Juan 9:21 - Biblia Pume

²¹ Jabo pio a̧ro̧rȩborë tjamo̧ri̧ dabadërea̧rȩ. ‘¿Yö̧ta dari̧ chjapea̧ oa cjiadida, da cotomȩrȩ cjo̧ro̧rërea̧ ji̧, ¿yö̧ta dari̧ chjapea̧ oa cjiadida yaba̧, ¿chjiarë chjaparȩa̧diji̧da’ quëna̧ jo̧rȩtadërea̧rȩ peaja̧di —yo̧a̧diro̧jȩrȩ—. Jabo jabechji̧, pio ju̧i̧ irä iëno̧ë ta̧rëchji̧jo̧ȩ. Chji̧ chiade. Dëbë yo̧rea̧ chiade. Boi̧chji̧ ma ja̧didëde —dëbë yo̧a̧diro̧jo̧ȩ.

Juan 9:21 Iomraidhean Croise

Lucas 8:43

Ado peaja̧di ëba järëreyi̧nȩjȩ iei̧ jini̧, gito ja̧boyi̧ pio jini̧. Nö̧ri nö̧ripë tara cjiayi̧rȩ cjo̧ro̧rëreyi̧nȩ 12 ui nö̧ta. Ado chjapea̧ oa cjiatämi̧ cjiayi̧rȩ jä chjaotarëreyi̧nȩ chjaparȩji̧ri̧ pio ji̧ri̧räpȩ, jabo cjäri̧ madiro̧jȩ, a̧dodëa̧diro̧jȩ. Jini̧ cjatäcjiarea̧ datärea̧ ji̧, ji̧dë u̧i̧ tarayi̧pea̧nȩ.

Juan 5:5

Ado pumȩ judi cja̧rȩmȩrȩ no̧mȩ tjamo̧ri ja̧ a̧rȩrëremȩde. Jabechji̧ gito ja̧bomȩrȩ a̧rȩrëremȩde 38 uiri ja̧.

Juan 9:10

—Jabo chjadëri̧ yo̧ibe. ¿Yö̧ta dari̧ chjapea̧ oa cjiarenȩ yaba̧ da cotomȩrȩ cjo̧ro̧rërea̧ ji̧? —iëno̧ë ta̧rëa̧diro̧jo̧ȩ.

Juan 9:20

Ja̧dëa ji̧ nö̧riji̧ri̧ judiro̧ dëbë yo̧a̧diro̧jȩrȩ: —Danȩrȩ, tjamo̧ri̧ yo̧nȩrȩ. Pio yodëje ibëa̧ jade —yo̧a̧diro̧jȩrȩ—. Ado da cotomȩrȩ ara̧ oa cjo̧ro̧rëremȩde.

Juan 9:22

Aja̧, ja̧di ta̧rëri̧ yo̧ji̧ri̧rȩ dëbë yo̧rëreji̧ri̧diro̧jȩrȩ pjaricheo pio ji̧ri̧iäpȩmo̧. Jabechji̧ tjamo̧ yo̧ji̧ri̧ judio pio ji̧ri̧ uapea̧ oaiä ja̧di ta̧rëri̧ dëbë yo̧rëreji̧ri̧diro̧jȩrȩ, chjö̧na̧i̧ oa yo̧tärea̧ ji̧. Jabechji̧ peadë ta̧rërëreji̧ri̧dirȩ davä judiro̧ ma̧ȩ yürüa̧ pio ju̧i̧ chjiari, Jechu ju̧i̧iäpȩmo̧ quëna̧ji̧ri̧ yo̧a̧ pio ji̧ri̧ chjiari. "'Aja̧, Jechu judi Ütërë mitëa̧ Chjätä Tänȩmȩ pio judidida’ quëna̧ji̧ri̧ pio judiro̧, jabechji̧ dairäpȩ tutia̧ oa cjiami̧ dari̧ cjiapadirȩ, judiorë a̧doparea̧ bëräpȩ a̧doparea̧mi̧dëri̧” yo̧a̧ pio ju̧i̧ peadë ta̧rëa̧dirȩ.

Juan 9:23

Ado pio ju̧i̧iä nö̧riji̧ri̧ judiro̧ ütëbo oa chjadëri̧ yo̧tärea̧ ji̧, jabechji̧ joja pio ju̧i̧, üi̧padäräa̧mȩ pio ju̧i̧ chjadëri̧ iëno̧ë ta̧rëtä yo̧a̧diro̧jȩrȩ tjamo̧ yo̧ji̧ri̧ judio pio ji̧ri̧.

Japarea̧ 9:33

Ado ju̧ri̧pȩ go̧düdärä ëte darëremȩdejȩ pumȩ oa, Enea quȩmȩ oa. Tai̧rea̧mi̧dëmȩ oa, ju aäpapea̧mȩ oa daea̧dejȩ, jibëa̧ tjae mo̧a̧rea̧ri pio judiri cjitërea̧mi̧dëmȩ oa. Ja̧di dari̧ cjo̧ro̧rëremȩde 8 ui nö̧ta.