Juan 8:5 - Biblia Pume

⁵ Ado ja̧di dari̧ japayi̧ ji̧ ta̧dëra̧ pio ju̧ri̧ra̧ ae ja̧bo tänȩpea̧de yo̧diibe Moicherë go̧ȩparërea̧ ma̧ȩ üdë. ¿Jabo yö̧ta dari̧ jo̧rȩtarenȩ? ¿Yö̧ta japatäreji̧ri̧rea̧ro̧jȩ? —yo̧ji̧ri̧rȩ iëno̧ë ta̧rëa̧diro̧jo̧ȩ Jechu ju̧i̧.

Juan 8:5 Iomraidhean Croise

Mateo 1:19

Ado jibëa̧ üi̧pamȩ judi, Joche pio judi, 'Aja̧, Maria jini̧ bo maini̧da’ quëna̧ ta̧rëa̧ oaiä, jabechji̧ ana̧ri̧ jo̧rȩtamȩpea̧de. ‘Jabo cjäri̧ mani̧da, ëbarea̧mi̧dëquiji̧da yaba̧, ado cja̧rȩmo̧ oa ëba̧ jironi̧da, jabechji̧ ano̧rea̧ go̧ȩ i oa yürüpea̧ chiaquiji̧da, jabo ütëborë ta̧rërea̧mi̧ dari̧ yo̧dëpaquiji̧da, jabechji̧ idëri̧ cjia tänȩdëri̧ cjiaquiji̧da, jabechji̧ pio ji̧ chjiari cjapiri̧ cjiadiäpaquëda, o judiro̧ pio ji̧ chjiari goadi ya̧chea oa cjiapiri̧ cjiadiäpaquëda’ quëna̧ jo̧rȩtarëremȩde Joche judi. Jabechji̧ pumȩ chjadë tara, coëma cjiari̧ cjo̧ro̧mȩ pumȩ tara, ja̧di dari̧ jo̧rȩtarëremȩde Joche judi.

Mateo 5:17

Ado Jechu judi ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ pumȩ ji̧ri̧: ⁠—⁠Danȩrȩ ca̧ pumȩ, oëra̧ jo̧rȩtadëchji̧vä ⁠—⁠yo̧a̧dejȩrȩ⁠—⁠. Oëra̧ jo̧rȩtadëchji̧vä Moicherë go̧ȩparërea̧ ma̧ȩ pio ju̧i̧ chjiari. Oëra̧ jo̧rȩtadëchji̧vä Ütërë ea jana̧ chjadüa̧ oa ni̧bäji̧ri̧ judiro̧ go̧ȩparërea̧ ma̧ȩ pio ju̧i̧ chjiari. ‘A̧ja̧, Jechu pio judi birë ma̧na̧ oaiä, jabechji̧ Moicherë go̧ȩparërea̧ ma̧ȩ üdë badëdida yaba̧, jabechji̧ Jechu judi Moicherë go̧ȩparërea̧ ma̧ȩ pio ju̧i̧ badëparȩpea̧ oa ma̧na̧ jirodida, ado Ütërë ea jana̧ chjadüa̧ oa ni̧bäji̧ri̧ pio judiro̧ go̧ȩparërea̧ ma̧ȩ pio ju̧i̧bo badëparȩra̧pea̧ oa ma̧na̧ jirodida’ peaja̧di quëna̧ jo̧rȩtarea̧mi̧dëde. Jabechji̧ pio judiro̧ go̧ȩpea̧ ma̧ȩ oa badëparȩra̧padëa̧requede, jabo jabechji̧ pio jiro ma̧ȩ üdë tjamo̧i̧ cjiari̧ cjiadiäpea̧ oa ma̧na̧requede.

Juan 8:4

Ado Jechu pio ju̧i̧iäpȩmo̧ yo̧a̧diro̧jo̧ȩ: —Danȩ a̧ra̧ano̧mȩ, a̧ro̧rȩ pio yi̧a iei̧ ji̧ pea dadäräa̧rea̧ro̧jȩ jibëa̧ üi̧dë pio ju̧i̧ baë ëba mo̧a̧yi̧ ji̧.