Juan 9:13 - Biblia Pume

¹³ Ja̧dëa ji̧ da cotoremȩ pio ju̧i̧ nö̧ta ni̧bä chjaoreji̧ri̧ pio judiro̧ ëba järëreji̧ri̧diro̧jo̧ȩ pjaricheo pio ji̧ri̧iäpȩ.

Juan 9:13 Iomraidhean Croise

Juan 11:57

Ado pjaricheo judiro̧, ado o ji̧ri̧ chjiari tjamo̧ goë tuti ja̧bepaji̧ri̧ pio judiro̧borë mitëtämi̧ cjia tjamo̧rëreji̧ri̧diro̧jo̧ȩ Jechu ju̧i̧. Chaäpea̧ oa mitëtämi̧ cjiarëreji̧ri̧diro̧jo̧ȩ. Ado pio ju̧i̧iä jabërä ma̧ȩ chjadüa̧diro̧jȩrȩ pumȩ ji̧ri̧iäpȩmo̧, pio jibëiäpȩmo̧ ma̧ȩ yürütä Jechu pio ju̧i̧ chjiari, pio ju̧i̧ darä judi pio jibëiäpȩmo̧ ma̧ȩ yürütä.

Juan 12:19

Jabo pjaricheo judiro̧ ja̧di ta̧rëri̧ ni̧bä chjaoa̧dirȩ jibëa̧ dëbëti̧ra̧ chia: —Jabo cjäri̧ marea̧rȩ, eami̧ oa japarea̧ dadërea̧rȩ. Dae jädë marea̧rȩ. Boadärädiibe Jechu judi. Ütëbodäräti̧rȩ cho̧rë jäa̧ madiro̧jo̧ȩ —yo̧a̧dirȩ pjarichjeo pio judiro̧, ana̧ri̧ jo̧rȩtaji̧ri̧rȩ.

Juan 12:42

Ado judirä, tjamo̧ yo̧ji̧ri̧ judio no̧i̧dërë peaja̧di quëna̧ji̧ri̧pea̧diro̧jo̧ȩ Jechu ju̧i̧. Jabo pio ju̧i̧ chjiari chjadë maearä ni̧bätärea̧ ji̧, uaparëreji̧ri̧dirȩ pjaricheo pio ji̧ri̧iä. ‘Jabo cjäri̧ maa̧ro̧da, a̧ro̧rȩ Jechu pio ju̧i̧ chjiari ni̧bärä judi, aeno̧padiro̧ibëda, judiorë a̧doparea̧ bëräpȩ a̧doparea̧ yurüdëpadiro̧ibëda’ quëna̧ jo̧rȩta̧ji̧ri̧rȩ cjapi maeari̧ cjiadiärëreji̧ri̧dirȩ, pio ju̧i̧ chjiari chjadëri̧ ni̧bätärea̧ ji̧,.

Juan 9:12

Ado jiro üi̧ üdë, pio mȩa̧ chjaparȩa̧mȩ pio judi, ¿tjana̧räpȩde? —iëno̧ë ta̧rëa̧diro̧jo̧ȩ. —Dabadëde —dëbë yo̧a̧dejȩrȩ.

Juan 9:14

Jabechji̧ Jechu judi da cotoremȩ pio ju̧i̧ chjaparea̧ do üdë, cjarara̧ jo̧a̧ do üdë, järätä chjaparea̧ dorëremȩde.