Danȩrȩ, dacho cotorëreji̧ri̧ pio judiro̧ chjadëri̧ daji̧ri̧pea̧dirȩ. Ado ma̧i̧ da co chiarëreji̧ri̧ pio judiro̧ chjaparȩa̧ oa cjiaji̧ri̧pea̧dirȩ. Ado tai̧rea̧ chiadërëreji̧ri̧ pio judiro̧ chjadëri̧ tai̧rea̧ daji̧ri̧pea̧dirȩ. Ado ta̧ra̧ cotorëreji̧ri̧ pio judiro̧ chjadëri̧ ta̧rëji̧ri̧pea̧dirȩ. Ado ja̧boa̧reji̧ri̧ pio judiro̧ bëdü ëte, cjo̧ro̧ji̧ri̧pea̧dirȩ ado chjereno̧. Ado chjö̧na̧i̧ti̧ oa cjäri̧ ja̧boji̧ri̧ pio judiro̧ ma̧ȩ chjadëi̧ pio ju̧i̧ ta̧rëdërërea̧ ji̧, jabechji̧ a̧ra̧ano̧a̧ oa ta̧rëji̧ri̧pea̧dirȩ yaba̧. Aja̧, pio ju̧i̧ chjiari chjadëri̧ ta̧rë tänȩchji̧jo̧ȩ Juan pio ju̧i̧. Jabechji̧ cüdë chjö̧na̧i̧ oa japea̧ pio ju̧i̧ chjadëri̧ ni̧bä chjaochji̧jo̧ȩ, mȩnȩro̧ daea̧ pio ju̧i̧. Jabechji̧ judi dabadëchea oa, chjadëri̧ ta̧rë tänȩchji̧jo̧ȩ.
Juan 9:3 - Biblia Pume3 Ado Jechu judi dëbë yo̧a̧dejȩrȩ: —Cjäri̧ made, jënȩ chjai̧dëri̧ japea̧ pio ju̧i̧iä da cotomȩrȩ cjiadiädërëremȩde. Ado jȩa nö̧riji̧ri̧ pio judiro̧ chjai̧dëri̧ japea̧ pio ju̧i̧iä peaja̧di da cotomȩrȩ cjiadiädëa̧de. Jabechji̧ da cotomȩrȩ ara̧ oa cjiarëremȩde Ütë tjamo̧ ja̧ jauëchja üdë pio jiro üi̧ pio ju̧i̧iä chjadëri̧ na̧rȩa̧ oa cjiapea̧ oa. Faic an caibideil |
Juan 9:3
16 Iomraidhean Croise
Ado Jechu judi ma̧ȩ ta̧rëa̧ oaiä ja̧di ta̧rëri̧ yo̧a̧de: —Dacharo judi taramȩborë bucho ana̧ ja̧bodëpade. Jabo jabechji̧ gito ja̧bode Ütë ja̧ jauëchjarea̧ üdë chjadëri̧ na̧rȩa̧ oa cjiapea̧ oa. Ado ca̧ jauëchjarea̧ pio judiborë chjadëri̧ na̧rȩa̧ oa cjiapea̧ oa ja̧bode peaja̧di. Jabechji̧ pumȩ judiro̧ ca̧ jauëchjarea̧ oa darä, ‘Aja̧, Ütë tjamo̧ ja̧ Joja üdë a̧dë chjäte ba chiadida’ quëna̧ jo̧rȩtapadiro̧coe. Ado pio ju̧i̧iä gito ja̧bode —yo̧a̧de.
Ado ju̧ri̧pȩ cjo̧ro̧ji̧ri̧ judiro̧ ma̧i̧ da ë chiamȩ po pio ju̧i̧ daea̧ oaiä, Pablo ja̧ ichiri baramȩ oa daea̧ oaiä, jibëa̧ dëbëti̧ra̧ chia ni̧bä chjaoji̧ri̧pea̧dirȩ ja̧di ta̧rëri̧ yo̧ji̧ri̧rȩ: “Aja̧, pio yodëje ma̧i̧ da chjai̧dë oa japea̧ jirodida, ado cja̧rȩmo̧ pumȩ oa ja̧bo tänȩa̧ jirodiji̧da, ado ui ana̧räpȩ jemu̧i̧ ja̧botärea̧ ji̧ ja̧bodëa̧dida, jabo goadirea̧ dadëdida, cjo̧ro̧rea̧ dadëpadida, jabechji̧ jënȩ chjai̧dë oa japea̧ ba oa bape chjaoa̧ oa cjiapea̧ chiadida, ado pio ju̧i̧iä porë jui ja̧bo tänȩa̧ oaiä bape chjaoa̧ oa cjiapadida' quëna̧ jo̧rȩtaji̧ri̧rȩ ni̧bä chjaorëreji̧ri̧dirȩ jibëa̧ dëbëti̧ra̧ chia.
Jabo tjamo̧ a̧dopaji̧ri̧ judiro̧ pio ju̧i̧ ta̧rëa̧ oaiä, to̧bari̧ ba dëbë yo̧a̧diro̧jȩrȩ. Jabechji̧ uapai̧ ta̧rëri̧ yo̧ë cji̧däji̧ri̧rȩ yo̧a̧diro̧jȩrȩ judiro̧ Jechu pio ju̧i̧ chjiari a̧ra̧ano̧chea oa. Ado ja̧di ta̧rëri̧ yo̧ ëte, baä tänȩa̧diro̧jȩrȩ. Jabechji̧ pio ji̧ri̧ gitoi̧ dari̧ japatärea̧ ji̧, eami̧ oa japarea̧ dadëa̧diro̧jȩrȩ. Jabechji̧ pumȩ judiro̧ ütëborë Ütë tjamo̧ pio ju̧i̧iäpȩmo̧ chjacjiamȩri̧ ni̧bäa̧ oaiä, Jechu ja̧ jadü judiro̧ ta piruremȩ pio ju̧i̧ jauëchja cjiari̧ chjaparȩa̧ oa cjia̧ oaiä, jabechji̧ bape chjaorea̧ dadëa̧diro̧jȩrȩ, pumȩ bubarë cjarari̧ cjiape bagachea oa.
Jabechji̧ dabaji̧ri̧pea̧rea̧rȩ. 'Ütë tjamo̧ judi ütararea̧mi̧dëri̧ eamȩdiibëda' quëna̧ dabaji̧ri̧pea̧rea̧rȩ. Ado pio jiro earea̧ pio ju̧i̧iä, jabechji̧ ja̧ȩ cjiami̧ dari̧ cjo̧ro̧rea̧rȩ, 'ji̧dë ma chjadëri̧ eadiibëda' quëna̧ jo̧rȩtaji̧ri̧rȩ. Jabechji̧ Ütë tjamo̧ judi a̧dë chjäte eamȩrȩ eadiibe. Ado eami̧ pumȩ judi Ütërë ea̧ chja̧oerä cjo̧ro̧mȩ pio judi, jabechji̧ cja̧rȩmȩpe baga̧de Ütë tjamo̧ pio ju̧i̧ nö̧ta, ji̧mo̧ cjiarea̧mi̧ dari̧. Ado Ütë tjamo̧ judi peaja̧di cja̧rȩmȩpe baga̧de pio ju̧i̧ nö̧ta, peaja̧di ji̧mo̧ cjiari̧.
Danȩrȩ, Ütë tjamo̧ pio judi na̧rȩrëremȩdiibe jënȩ ea̧ pio ju̧i̧. Tjamo̧ davä. Jënȩ pio ibëiäpȩmo̧ ütararea̧mi̧dëri̧ ea̧ pio ju̧i̧ chjiari ana̧ri̧ na̧rȩrëremȩdiibe. Jabechji̧ ana̧ri̧ na̧rȩmȩrȩ Joja pio ju̧i̧ chjadürëremȩdejȩ pumȩ ja̧ chjarerä cjo̧ro̧pea̧ oa. Cja̧rȩmȩ maea oa ëbamȩborë chjadürëremȩdejȩ a̧ro̧rȩ pio ju̧i̧iä bucho ana̧ cjo̧ro̧rea̧ dapea̧ oa.