Juan 8:14 - Biblia Pume

¹⁴ Jabo Jechu judi dëbë yo̧a̧dejȩrȩ: —Danȩrȩ, cüdë ni̧bä chjaoa̧ üdë, jabechji̧ ba chiade. Tjamo̧ davä. Cüdë pio coa chjiari ni̧bä chjaoa̧räbo, jabechji̧ ba chia tjamo̧de. Jabechji̧ pio coa chjiari tjamo̧ri̧ dabarequede. 'Aja̧, pio judirimȩquëda, ado japamitë chjätä ëte ja̧dira̧ baäpaquëda’ quëna̧ dabarequede. Jabo mȩnȩro̧, cjäri̧ marenȩro̧coe, pio coa chjiari tjamo̧ri̧ dabadë manȩrȩ —yo̧a̧dejȩrȩ—.

Juan 8:14 Iomraidhean Croise

Juan 10:36

Ütë tjamo̧ judi icharaita tjamo̧ yo̧ji̧ri̧ pio ji̧ri̧iäpȩmo̧ “ütënȩrȩ” yo̧a̧rä judi, ¿tjana̧ ju̧i̧iä cjarari̧ cjiape baga̧nȩrȩ cüdë yo̧a̧ pio ju̧i̧ chjiari, cüdë, “Ütë tjamo̧ ja̧ Jojarequede” yo̧a̧ pio ju̧i̧ chjiari? Jabechji̧, Ama̧i̧ tjamo̧ pio judi mitërëremȩdique china̧chjari̧ tutimȩrȩ. Ado mitëa̧ oa cjiamȩ oa chjadürëremȩdique pio yoa chirirä. Tjamo̧ davä. Pio judi chjadüa̧ oa cjiarequede. Ado pio ju̧i̧iiä iëno̧ë ta̧rërequededibe. ¿Tjana̧ ju̧i̧iä ja̧di ta̧rëri̧ aenȩ ni̧bärenero̧coe? ¿Tjana̧ ju̧i̧iä “Chjai̧dëri̧ ni̧bärenȩ Ütë tjamo̧ pio ju̧i̧iäpȩmo̧” yo̧renȩro̧coe?

Juan 13:3

Ado Jechu judi Ama̧i̧rȩ pio jȩaiäpȩmo̧ jauëchja oa yürüa̧ pio ju̧i̧ chjiari dabarëremȩde. ‘Aja̧, jibëa̧ jauëchjarea̧ chjö̧na̧i̧ oa yürüa̧dicoada, a̧dë chjäte ji̧ra̧ri̧ cjiamȩ jauëchjarea̧ pio ju̧i̧ yürüa̧dicoada’ quëna̧ dabarëremȩde. Ado jënȩ a̧dëri jana̧pea̧ pio ju̧i̧ chjiari, ado jënȩ ado chjereno̧ baäpea̧ pio ju̧i̧ chjiari peaja̧di dabarëremȩde. ‘Aja̧, Ütë tjamo̧ pio judiri birë ma̧na̧quëda, ado pio ju̧i̧iäpȩ ado chjereno̧ baäpaquëda’ quëna̧ dabarëremȩde.

Juan 14:10

Danȩ Pjeripe, ¿coa chjiari tjamo̧ri̧ quëna̧dënȩ? Danȩ, cja̧rȩmȩrequede ca̧ Ama̧i̧ pio ju̧i̧ nö̧ta. Ji̧mo̧ cjiaji̧ri̧rȩ cja̧rȩmȩrea̧rȩ. Ado pio ju̧i̧iä ca̧ea̧ ma̧na̧ri̧ jo̧rȩtamȩrȩ ni̧bädërequededibe. Jabechji̧ cüdë dibë ni̧bä chjaoa̧ üdë, ca̧ Ama̧i̧ pio judiri ma̧na̧mȩ ma̧ȩ maeade. Jabechji̧ ca Ama̧i̧ judi pio coadi cjiamȩrȩ ja̧bepade pio coaiä, jibëa̧ ma̧na̧ri̧ jo̧rȩtamȩrȩ.

Juan 16:28

Aja̧, Ama̧i̧ tjamo̧ pio judi chjadüa̧ oa birë ma̧na̧requede —yo̧a̧dejȩrȩ—. Birë ma̧na̧requede dai chiriräpȩ cjo̧ro̧pea̧ oa. Jabo pio yoa chiri oa a̧dë baäpareconȩ ado chjereno̧, Ama̧i̧ pio ju̧i̧iäpȩ baäpea̧ oa —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧.

Juan 17:8

Aja̧ Ama̧i̧, mȩnȩ coa yürüa̧ ma̧ȩ pio ju̧i̧ yürüa̧requedejȩrȩ pio ji̧ri̧iäpȩmo̧. Ado jiadadëa̧diro̧coe. Chjadëri̧ ta̧rë ja̧boa̧diro̧coe na̧ ma̧ȩ oa. Ado tjamo̧ri̧ dabadirȩ Ama̧i̧ pio coa chjiari. 'Aja̧, pio judiri ma̧na̧diibëda, pio judi chjadüa̧ oa ma̧na̧diibëda’ quëna̧ dabaji̧ri̧pea̧dirȩ pio coa chjiari —yoa̧dejȩ Jechu judi.

Juan 18:37

Pio ju̧i̧ ta̧rëa̧ oaiä, Pirato judi iëno̧ë ta̧rëa̧dejȩ: —¿Jabo mȩnȩ tjamo̧ yo̧mȩrȩ cjo̧ro̧dënȩ? —yo̧a̧dejȩ. Ado Jechu judi dëbë yo̧a̧dejȩ: —Dëdë, tjamo̧ yo̧mȩre cjo̧ro̧quede. Birë ma̧na̧mȩrȩ ara̧ oa cjiarëremȩrequede pio yoa chirirä cjo̧ro̧pea̧ oa, tjamo̧i̧ cjiari̧ baämȩ ma̧ȩ pio ju̧i̧ ni̧bäpea̧ oa. Tjamo̧i̧ cjiari̧ baämȩ ma̧ȩ pio ju̧i̧ ta̧rë ja̧boji̧ri̧ pio judiro̧, ta̧rë ja̧bodiro̧coe —yo̧a̧dejȩ.

Juan 5:31

Ado Jechu judi judio tjamo̧ yo̧ji̧ri̧ pio ji̧ri̧iäpȩmo̧ ji̧dë u̧i̧ ni̧bä chjaomȩrȩ ja̧di ta̧rëri̧ a̧de yo̧rëremȩdejȩrȩ: —Danȩrȩ, pio cüdë coa chjiari ni̧bärä judi, ‘tjamo̧ri̧ yo̧diibëda’ quëna̧dëtäreji̧ri̧renȩro̧coe —yo̧a̧dejȩrȩ—.

Juan 8:42

Jabo Jechu judi dëbë yo̧a̧dejȩrȩ: —Danȩrȩ, Ütë tjamo̧ judi dibëa̧ Ama̧i̧rä judi, ea tjamo̧täreji̧ri̧renȩro̧coe —yo̧a̧dejȩrȩ—. Jabechji̧ pio judiri ma̧na̧requede. Ütë tjamo̧ pio judiri ma̧na̧requede. Ca̧ea̧ ma̧na̧ri̧ jo̧rȩtamȩrȩ ma̧na̧dëa̧requede, jabo pio judi chjadüa̧ oa ma̧na̧requede —yo̧a̧dejȩrȩ—.

Cori̧tio Ma̧ȩ 2 11:31

Danȩrȩ ca̧ oti̧, Ütë tjamo̧ judi, ibëa̧ Ano̧mȩ Jechu pio ju̧i̧ ja̧ Jäjäa pio judi tjamo̧ri̧ dabade davä pio coa chjiari, cüdë ma̧ȩ chjádë yürüdëpea̧ pio ju̧i̧ chjiari. Aja̧, bucho ana̧ chjacjiamȩri̧ jo̧rȩtapea̧ pio judi, bucho ana̧ chjacjiamȩri̧ jo̧rȩtapea̧ pio judi tjamo̧ri̧ dabade pio coa chjiari.

Cori̧tio Ma̧ȩ 2 12:11

Jabo cjäri̧ marenȩro̧coe ca̧ oti̧, japëtaramȩmi̧ dari̧ cjia tänȩa̧renȩro̧coe. Jabechji̧ mȩnȩro̧ pio coa chjiari chjadëri̧ yo̧a̧tärea̧ ji̧, cüdë dibëa̧ chjarerä chjadëri̧ ja̧beparërea̧ pio ju̧i̧ chjiari coëma cjiari̧ yo̧a̧tärea̧ ji̧, cjäri̧ manȩro̧coe, cjapi maearë cjiadiärëreji̧ri̧nȩrȩ pio coa chjiari chjadëri̧ goë tuti ni̧bätärea̧ ji̧. Ado pio ju̧i̧iä japëtaramȩmi̧ darë goaeri̧ ni̧bä chjaopea̧ chjiarequede pio coa chjiari. Danȩrȩ ca̧ oti̧, cüdë ba chiadëmȩräbo, jabechji̧ pio coa u̧i̧ ba chiadë madirȩ pio jiro oëra̧ a̧ra̧ano̧ji̧ri̧ judiro̧. Ado pio jiro pumȩ judiro̧, Jechurë chjadüa̧ oacji̧ quëna̧ japaji̧ri̧ pio judiro̧, dëdë, yo̧vedirȩ, ja̧di ta̧rëri̧ yo̧ji̧ri̧rȩ: "Aja̧, Jechurë chjadüa̧ pio ji̧ri̧iä ji̧dë u̧i̧ ba chia oa chjadüa̧diibe pio ibë” yo̧a̧vedirȩ. Jabo cjäri̧ madiro̧coe, Jechurë chjadüa̧ oacji̧ quëna̧ japaji̧ri̧ pio judiro̧ coa u̧i̧ ba chiadë madirȩ.

Cori̧tio Ma̧ȩ 2 12:19

Jabo danȩrȩ ca̧ oti̧, mȩnȩro̧ pio yoa ma̧ȩ oa go̧ȩ ni̧bärä, jabechji̧ oëra̧ jo̧rȩtadëtäreji̧ri̧nȩrȩ pio ibë chjiari. ‘Jabo cjäri̧ madiro̧ibëda, jabomo̧ pio jibë chjiari ni̧bäpea̧ oa go̧ȩpe chjadüa̧diro̧ibëda, ibëa̧ chjarerä cjo̧ro̧rëreji̧ri̧ pio judiro̧ pio ibëiäpȩmo̧ chjai̧dëri̧ japea̧ pio ju̧i̧ chjiari ni̧bäpea̧ oa go̧ȩpe chjadüa̧ jirodiro̧ibëda, jabechji̧ tjamo̧ri̧ chjai̧dëri̧ japadëa̧diro̧da quëna̧tä ea jirodiro̧ibëda’ quëna̧ jo̧rȩtadëtäreji̧ri̧nȩro̧ibe ca̧ oti̧. Pio ibë chjiari goë tuti ni̧bäpea̧ oa go̧ȩpa ma ja̧didë jabo jabechji̧, a̧ro̧rȩ Quiricho pio judiri ja̧ji̧ri̧rȩ go̧ȩpe chjadürea̧ro̧dibe pio dibë chjadëri̧ a̧dopea̧ oa. Jabechji̧ cjacjarë daba damȩ Ütë pio judi tjamo̧ri̧ dabadiibe. Jabechji̧ ibëa̧ jadünȩrȩ ca̧ oti̧. ‘Ado ba chia tjamo̧diro̧ca̧da’ quëna̧ jo̧rȩtaji̧ri̧rȩ ea tjamo̧rea̧ro̧dibe. Ado pio ju̧i̧iä a̧ro̧rȩ eami̧ oa japarä, jabechji̧ pio dibë ju chiaparȩpea̧ maea oa japarea̧ro̧dibe.

Jechurë Na̧rȩrërea̧ Ma̧ȩ 1:5

Ado Jechu Quiricho pio ju̧i̧iäbo goë cjo̧dërequede. Aja̧, Ütë ja̧ ma̧ȩ oa coëma cjiari̧ daba tänȩmȩ pio ju̧i̧iä, o ji̧ri̧ ja̧ yaboi̧ bëdüa̧ oa cjiamȩ pio ju̧i̧iä, ja̧boa̧remȩrȩ bëdüa̧ oa cjiamȩ pio ju̧i̧iäbo goë cjo̧dërequede, a̧dë chjäte tjamo̧ yo̧mȩ pio ju̧i̧iä, ado cja̧rȩmo̧rȩ nö̧tadärärea̧mi̧dëri̧ cjiamȩ Ütë pio ju̧i̧iä. Jabechji̧ pio ju̧i̧iäbo goë cjo̧dërequede, judi pio dibë cjäri̧ri̧ cjiamȩrȩ yürütä, mȩnȩro̧ ma̧ chjupi̧ cjiari̧ jo̧rȩtarea̧mi̧ dari̧. Jabechji̧ ji̧dë ma idami̧ dari̧ ea tjamo̧diibe Quiricho judi, eadëpe bagarea̧ decjiari̧. Ado pio ibë chjiari goe gu̧rori̧ ano̧ mire ja̧borërea̧ oaiä, jabechji̧ jare chjadüa̧ oa cjiami̧ dari̧ cjiarea̧rȩ yaba̧, a̧ro̧rȩ ibëa̧ icjararä chjai̧dërë yo̧a̧ chja̧oerä cjo̧ro̧chea oa.

Jechurë Na̧rȩrërea̧ Ma̧ȩ 3:14

Ja̧dëa ji̧ coa ni̧bämȩ judi, ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaoa̧dique: —Danȩ, ja̧di ta̧rëri̧ ma̧ȩ go̧ȩpe chjadütä earequedemȩ ca̧ mu̧i̧tjoi̧ pio ju̧i̧iäpȩmo̧, Daodichea quȩmȩ bë ma̧ri̧räpȩ a̧doparea̧ oa tjamo̧ jidamȩ pio ju̧i̧iäpȩmo̧ —yo̧a̧dique—. Aja̧, pio jȩa nö̧ta a̧dopaji̧ri̧ pio ji̧ri̧iäpȩmo̧ ja̧di ta̧rëri̧ ni̧bä chjaotä eareconȩ: “Danȩrȩ, ‘Ja̧ditäde’ quȩmȩ pio judirequede. Pio coaiä tjamo̧i̧ cjiari̧ cjiade Ütë tjamo̧ ja̧ ma̧ȩ üdë. Pio judi yo̧a̧mi̧ japadärämȩrequede a̧dë chiquirea̧ decjiari̧. Jabechji̧ judi pearä judirä pareaparërea̧ üdë pio coaiämo̧i̧ taruparëremȩde. Ado pio judimȩrȩ ma̧ȩ yürürequededibe.