Juan 8:43 - Biblia Pume

⁴³ ¿Tjana̧ ju̧i̧iä bapë ta̧rëdërenȩro̧coe? Tjana̧ ju̧i̧iädë, jabechji̧ pio coa ta̧rë ja̧bodëri̧ cjia oaiä bapë ta̧rërea̧mi̧dënȩrȩ.

Juan 8:43 Iomraidhean Croise

Mateo 13:15

Jabechji̧ pio jiro pumȩ ja̧ chji̧ üdë dabu chjua tjamo̧mi̧ dade. Dabapadëri̧ cjiamȩ chji̧ chiadirȩ. Ado ta̧ra̧ cotomi̧ dari̧ cjiadirȩ ji̧dëri̧. Da pjuruta̧ cjiami̧ dari̧ japadirȩ, tjamo̧ri̧ dabapadëri̧ cjiaji̧ri̧rȩ. Ado pio jiro pumȩ judiro̧ ja̧di dari̧ japea̧ oaiä, jabechji̧ da cotomi̧ dari̧ cjiadirȩ, jënȩro̧ dadiämi̧ dari̧ jo̧rȩtatärea̧ ji̧. Ado ta̧ra̧ cotomi̧ dari̧ cjiadirȩ peaja̧di, jënȩro̧ tjamo̧ri̧ ta̧rëdiätärea̧ ji̧. Ado chji̧ cotomi̧ dari̧ cjiadirȩ peaja̧di, jënȩro̧ bapë ta̧rëtärea̧ ji̧. Ado pio ju̧i̧iä ano̧ mire jo̧rȩtarea̧mi̧dëdirȩ. Ado pio ju̧i̧iä cüdë ji̧ri̧ chjaodëri̧ duridëparȩtärea̧ ji̧, pio ji̧ri̧ chjaparȩmi̧ dari̧ japatärea̧ ji̧, cjäri̧ marequedejȩrȩ, duridëparȩrea̧mi̧dërequedejȩrȩ.” Aja̧, ja̧di ta̧rëri̧ ni̧bärëremȩde Ütë tjamo̧ judi pio jiro pumȩ pio ji̧ri̧ chjiari. Ado judi ni̧bärërea̧ pio ju̧i̧ go̧ȩparëremȩde Ichaia judi jabërä judirä.

Juan 5:25

Danȩrȩ, tjamo̧i̧ cjiari̧ yo̧requededibe ado —yo̧a̧dejȩrȩ—. Ja̧boa̧mi̧ dari̧ cjo̧ro̧ji̧ri̧ pio judiro̧ orë ta̧rë jabo̧padirȩ ca̧ ma̧ȩ pio ju̧i̧, Ütë ja̧ Joja ja̧ ma̧ȩ pio ju̧i̧. Ado pio yaba̧mȩ oa peaja̧di ta̧rë ja̧bodiro̧coe ca̧ ma̧ȩ oa. Ado ta̧rë ja̧boji̧ri̧ pio judiro̧ bëdüa̧ oa cjiami̧ dari̧ cjo̧ro̧rea̧ dapadirȩ.

Juan 5:43

Jabechji̧ cüdë ca̧ Ama̧i̧ pio judi chjadüa̧ oa birë ma̧na̧räbo, jiadarenȩro̧coe. Jabo eami̧ pumȩ üdë jibëa̧ ma̧na̧ri̧ jo̧rȩtamȩrȩ ni̧bärä judi, ä, chjaodëri̧ ta̧rë ja̧borenȩro̧jo̧ȩ.

Juan 6:60

Jabo Jechu judi ja̧di ta̧rëri̧ yo̧mȩrȩ a̧ra̧ano̧rërea̧ ji̧ goae tjamo̧dërëremȩdejȩrȩ pio jȩa cho̧rë jädiäji̧ri̧ pio ji̧ri̧iä. Ado pio ju̧i̧iä ja̧di ta̧rëri̧ yo̧rëreji̧ri̧dirȩ: —Jabo cjäri̧ made, pio jiro a̧ra̧ano̧rea̧ üdë jamȩpai̧ ta̧rëde —yo̧a̧dirȩ—. Ta̧rërea̧mi̧dëde.

Juan 7:17

Ado eami̧ pumȩ judi, Ütërë eami̧ tjamo̧ri̧ japatämi̧ cjiarä judi, jabechji̧ chjadëri̧ dabarea̧ dapade davä cüdë a̧ra̧ano̧a̧ pio ju̧i̧ chjiari —yo̧a̧dejȩrȩ—. 'Jabechji̧ jibëa̧ ma̧na̧ri̧ jo̧rȩtamȩrȩ a̧ra̧ano̧dëdida, jabo Ütë tjamo̧ pio judiri ma̧na̧mȩ maea oa a̧ra̧ano̧dida’ quëna̧ jo̧rȩtapade pio coa chjiari.

Juan 8:27

Jabo pjaricheo judiro̧ chjadëri̧ ta̧rëdëa̧diro̧jo̧ȩ Jechu ju̧i̧. ‘Aja̧, Ama̧i̧ tjamo̧ pio ju̧i̧ chjiari ni̧bä chjaodiibëda’ quëna̧dëa̧diro̧jo̧ȩ.

Juan 8:33

Jabo Jechu judi ja̧di ta̧rëri̧ yo̧a̧ oaiä, goae tjamo̧dërëremȩdejȩrȩ. Ado ja̧di ta̧rëri̧ dëbë yo̧a̧diro̧jo̧ȩ: —Jabo cjäri̧ marea̧rȩ —dëbë yo̧a̧diro̧jo̧ȩ—. Abaraa̧ pio judiri ja̧ marea̧rȩ. A̧ro̧rȩ cja̧rȩmȩ co mu̧i̧tjoi̧dë marëreji̧ri̧rea̧rȩ. ¿Tjana̧ ju̧i̧iä ja̧di ta̧rëri̧ yo̧renȩibe. ¿Tjana̧ ju̧i̧iä mu̧i̧tjoi̧ pio ju̧i̧ chjiari yo̧renȩibe? —yo̧ji̧ri̧rȩ iëno̧ë ta̧rëa̧diro̧jo̧ȩ.

Juan 8:39

Jabo yo̧a̧diro̧jo̧ȩ: —Ibëa̧ taru judi, ibëa̧ ama̧i̧mi̧ da judi, jabechji̧ Abaraa̧ pio judide. Pio judiri ja̧ maearea̧rȩ —yo̧a̧diro̧jo̧ȩ. Jabo Jechu judi dëbë yo̧a̧dejȩrȩ: —Cjäri̧ manȩrȩ, mȩnȩro̧ Abaraa̧ pio ju̧i̧ ja̧ u̧ri̧ tjamo̧rä judi, pio ju̧i̧ cho̧rëdiätäreji̧ri̧renȩro̧jo̧ȩ. Pio judi japarërea̧mi̧ japatäreji̧ri̧nȩrȩ —yo̧a̧dejȩrȩ—.

Japarea̧ 7:51

—Jaboti̧ri̧ji̧ri̧nȩrȩ mȩnȩro̧ —yo̧a̧dejȩrȩ Eteba judi—. Jabechji̧ dibëa̧ ütëti̧rea̧ judiro̧ jape chjaorërea̧mi̧ jape chjaonȩrȩ. Judiro̧ Tjo tjamo̧ pio ju̧i̧ jiadarërea̧mi̧ ji̧dë ma jiade chjaonȩrȩ peaja̧di. Ji̧dë ma dëbë järirenȩro̧jo̧ȩ. Jabechji̧ ta̧rë puë chiadëti̧rȩ cjianȩrȩ Ütë tjamo̧ ja̧ ma̧ȩ oa ta̧rë ja̧bodëji̧ri̧rȩ. Jabechji̧ mȩnȩro̧ ano̧ mire jo̧rȩtatärea̧ ji̧, ano̧ mire jo̧rȩtadëri̧ cjianȩrȩ.

Domano Ma̧ȩ 3:11

Pumȩ cja̧rȩmȩrȩ tjamo̧ri̧ dabadëde Ütë tjamo̧ pio ju̧i̧ chjiari. Ado pio ju̧i̧ na̧tami̧ dari̧ japadë madiro̧jo̧ȩ.