧mȩpea̧renȩ? ¿Chjiarë tänȩa̧ oa ibë ütaramȩpea̧renȩ? Ado ¿yö̧ta japaparenȩ yaba̧? Mȩnȩ pe judi ejichio pio ju̧i̧ ja̧bo tänȩa̧rea̧mi̧ ¿ja̧bo tänȩdëparenȩque yaba̧? —yo̧mȩrȩ dëbë yo̧a̧dejȩ Moiche ju̧i̧iäpȩmo̧. Ado Moiche judi pio ju̧i̧ ta̧rëa̧ oaiä, uapa tjamo̧pea̧de. Ado judi, 'Chia chia, cüdë pe judi goaditea̧ pio ju̧i̧ daba ma jirodiro̧da' quëna̧ jo̧rȩtamȩpea̧de.

Lucas 11:45

Jabo cja̧rȩmȩrȩ, Moicherë go̧ȩparërea̧ ma̧ȩ oa a̧ra̧ano̧mȩ pio judi pio ju̧i̧ ta̧rëa̧ oaiä, yo̧a̧dejȩ Jechu ju̧i̧: —Jabo cjäri̧ marenȩibe, mȩnȩ ja̧di ta̧rëri̧ yo̧a̧ oaiä, pio ibëiäpȩmo̧ aechide yo̧renȩibe —yo̧a̧dejȩ.

Lucas 14:11

Ado pio ju̧i̧iä yo̧requededibe. Eami̧ pumȩ judi pio jȩa ba chiaparȩmi̧ dari̧ japamȩ pio judi, jabechji̧ badëparȩa̧ oa cjiami̧ dari̧ cjiadiäpade. Jabo jibëa̧ ma̧na̧ri̧ badëparȩmi̧ dari̧ japamȩ pio judi, jabechji̧ ba chiaparȩa̧ oa cjiami̧ dari̧ cjiadiäpade —yo̧mȩrȩ ni̧bä chjaoa̧dejȩrȩ Jechu judi.

Lucas 18:17

Ado danȩrȩ, tjamo̧i̧ cjiari̧ yo̧requededibe. Eami̧ pumȩ üdë bori̧ pio judiro̧ quëna̧mi̧ dari̧ quëna̧dërä judi, Ütërë yo̧a̧ chja̧oeräpȩ yu̧a̧rea̧ dadëpade. Tjamo̧ davä. Eami̧ pumȩ üdë bori̧ pio judiro̧ quëna̧mi̧ dari̧ quëna̧dërä judi, bori̧ judiro̧, 'Aja̧, Ütë tjamo̧ ja̧ ma̧ȩ üdë tjamo̧dida' quëna̧mi̧ dari̧ quëna̧dërä judi, jabechji̧ Ütërë yo̧a̧ chja̧oeräpȩ yu̧a̧rea̧ dadëpade —yo̧a̧dejȩrȩ.

Lucas 6:22

Ado danȩrȩ, o judiro̧ pio dibëiäpȩmo̧ goëdëri̧ cjia darä, jabechji̧ chjadëri̧ a̧doa̧ oa cjiapanȩrȩ Ütë tjamo̧ pio ju̧i̧iä. Tjamo̧ davä. Mȩnȩro̧ pio coaiäpȩmo̧ quëna̧ oaiä goëdëri̧ cjia daea̧ oa cjiarä judi, badë daea̧ oa cjiarä judi, dairäpȩ tutia̧ oa cjiami̧ dari̧ jiada̧ oa cjiarä judi, jabechji̧ chjadëri̧ a̧dopadidibe Ütë tjamo̧ judi. Jabechji̧ o judiro̧ pio coa quëna̧ oaiä ma̧ȩ goaedëti̧ra̧ ya̧ea̧ oa cjiarä judi, 'Aja̧, pumȩ chjadëdërenȩ Pumȩrȩ Ara̧ Tjamo̧ pio ju̧i̧ cho̧rë jämȩ tara' yo̧a̧ oa ta̧rëji̧ri̧rȩ cjo̧ro̧rä judi, jabechji̧ chjadëri̧ a̧dopadidibe Ütë tjamo̧ judi.

Juan 6:37

Jabo ca̧ Ama̧i̧ judi pio coaiäpȩmo̧ yürüa̧ pumȩ pio judiro̧ chjadëri̧ ma̧na̧mi̧ dari̧ quëna̧padiro̧coe. Ado eami̧ pumȩ judiro̧ pio coaiäpȩmo̧ ma̧na̧mi̧ dari̧ quëna̧ji̧ri̧ pio ji̧ri̧, jabechji̧ ba chia daparequedejȩrȩ, baä tänȩrea̧ decjiari̧ —yo̧a̧dejȩrȩ—.

Juan 8:41

Jabo mȩnȩro̧, jabechji̧ dibëa̧ ama̧i̧ pio judi japarërea̧mi̧ japatanȩrȩ —yo̧a̧dejȩrȩ Jechu judi. Jabo dëbë yo̧a̧diro̧jo̧ȩ: —Jabo cjäri̧ marea̧rȩ, teracabari̧ ara̧ oa cjiadë marea̧rȩ. Üi̧ ëbadëyi̧ pio jini̧ ara̧ oa cjo̧ro̧dë maearea̧rȩ. Jabechji̧ cja̧rȩmȩde ibëa̧ Ama̧i̧ judi. Ütë tjamo̧ pio judimo̧de —yo̧a̧diro̧jo̧ȩ.

Juan 9:2

Ado jibëa̧ jadü judiro̧ iëno̧ë ta̧rëa̧diro̧jo̧ȩ: —Danȩ A̧ra̧ano̧mȩ, ¿tjana̧ japatä da cotomȩrȩ ara̧ oa cjiarëremȩde pio jiro üi̧ üdë? ¿Pio judi chjai̧dëri̧ japea̧ oaiä da cotomȩde? ¿Jabo ju̧i̧ nö̧riji̧ri̧ pio judiro̧ chjai̧dëri̧ japea̧ oaiä da cotomȩrȩ cjo̧ro̧de? ¿Tjana̧ ju̧i̧iä ja̧di dari̧ ara̧ oa cjiade? Chjadëri̧ yo̧ibe —yo̧a̧diro̧jo̧ȩ.

Juan 9:22

Aja̧, ja̧di ta̧rëri̧ yo̧ji̧ri̧rȩ dëbë yo̧rëreji̧ri̧diro̧jȩrȩ pjaricheo pio ji̧ri̧iäpȩmo̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä ja̧di ta̧rëri̧ dëbë yo̧rëreji̧ri̧diro̧jȩrȩ, chjö̧na̧i̧ oa yo̧tärea̧ ji̧. Jabechji̧ peadë ta̧rërëreji̧ri̧dirȩ davä judiro̧ ma̧ȩ yürüa̧ pio ju̧i̧ chjiari, Jechu ju̧i̧iäpȩmo̧ quëna̧ji̧ri̧ yo̧a̧ pio ji̧ri̧ chjiari. "'Aja̧, Jechu judi Ütërë mitëa̧ Chjätä Tänȩmȩ pio judidida’ quëna̧ji̧ri̧ pio judiro̧, jabechji̧ dairäpȩ tutia̧ oa cjiami̧ dari̧ cjiapadirȩ, judiorë a̧doparea̧ bëräpȩ a̧doparea̧mi̧dëri̧” yo̧a̧ pio ju̧i̧ peadë ta̧rëa̧dirȩ.

Juan 9:35

Paricheo judiro̧ da cotoremȩ pio ju̧i̧ ma̧i̧ dari̧ japea̧ pio ju̧i̧ chjiari ta̧rëa̧ oaiä Jechu judi goëdepea̧dejȩ, jënȩ chjaparȩa̧ pio ju̧i̧. Ado pio ju̧i̧iäpȩ go̧düdäräa̧mȩrȩ iëno̧ë ta̧rëa̧dejȩ: —Danȩ, ¿Pumȩrȩ Ara̧ Tjamo̧ pio ju̧i̧ quëna̧dënȩ? —iëno̧ë ta̧rëa̧dejȩ.

Juan 9:40

Ado Jechu judi da cotoremȩ pio ju̧i̧ ja̧di ta̧rëri̧ ni̧bä chjaomȩ oa ta̧rëa̧diro̧jo̧ȩ pjaricheo judiro̧ orë. Ado iëno̧ë ta̧rëa̧diro̧jo̧ȩ: —¿Pio ibë chjiari yo̧dënȩ? ‘Pio judiro̧ da cotomi̧ dari̧ cjiadiro̧da’ quëna̧mȩrȩ ¿yo̧dënȩ? —yo̧ë ta̧rëa̧diro̧jo̧ȩ.

Garata Ma̧ȩ 2:15

Jabo Pedro pio ju̧i̧ ji̧dë u̧i̧ ni̧bä chjaotämi̧ cjiamȩrȩ ja̧di ta̧rëri̧ a̧de yo̧a̧reconȩ, judio ütëborë ta̧rërea̧mi̧ dari̧: —Danȩrȩ, a̧ro̧rȩ judiorë ara̧ oa cjo̧ro̧ marea̧rȩ. Jabechji̧ judiodë pio judiro̧ tüdüa̧mi̧ darä cjo̧ro̧pea̧ ma̧ȩ oa dabadëji̧ri̧ pio judiro̧mi̧ dari̧ cjo̧ro̧dërea̧rȩ.

Epjecho Ma̧ȩ 2:3

Peaja̧di marëreji̧ri̧rea̧rȩ ütëborë quëna̧ji̧ri̧ pio judiro̧. Jabechji̧ ibëa̧ icjararä chjai̧dë üdë chi̧dëea̧ chja̧oerämo̧ cjo̧ro̧rëreji̧ri̧rea̧rȩ. Ado ibëa̧ chji̧ra̧ jo̧rȩta̧mi̧ japeno̧rëreji̧ri̧rea̧rȩ chjai̧dë pio ju̧i̧. Pio ju̧i̧iä Ütë tjamo̧ ja̧ ërecjia̧ pio ju̧i̧ tarapai̧ dari̧ cjo̧ro̧rëreji̧ri̧rea̧rȩ, o judiro̧mi̧.

Pedro Ma̧ȩ 1 5:5

Ado oari pei̧ chja pio ji̧ri̧bo chidëeatämi̧ cjiarequededibe ma̧ȩ boi̧chji̧ maea oa. Danȩrȩ, tjamo̧ jidaji̧ri̧ pio judiro̧ chi̧dëea̧ chja̧oerä cjo̧ro̧täreji̧ri̧nȩrȩ, chjadëri̧ ta̧rëdiäji̧ri̧rȩ. Aja̧, pio jiro ma̧ȩ maeara̧ chi̧dëeamȩrȩ go̧ȩpe chjadürequededibe oari pëi̧ chja pio ji̧ri̧. Ado yaba̧ dibë ütëbo oa, tjamo̧ jidaji̧ri̧ pio ji̧ri̧bo chi̧dëearequededibe. Danȩrȩ, dibëa̧ chji̧rämo̧ jo̧rȩtadëchji̧vä, jabo ütëbodärä oa ba chia daji̧ri̧rȩ a̧dochji̧jȩrȩ, ‘o ji̧ri̧ u̧i̧ ba chiaquëda’ quëna̧rea̧ decjiari̧. Jabechji̧ ja̧di ta̧rëri̧ go̧ȩpea̧ oa cjiarëremȩde ma̧ȩ üdë. Ta̧rëchji̧vä: “Ütë tjamo̧ judi chjuari̧ dëbëpe chjaodejȩ jibëa̧ chji̧rämo̧ quëna̧tamȩ pio ju̧i̧, jabo cjäri̧ri̧ cjiamȩrȩ a̧dodejȩ chjadëri̧ jo̧rȩtamȩ ju̧i̧, ‘o judiro̧ pio coa u̧i̧ ba chiadiro̧ca̧da’ quëna̧mȩ pio ju̧i̧.” Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado pio ju̧i̧iä ‘ba chia tjamo̧quëda’ quëna̧ jo̧rȩtadëtäreji̧ri̧nȩrȩ ‘jabomo̧ boquëda’ quëna̧ jo̧rȩtariä cjo̧ro̧täreji̧ri̧nȩrȩ.

Juan Ma̧ȩ 3 1:10

Ado ja̧di tara omȩ, cüdë pio ju̧ri̧pȩ go̧düdäräa̧rä, jabechji̧ chjadë maearä cjiami̧ dari̧ ni̧bä chjaoparequededibe judi chjai̧dëri̧ japea̧ pio ju̧i̧ chjiari. Tjamo̧ davä. Quëna̧ji̧ri̧ ütëbo oa ni̧bä chjaoparequededibe. Danȩ, Diotepe pio judi ji̧dë ma ma̧ȩ chjádë yürüde pio ibë chjiari. Jabechji̧ pumȩ judiro̧ pio ibëiäpȩmo̧ badë dapea̧ oa, pio ibëiäpȩmo̧ aechide yo̧pea̧ oa, ma̧ȩ chjádë yürümȩde. Ado pio ju̧i̧ uëri a̧dodëri̧ cjiadejȩrȩ Ütë tjamo̧ ja̧ ma̧ȩ oa a̧ra̧ano̧riä tai̧ji̧ri̧ pio ji̧ri̧. Jabechji̧ pio ji̧ri̧ chjadëri̧ a̧dotärea̧ ji̧, a̧dodëdejȩrȩ. Ado pio ju̧i̧ uëri tuti chi̧dëeadejȩrȩ a̧dorea̧ taraji̧ri̧ pio ji̧ri̧. Jabechji̧ judiro̧ a̧dotärea̧ ji̧, judiro̧ chjadëri̧ yürütärea̧ ji̧, cjäri̧ madejȩrȩ, a̧dorea̧ yürüdëdejȩrȩ. Jabo Diotepe judi a̧dorea̧ yürüdëa̧räbo, jabechji̧ o judiro̧ a̧dorëreji̧ri̧diro̧jȩrȩ a̧ra̧ano̧ji̧ri̧ pio ji̧ri̧. Pio ju̧i̧ jiadaji̧ri̧rȩ a̧dorëreji̧ri̧diro̧jȩrȩ jibëa̧ra̧ pio ju̧ri̧ra̧. Jabo cjäri̧ madejȩrȩ, judiro̧ pio ji̧ri̧ a̧doa̧ oaiä Diotepe pio judi dairäpȩ tutimi̧ dari̧ japarëremȩdejȩrȩ judiro̧ quëna̧ji̧ri̧ ji̧ri̧ nö̧ta ëba a̧doparea̧mi̧dëri̧. Cjäri̧ made ca̧ omȩ, a̧dë chjäte ma̧i̧ dari̧ japamȩde. Ado pio ju̧i̧iä cuchu chiadëri̧ ni̧bä chjaoparequededibe davä, judi chjai̧dëri̧ japea̧ pio ju̧i̧ chjiari, cüdë pio ju̧ri̧pȩ go̧düdäräa̧rä.

Juan Ma̧ȩ 3 1:9

Danȩ Gaio, Ütë tjamo̧ ja̧ oa ja̧bepaji̧ri̧ pio ji̧ri̧ chjadëri̧ a̧dopea̧ pio ju̧i̧ chjiari ma̧ȩ oa go̧ȩpe chjadürëremȩrequededibe pio mȩa nö̧ta a̧dopaji̧ri̧ pio ji̧ri̧iäpȩmo̧. Jabo pio dibë nö̧ta a̧dopamȩ judi, Diotepe quȩmȩ pio judi, cjäri̧ madique, jibëa̧ chji̧rämo̧ jo̧rȩtamȩrȩ ja̧bepade, ado pio ju̧i̧iä ta̧rë japadëri̧ cjiadique. ‘Jabechji̧ Juan judi tjamo̧ yo̧rea̧ chiadëmȩdida, Juan ja̧ chja̧oerä cjiadëquëda, jabo pio cüdëmo̧rȩ tjamo̧ yo̧mȩrȩ ja̧bepatäremȩquëda’ quëna̧ jo̧rȩtade. Ado pio ju̧i̧iä jiadadique.

Jechurë Na̧rȩrërea̧ Ma̧ȩ 13:17

Ado jiro go̧ȩ oa cji̧däa̧ oa cjiadëmȩ judi, jabechji̧ gatërea̧ dadëa̧de. Ado peaja̧di gatë tänȩrea̧ dadëa̧de. Jabechji̧ go̧ȩ oa cji̧däa̧rämo̧ chjadëri̧ cjo̧ro̧rea̧ daea̧dirȩ pumȩ judiro̧. Ado pio jiro go̧ȩ üdë, jabechji̧ chirirä cjo̧ro̧mȩmi̧ da pio ju̧i̧ ja̧ quȩde. Ado pio ju̧i̧ ja̧ quȩ üdë peaja̧di ütararea̧ maeara̧ yo̧rea̧mi̧ dade.