Juan 8:3 - Biblia Pume

³ Ado ja̧dëa ji̧ Moicherë go̧ȩparërea̧ ma̧ȩ oa a̧ra̧ano̧ji̧ri̧ judiro̧, ado pjaricheo judiro̧borë go̧düdärärëreji̧ri̧dirȩ Jechurë a̧ra̧ano̧mȩräpȩ. Ado iei̧ ji̧ ëba go̧düdäräa̧diro̧jȩ chjai̧dëri̧ japea̧yi̧ pio ji̧, jibëa̧ üi̧dë oa baë ëba mo̧a̧yi̧ pio ji̧. Jabechji̧ goadirea̧ dadëyi̧ oa mitëa̧diro̧jȩ. Ado chjaodëri̧ ëba jäa̧diro̧jȩ Jechurë a̧ra̧ano̧mȩräpȩ. Ado pumȩ ütëbo ja̧ dëbëräpȩ ju̧ri̧ cjia tänȩa̧diro̧jȩ.

Juan 8:3 Iomraidhean Croise

Mateo 2:4

Ado pio ju̧i̧iä Erode judi chjaodëri̧ a̧dopa tänȩno̧rëremȩdejȩrȩ judio ütëti̧ pio ji̧ri̧. Jabechji̧ tjamo̧ goë tuti ja̧bepaji̧ri̧ pio ji̧ri̧, Moicherë go̧ȩparërea̧ ma̧ȩ oa a̧ra̧ano̧ji̧ri̧ pio ji̧ri̧bo a̧dopa tänȩno̧rëremȩdejȩrȩ büë oa ütararea̧ dabaji̧ri̧ pio judiro̧ yo̧a̧ pio ju̧i̧ chjiari chjadëri̧ ta̧rëpea̧ oa. Ado a̧dopaji̧ri̧ oa ja̧di ta̧rëri̧ yo̧mȩrȩ iëno̧ë ta̧rërëremȩdejȩrȩ Erode judi: ⁠—⁠Chjadëri̧ yo̧chji̧coe ⁠—⁠yo̧a̧dejȩrȩ⁠—⁠. ¿Tjana̧räpȩ ara̧ oa cjiapade Ütërë mitëa̧ Chjätä Tänȩmȩ judi? Chjadëri̧ yo̧chji̧coe ⁠—⁠yo̧a̧dejȩrȩ.

Juan 8:2

Ado dopea̧rä peadai̧rä, ado chjereno̧ jäa̧de Ütë tjamo̧ ja̧ bëräpȩ. Ado ju̧ri̧pȩ go̧düdäräa̧mȩ oa, chjaodëri̧ tjoro tänȩa̧diro̧jo̧ȩ pumȩ judiro̧. Ado chamȩrȩ taruparëremȩde Jechu judi pio ji̧ri̧iäpȩmo̧ a̧ra̧ano̧pea̧ ji̧.

Juan 8:4

Ado Jechu pio ju̧i̧iäpȩmo̧ yo̧a̧diro̧jo̧ȩ: —Danȩ a̧ra̧ano̧mȩ, a̧ro̧rȩ pio yi̧a iei̧ ji̧ pea dadäräa̧rea̧ro̧jȩ jibëa̧ üi̧dë pio ju̧i̧ baë ëba mo̧a̧yi̧ ji̧.

Juan 8:9

Ado judiro̧ pio ju̧i̧ ta̧rëa̧ oaiä, taruparëreji̧ri̧dirȩ baäpea̧ oa. Jaerira̧ chjarapë baächäa̧dirȩ, jënȩro̧ chjai̧dëri̧ japea̧ pio ju̧i̧ ana̧ri̧ jo̧rȩtaji̧ri̧rȩ. Ji̧mo̧ baädëa̧dirȩ, jabo cja̧rȩmȩri̧ chjarapë baächäa̧dirȩ, ji̧dë u̧i̧ ütama̧i̧ pio judiro̧ yabochja baäji̧ri̧rȩ. Jechu judi jibëa̧ma̧i̧ cjiadiäri̧ a̧dë baärëreji̧ri̧diro̧jo̧ȩ. Ado iei̧ jini̧, jabechji̧ jabë dae cjiareyi̧nȩ jënȩ cjiamȩräpȩ.

Juan 9:13

Ja̧dëa ji̧ da cotoremȩ pio ju̧i̧ nö̧ta ni̧bä chjaoreji̧ri̧ pio judiro̧ ëba järëreji̧ri̧diro̧jo̧ȩ pjaricheo pio ji̧ri̧iäpȩ.

Japarea̧ 4:7

Ja̧dëa ji̧ Jechurë chjadüa̧ pio ji̧ri̧ yu̧a̧ tänȩrëreji̧ri̧diro̧jȩrȩ. Ado tjamo̧ yo̧ji̧ri̧ ja̧ yaboräpȩ ju̧ri̧ cjia tänȩa̧ duri oa, iëno̧ë ta̧rëa̧diro̧jȩrȩ: —¿Jabo yö̧ta dari̧ jauëchja cjiari̧ japea̧nȩrȩ mȩnȩro̧? —iëno̧ë ta̧rëa̧diro̧jȩrȩ. —¿Ado chjia ja̧ ma̧ȩrä japea̧nȩrȩ? ¿Chjia ja̧ quȩrä japea̧nȩrȩ? Chjadëri̧ yo̧chji̧ibe —yo̧ji̧ri̧rȩ iëno̧ iëno̧ cjia̧diro̧jȩrȩ judio tjamo̧ yo̧ji̧ri̧ judiro̧.

Domano Ma̧ȩ 7:3

Jabo jibëa̧ üi̧ üdë jabë ja̧bodëa̧rä ano̧ mire ëbadëpea̧nȩ. Jabo jibëa̧ üi̧ judi jabë ja̧bodëa̧rä ano̧ mire ëbarä judi, chjai̧dëri̧ japanȩ. Ado pumȩ judiro̧ pio ji̧ chjiari yo̧ro, “Aja̧, a̧dë oëadëri̧ cjiayi̧nȩ” yo̧pa. Jabo jibëa̧ üi̧ judi a̧dë ja̧borä judi, jarea̧mi̧ dari̧ cjianȩ ado cja̧rȩmo̧ üi̧ oa ano̧ mire ëbarea̧mi̧ dari̧. Ma̧ȩ pio ju̧i̧iä cäpë cji̧däa̧mi̧ dari̧ cjiarërea̧ ji̧, jare ano̧mi̧ dari̧ cjianȩ.