Juan 7:5 - Biblia Pume

⁵ Ja̧di ta̧rëri̧ yo̧ji̧ri̧rȩ jabomo̧ goaeri̧ yo̧rëreji̧ri̧diro̧jo̧ȩ Jechu ju̧i̧iäpȩmo̧ judiro̧ quëna̧dëa̧ oaiä. Jabechji̧ pio ju̧i̧di ja̧ji̧ri̧ judiro̧borë quëna̧dëa̧diro̧jo̧ȩ. ‘Aja̧, Ütë tjamo̧ pio judi chjadüa̧ oa birë ma̧na̧diibëda’ quëna̧ dadëa̧diro̧jo̧ȩ. Ado pio ju̧i̧iä chjaocjiami̧ dari̧ yo̧rëreji̧ri̧diro̧jo̧ȩ.

Juan 7:5 Iomraidhean Croise

Mateo 12:46

Ado Jechu judi pjaricheo pio ji̧ri̧iäpȩmo̧ jabë ni̧bä chjaoa̧rä, chjaodëri̧ go̧düna̧ra̧rëreyi̧nȩ pio jȩa arayi̧ pio jini̧, jȩadi ja̧ji̧ri̧ pio judiro̧borë. Jabechji̧ pio ju̧i̧ nö̧ta ni̧bä chjaotämi̧ cjiaji̧ri̧rȩ go̧düna̧ra̧rëreji̧ri̧dirȩ.

Marcos 3:21

Ado Jechu ju̧i̧di ja̧ji̧ri̧ pio judiro̧, ado jȩa arayi̧ pio jini̧borë goëdepea̧diro̧jo̧ȩ Jechu ju̧i̧. Jabechji̧ judiro̧ ma̧ȩ ta̧rëa̧ oaiä, "Aja̧, pumȩ buba oaiä jurarea̧ dadëde" yo̧a̧ oa ta̧rëa̧ oaiä, "Cjarari̧ cjiape bagami̧ dari̧ cjiade" yo̧a̧ oa ta̧rëa̧ oaiä, jabechji̧ bücjüri̧ cjiaji̧ri̧rȩ goëdepea̧diro̧jo̧ȩ pio ju̧i̧ chjadëri̧ ëba baäpea̧ oa.

Juan 7:10

Jabo Jechu ja̧ pumȩ judiro̧ judiorë a̧dopamȩräpȩ jäa̧ duri oa, peaja̧di järëremȩde, ji̧ri̧ ja̧ ma̧ȩrä jädëmȩrȩ. Jabo ütëborë pio jȩaiäpȩmo̧ darea̧mi̧ dari̧ jätärea̧ ji̧, goadi jämȩrȩ jäa̧de.

Juan 7:3

Ado pio ju̧i̧iä Jechu ja̧ oti̧ judiro̧, pio ju̧i̧di ja̧ji̧ri̧ pio judiro̧ yo̧a̧diro̧jo̧ȩ Judiorë a̧doparea̧räpȩ jätä. Jabomo̧ yo̧ji̧ri̧rȩ yo̧a̧diro̧jo̧ȩ, jibëa̧ omȩ pio ju̧i̧ ba chia dadëji̧ri̧rȩ. —Jaevä Jechu, pio yudiri go̧dütäremȩrenȩ Judea chiriräpȩ jäpea̧ oa —yo̧a̧diro̧jo̧ȩ—. Danȩ, na̧ jadü judiro̧ pio mȩa chjadëri̧ dapea̧ oa, jauëchja cjiari̧ na̧rȩmȩ oa irä dapea̧ oa, jabechji̧ ja̧dira̧ jätäremȩrenȩ —yo̧a̧diro̧jo̧ȩ—.

Juan 7:4

Danȩ, eami̧ pumȩ üdë o judiro̧ pio jȩa chjiari chjadëri̧ dabatä earä judi, pio jȩaiäpȩmo̧ ba chia jo̧rȩtatä earä judi, jabechji̧ goadirea̧mi̧dëde, jabo chjadë maearä cjo̧ro̧mi̧ dari̧ japapea̧ chiade. Ado mȩnȩ jauëchja cjiari̧ japarea̧ chia tara, jabechji̧ dai chirirä cjo̧ro̧ji̧ri̧ ütëbodärärë dabarea̧mi̧ dari̧ japatäremȩrenȩ pio ji̧ri̧ ja̧ dachoro. Jaevä. Judearäpȩ jävä —yo̧a̧diro̧joȩ, Jechu pio ju̧i̧ ba chia dadëji̧ri̧rȩ.